X
  • ქალები ქალებს უფრო მეტად აკვირდებიან, ვიდრე მამაკაცებს

    ქალები ქალებს უფრო დიდი ინტერესით აკვირდებიან, ვიდრე მამაკაცებს. ფსიქოლოგებმა 3000-ზე მეტი ქალბატონი გამოკითხეს. ისინი ქუჩაში, სპორტდარბაზში, რესტორანსა და საზოგადოებრივი თავშეყრის სხვა ადგილებში მანდილოსნების ქცევას დააკვირდნენ - ქალი ქალს უფრო მეტი ინტერესით ათვალიერებს, ვიდრე კაცს.

    ქალს შეუძლია საათობით დააკვირდეს ქალბატონს და დაადგინოს, როგორი მაკიაჟი აქვს გაკეთებული, აქვს თუ არა ცელულიტი, უხდება თუ არა თმის ვარცხნილობა და როგორი გემოვნება აქვს. როგორც ქალბატონებმა აღიარეს, განსაკუთრებული ინტერესით აკვირდებიან "სათვალთვალო ობიექტს" და ადგენენ, შემთხვევით, მისი სილამაზე პლასტიკური ოპერაციის დამსახურება ხომ არ არის. ზოგიერთი ქალი ამბობს, რომ ყველაზე მეტად მაშინ ღიზიანდება, როდესაც ქუჩაში მასზე უფრო გამხდარ ქალს ხედავს. გოგონების მხოლოდ მცირე ნაწილმა თქვა, რომ ქალბატონის შეთვალიერებისას ინტერესდება, უკეთია თუ არა მას საქორწინო ბეჭედი და რამდენად ძვირფასია მისი სამკაული.

    ქალბატონები ამბობენ, რომ მანდილოსნების "დასაზვერვად" განსაკუთრებით საინტერესო ადგილი სანაპიროა. გამოკითხული ქალების დიდმა ნაწილმა აღიარა, რომ ყველაზე მეტად კარგად გარუჯული შავგვრემანი ქალების შურთ, რომელთა მბზინავ კანსაც ღია ფერის საცურაო კოსტუმი უხდება.

    ზოგიერთმა ქალმა ისიც კი აღიარა, რომ პაემანზე ყოფნისას არ ახსოვს, რა ფერის პერანგი ეცვა მის პარტნიორს, მაგრამ ზედმიწევნით აღწერა კაბა და აქსესუარები, რომელიც მეზობელ მაგიდაზე მჯდომ მანდილოსანს ეცვა.

    მომზადებულია dailymail.co.uk-ის მიხედვით.
    2 839 ნახვა
    26-12-2016, 22:23
    GOGATV