სალომე გოგიაშვილს ქმარმა საპატარძლო კაბა სიურპრიზად დაახვედრა
4 419 ნახვა
რადიოწამყვან სალომე გოგიაშვილს ქმარმა, ბიზნესმენმა ვახო ნიკოლეიშვილმა, სიურპრიზი მოუწყო და 2 ნოემბერს, სალომეს დაბადების დღეს, სიღნაღში წაიყვანა, სასტუმროს ნომერში კი საპატარძლო კაბა და თეთრი ფეხსაცმელები დაახვედრა. იქვე იდო წერილი, სადაც ეწერა, რომ იმ დღეს ხელს აწერდნენ. ლამაზმა ცერემონიალმა, შვიდკაციანმა, მაგრამ მხიარულმა ქორწილმა და, რაც მთავარია, ქმრის საჩუქარმა სალომე უზომოდ გაახარა.
სალომე გოგიაშვილი:
– 2 ნოემბერს 30 წელი შემისრულდა. გული მწყდება, რომ ვბერდები. რამდენიმე დღით ადრე ჩემმა მეუღლემ მკითხა, დაბადების დღის გადახდა თუ გინდაო. არა–მეთქი, ვუთხარი. მან კი მაშინვე მიპასუხა, ჩემი თანამშრომელი 2 ნოემბერს სიღნაღში ხელს აწერს და იქ წავიდეთო. რასაკვირველია, დავთანხმდი. სასტუმროში რომ მივედით, მითხრა, შენ ნომერში ადი, ფულს გადავიხდი და მეც ამოვალო. ნომერში რომ შევედი, იცით, რა დამხვდა? საწოლზე იყო გადაფენილი ჩემი საპატარძლო კაბა, თეთრი, ძალიან ლამაზი, ფეხსაცმელები და წერილი: "4 საათზე ხელს ვაწერთ და ძალიან გთხოვ, მოემზადე". ისეთ შოკში ვიყავი, დაბნეულობისგან ვერ მივხვდი, რა რეაქცია უნდა მქონოდა. ამასობაში კარზე მომიკაკუნეს. რომ გავაღე, ჩემი და ვახოს მეჯვარეები დამხვდნენ – ჯაბა კილაძე, ია ფარულავა, ჩემი ბავშვობის მეგობარი, ჩემი ქმრის მეგობარი... მოვემზადე, წავედით და ხელი მოვაწერეთ. ჯაბამ და იამ ისე იმაიმუნეს, რომ ის 7 კაციანი ცერემონიალი 1000 კაციან ქორწილს მერჩივნა. საოცარი დღესასწაული მომიწყვეს. სასტუმროს რესტორანში დაგვხვდა ძალიან ლამაზი სუფრა, გავერთეთ, ვიცეკვეთ, ბევრი ვიცინეთ. 2 ნოემბერი ჩემთვის ძალიან ლამაზი დღე იყო.
– საქორწინო მოგზაურობასაც ასეთ სიურპრიზად ხომ არ გიმზადებთ ქმარი?
– დღეს (ინტერვიუ ჩაწერილია 5 ნოემბერს. ავტ.) მივფრინავთ დუბაიში. ეს თაფლობისთვეც სიურპრიზი იყო ჩემთვის. 5 დღით მხოლოდ ჩვენ ორნი მივემგზავრებით, მეგობრების გარეშე.
– ვახომ უთქვენოდ კაბა როგორ შეარჩია?
– ერთი დიზაინერი მყავს, რომელიც კაბებს მიკერავს ხოლმე. მასთან ჩემი ქმარი და ია ფარულავა მივიდნენ და კაბა შემირჩიეს. ზომების აღება, მოზომება და ა.შ. არ დამჭირვებია. წლებია ამ ქალთან ვიკერავ და ჩემი პროპორციები ძალიან კარგად იცის. როგორი გასაკვირიც უნდა იყოს, ბევრჯერ ტელეფონითაც მიმიცია მისთვის შეკვეთა.
– თქვენს შვილებს გული არ დასწყდათ, ამ ლამაზ დღეს რომ არ ესწრებოდნენ?
– მაშომ, უფროსმა ქალიშვილმა, მისაყვედურა, გულიც დასწყდა, მაგრამ მე თვითონ არაფერი ვიცოდი. დავპირდი, რომ, როცა დიდი ქორწილი გვექნება, ის აუცილებლად იქნება ყურადღების ეპიცენტრში.
– ანუ თქვენი გრანდიოზული ქორწილი წინ არის?
