როგორ მოვუაროთ თმას?
3 764 ნახვა
თმას ხშირად ქალის სილამაზის გვირგვინს უწოდებენ. არც არის გასაკვირი - რაც უნდა ლამაზი იყოს ქალი, თუ მოუწესრიგებელი და არაჯანსაღი თმა აქვს, მის სილამაზეს არანაირი ხიბლი არ ექნება.
დღეს თმის მოსავლელი უამრავი ძვირად ღირებული კოსმეტიკური საშუალება არსებობს, თუმცა თმის მოვლა თავადაც შეგიძლიათ შინაურ პირობებში.
ბალზამები, შამპუნები, ნიღბები
გადასავლებ წყალში ლიმონის წვენის ჩამატება ქერა თმას აცოცხლებს, ხოლო 30 მლ (2 სუფრის კოვზი) ვაშლის ძმარი - ნებისმიერი ფერის თმას ფაფუკს ხდის.
თუ თმა პრობლემურია, მისი მკურნალობა ბალახის ბალზამით შეიძლება. ცხიმიანი თმისათვის გამოიყენება ავშანი, თუ თმა ცუდად იზრდება ან ცვივა - ჭინჭარი, თუ დაელექტროებისაკენ აქვს მიდრეკილება - როზმარინი, თუ თავის კანზე ქავილი შეიგრძნობა - ლავანდა.
ბალზამის მომზადების წესი: 2 სუფრის კოვზ ნედლ ან 1 სუფრის კოვზ გამხმარ ბალახს 600 მლ ადუღებული წყალი დაასხით. მოურიეთ და 3-4 საათით გააჩერეთ, გაწურეთ, შეათბეთ და თავის დაბანის შემდეგ თმაზე გადაივლეთ.
თმის ძირების გასამაგრებლად ეფექტურია ოხრახუშის ფოთლების ფაფა. ოხრახუშის ფოთლები მიქსერში დააქუცმაცეთ და მცირე რაოდენობის თბილ წყალში გააზავეთ. მიღებული ფაფა თმაზე დაიდეთ და პოლიეთილენის თავსაფრით შეიხვიეთ. ერთი საათის შემდეგ წყლით ჩამოიბანეთ.
ვიტამინის ბალზამი. 20 გრ ხახვი, 20 გრ ნიორი, 20 გრ ლიმონის წვენი, 20 გრ თაფლი და 20 გრ მაიონეზი მიქსერით ათქვიფეთ. მიღებული მასა მაცივარში შეინახეთ. კვირაში ერთხელ ამ კრემით თავის კანი კარგად დაიზილეთ, პოლიეთილენის ქუდი დაიხურეთ და ზემოდან პირსახოცი დაიფარეთ. 3-4 საათის შემდეგ თმა ჩვეულებრივი შამპუნით დაიბანეთ.
სტაფილოს შამპუნი. 1 კვერცხის გული, 20 გრ ზეთი, 20 გრ ლიმონის წვენი და 4 სუფრის კოვზი სტაფილოს წვენი ერთმანეთში კარგად აურიეთ. შამპუნის ნაცვლად თმა ამ ნაყენით დაიბანეთ.
ნიღაბი. კომბოსტოსა და ატმის წვენის ნაყენი თმას ამაგრებს.
2 სუფრის კოვზი კომბოსტოსა და 2 სუფრის კოვზი ატმის წვენი ერთმანეთში აურიეთ, დაუმატეთ კვერცხის გული, 20 გრ კონიაკი და 20 გრ თაფლი. ნიღაბი თმაზე დაიდეთ, პოლიეთილენის ქუდი დაიხურეთ და ზემოდან პირსახოცი დაიფარეთ. 2 საათის შემდეგ ჩვეულებრივი შამპუნით დაიბანეთ. ეს ნიღაბი კვირაში ერთხელ გაიკეთეთ. თერაპიული კურსი 2-3 თვე გრძელდება.
ერთი კვერცხის გულს ნახევარი ლიმონიდან გამოწურული წვენი და რამდენიმე წვეთი ნუშის ზეთი დაუმატეთ, თმის ძირებზე წაისვით და 20 წუთი გაიჩერეთ. შემდეგ თბილი წყლით ჩამოიბანეთ.
