მეფე მესიმ პელეს გაასწრო
1 575 ნახვა
ლეო მესი 25 წლისაა, თუმცა ის ისტორიაში უკვე უმაღლესი დონის ფეხბურთელებთან ერთად მოიხსენება. ამის შესახებ ციფრები საუბრობენ. "მალიორკასთან" შეხვედრაში მან კალენდარულ წელს გატანილი გოლების რაოდენობით პელეს გაუსწრო. "მალიორკას" კარში გატანილი 2 გოლის შემდეგ 2012 წელს არგენტინელ მოთამაშეს 76 გოლი აქვს გატანილი, ერთით მეტი, ვიდრე პელეს 1958 წელს.
ამ 76 გოლიდან მესიმ 64 "ბარსას" რიგებში გაიტანა, ხოლო 12 არგენტინის ნაკრებში. ეს გოლები მან 59 შეხვედრაში გაიტანა: 51 მატჩი "ბარსას" რიგებში, ხოლო 8 არგენტინის ნაკრებში. პროცენტულად ის 1.29 გოლს იტანს მატჩში. 1958 წელს პელემ 75 გოლის გატანა 53 შეხვედრაში შეძლო (1.41 გოლი მატჩში). 66 გოლი მან "სანტოსის" რიგებში გაიტანა, 9 კი ბრაზილიის ნაკრებში. სხვადასხვა ეპოქის ორი გენიოსი.
ყველაზე მეტი გოლი მესიმ ლა ლიგაში გაიტანა – 48. აქედან 33 გასულ სეზონში, ხოლო 15 მიმდინარეში. ჩემპიონთა ლიგაში მის ანგარიშზე 11 გოლია, ესპანეთის თასზე ლეომ 3 გოლი გაიტანა, ხოლო ესპანეთის სუპერთასზე 2.
პელეს გოლები კი ასე გადანაწილდა: პაულისტას ჩემპიონატში "სანტოსის" რიგებში მან 58 გოლი გაიტანა, კიდევ 8 ბურთი რიო–სან–პაულოს ტურნირზე. რაც შეეხება ბრაზილიის ნაკრებში გატანილ 9 გოლს, 6 მათგანი პელემ შვედეთში გამართულ მსოფლიოს ჩემპიონატზე გაიტანა (3 მოგებული მუნდიალიდან პირველი), დანარჩენი 3 გოლი კი ამხანაგურ მატჩებში.
"მალაგა" და "ბაიერი" – მთავარი მსხვერპლები
მიუხედავად იმისა, რომ არგენტინელის უსაყვარლესი მსხვერპლი მადრიდის "ატლეტიკოა" 2012 წელს ასე არ მოხდა. "მალაგამ" და "ბაიერმა" ლა ლიგაში და ჩემპიონთა ლიგაში მესისგან 6–6 ბურთი გაუშვეს. განსაკუთრებით დასამახსოვრებელი იყო გერმანელების კარში გატანილი 5 გოლი "ნოუ კამპზე". ასევე 4–4 გოლი გაუტანა მან "ვალენსიას" და "ესპანიოლს".
2012 წლის 76 გოლი
"ბარსელონა" (64 გოლი)
ლა ლიგა (48 გოლი): "მალაგა" (6), "რაიო" (4), "ესპანიოლი" (4), "ვალენსია" (4), "რეალ სოსიედადი" (3), "გრანადადა" (3), "ხეტაფე" (3), "დეპორტივო" (3), "მალიორკა" (3), "სარაგოსა" (2), "ოსასუნა" (2), "ლევანტე" (2), "რეალი" (2), "რასინგი" (2), "ბეტისი" (2), "სევილია" (1), "ატლეტიკო" (1), "ატლეტიკი" (2).
ჩემპიონთა ლიგა (11 გოლი): "ბაიერი" (6), "მილანი" (2), "სპარტაკი" (2), "სელტიკი" (1).
ესპანეთის თასი (3 გოლი): "ოსასუნა" (2), "ატლეტიკი" (1).
ესპანეთის სუპერთასი (2 გოლი): მადრიდის "რეალი" (2).
არგენტინის ნაკრები (12 გოლი)
2014 წლის მსოფლიოს შესარჩები (5 გოლი): ურუგვაი (2), ჩილე (1) ეკვადორი (1), პარაგვაი (1).
ამხანაგური მატჩები (7 გოლი): შვედეთი (3), ბრაზილია (3), გერმანია (1).
ავტორი: Pep Guardiola წყარო: barca.ru