– კი, რა თქმა უნდა. ჯვრისწერასაც ვაპირებთ და გრანდიოზულ ქორწილსაც. მე და ვახო ერთი წელია ერთად ვცხოვრობთ. ჩვენს ლამაზ ოჯახს სრული ბედნიერებისთვის შვილი აკლია. ვახოს ძალიან უნდა, რომ შვილი გავუჩინო.
ლანა კიკნაძე
სალომე გოგიაშვილი:
– 2 ნოემბერს 30 წელი შემისრულდა. გული მწყდება, რომ ვბერდები. რამდენიმე დღით ადრე ჩემმა მეუღლემ მკითხა, დაბადების დღის გადახდა თუ გინდაო. არა–მეთქი, ვუთხარი. მან კი მაშინვე მიპასუხა, ჩემი თანამშრომელი 2 ნოემბერს სიღნაღში ხელს აწერს და იქ წავიდეთო. რასაკვირველია, დავთანხმდი. სასტუმროში რომ მივედით, მითხრა, შენ ნომერში ადი, ფულს გადავიხდი და მეც ამოვალო. ნომერში რომ შევედი, იცით, რა დამხვდა? საწოლზე იყო გადაფენილი ჩემი საპატარძლო კაბა, თეთრი, ძალიან ლამაზი, ფეხსაცმელები და წერილი: "4 საათზე ხელს ვაწერთ და ძალიან გთხოვ, მოემზადე". ისეთ შოკში ვიყავი, დაბნეულობისგან ვერ მივხვდი, რა რეაქცია უნდა მქონოდა. ამასობაში კარზე მომიკაკუნეს. რომ გავაღე, ჩემი და ვახოს მეჯვარეები დამხვდნენ – ჯაბა კილაძე, ია ფარულავა, ჩემი ბავშვობის მეგობარი, ჩემი ქმრის მეგობარი... მოვემზადე, წავედით და ხელი მოვაწერეთ. ჯაბამ და იამ ისე იმაიმუნეს, რომ ის 7 კაციანი ცერემონიალი 1000 კაციან ქორწილს მერჩივნა. საოცარი დღესასწაული მომიწყვეს. სასტუმროს რესტორანში დაგვხვდა ძალიან ლამაზი სუფრა, გავერთეთ, ვიცეკვეთ, ბევრი ვიცინეთ. 2 ნოემბერი ჩემთვის ძალიან ლამაზი დღე იყო.
– საქორწინო მოგზაურობასაც ასეთ სიურპრიზად ხომ არ გიმზადებთ ქმარი?
– დღეს (ინტერვიუ ჩაწერილია 5 ნოემბერს. ავტ.) მივფრინავთ დუბაიში. ეს თაფლობისთვეც სიურპრიზი იყო ჩემთვის. 5 დღით მხოლოდ ჩვენ ორნი მივემგზავრებით, მეგობრების გარეშე.
– ვახომ უთქვენოდ კაბა როგორ შეარჩია?
– ერთი დიზაინერი მყავს, რომელიც კაბებს მიკერავს ხოლმე. მასთან ჩემი ქმარი და ია ფარულავა მივიდნენ და კაბა შემირჩიეს. ზომების აღება, მოზომება და ა.შ. არ დამჭირვებია. წლებია ამ ქალთან ვიკერავ და ჩემი პროპორციები ძალიან კარგად იცის. როგორი გასაკვირიც უნდა იყოს, ბევრჯერ ტელეფონითაც მიმიცია მისთვის შეკვეთა.
– თქვენს შვილებს გული არ დასწყდათ, ამ ლამაზ დღეს რომ არ ესწრებოდნენ?
– მაშომ, უფროსმა ქალიშვილმა, მისაყვედურა, გულიც დასწყდა, მაგრამ მე თვითონ არაფერი ვიცოდი. დავპირდი, რომ, როცა დიდი ქორწილი გვექნება, ის აუცილებლად იქნება ყურადღების ეპიცენტრში.
– ანუ თქვენი გრანდიოზული ქორწილი წინ არის?
– კი, რა თქმა უნდა. ჯვრისწერასაც ვაპირებთ და გრანდიოზულ ქორწილსაც. მე და ვახო ერთი წელია ერთად ვცხოვრობთ. ჩვენს ლამაზ ოჯახს სრული ბედნიერებისთვის შვილი აკლია. ვახოს ძალიან უნდა, რომ შვილი გავუჩინო.
ლანა კიკნაძე