ჟურნალი "რეიტინგი"
დღეს თმის მოსავლელი უამრავი ძვირად ღირებული კოსმეტიკური საშუალება არსებობს, თუმცა თმის მოვლა თავადაც შეგიძლიათ შინაურ პირობებში.
ბალზამები, შამპუნები, ნიღბები
გადასავლებ წყალში ლიმონის წვენის ჩამატება ქერა თმას აცოცხლებს, ხოლო 30 მლ (2 სუფრის კოვზი) ვაშლის ძმარი - ნებისმიერი ფერის თმას ფაფუკს ხდის.
თუ თმა პრობლემურია, მისი მკურნალობა ბალახის ბალზამით შეიძლება. ცხიმიანი თმისათვის გამოიყენება ავშანი, თუ თმა ცუდად იზრდება ან ცვივა - ჭინჭარი, თუ დაელექტროებისაკენ აქვს მიდრეკილება - როზმარინი, თუ თავის კანზე ქავილი შეიგრძნობა - ლავანდა.
ბალზამის მომზადების წესი: 2 სუფრის კოვზ ნედლ ან 1 სუფრის კოვზ გამხმარ ბალახს 600 მლ ადუღებული წყალი დაასხით. მოურიეთ და 3-4 საათით გააჩერეთ, გაწურეთ, შეათბეთ და თავის დაბანის შემდეგ თმაზე გადაივლეთ.
თმის ძირების გასამაგრებლად ეფექტურია ოხრახუშის ფოთლების ფაფა. ოხრახუშის ფოთლები მიქსერში დააქუცმაცეთ და მცირე რაოდენობის თბილ წყალში გააზავეთ. მიღებული ფაფა თმაზე დაიდეთ და პოლიეთილენის თავსაფრით შეიხვიეთ. ერთი საათის შემდეგ წყლით ჩამოიბანეთ.
ვიტამინის ბალზამი. 20 გრ ხახვი, 20 გრ ნიორი, 20 გრ ლიმონის წვენი, 20 გრ თაფლი და 20 გრ მაიონეზი მიქსერით ათქვიფეთ. მიღებული მასა მაცივარში შეინახეთ. კვირაში ერთხელ ამ კრემით თავის კანი კარგად დაიზილეთ, პოლიეთილენის ქუდი დაიხურეთ და ზემოდან პირსახოცი დაიფარეთ. 3-4 საათის შემდეგ თმა ჩვეულებრივი შამპუნით დაიბანეთ.
სტაფილოს შამპუნი. 1 კვერცხის გული, 20 გრ ზეთი, 20 გრ ლიმონის წვენი და 4 სუფრის კოვზი სტაფილოს წვენი ერთმანეთში კარგად აურიეთ. შამპუნის ნაცვლად თმა ამ ნაყენით დაიბანეთ.
ნიღაბი. კომბოსტოსა და ატმის წვენის ნაყენი თმას ამაგრებს.
2 სუფრის კოვზი კომბოსტოსა და 2 სუფრის კოვზი ატმის წვენი ერთმანეთში აურიეთ, დაუმატეთ კვერცხის გული, 20 გრ კონიაკი და 20 გრ თაფლი. ნიღაბი თმაზე დაიდეთ, პოლიეთილენის ქუდი დაიხურეთ და ზემოდან პირსახოცი დაიფარეთ. 2 საათის შემდეგ ჩვეულებრივი შამპუნით დაიბანეთ. ეს ნიღაბი კვირაში ერთხელ გაიკეთეთ. თერაპიული კურსი 2-3 თვე გრძელდება.
ერთი კვერცხის გულს ნახევარი ლიმონიდან გამოწურული წვენი და რამდენიმე წვეთი ნუშის ზეთი დაუმატეთ, თმის ძირებზე წაისვით და 20 წუთი გაიჩერეთ. შემდეგ თბილი წყლით ჩამოიბანეთ.
ჟურნალი "რეიტინგი"
