მანანის ბურღულის ფაფა ბავშვებისთვის მავნებელ საკვებად აღიარეს

ბევრი ახალბედა დედა ჩვილის ფაფებით კვებას მანანის ბურღულის ფაფით იწყებს. თუმცა ბოლო კვლევების მიხედვით, მეცნიერები გვირჩევენ, რომ ასე არ მოვიქცეთ.

პედიატრები ბავშვისთვის დამატებითი კვების მიცემას პირველად 4-6 თვიდან გვაწყებინებენ. ამასთან, თუ ბავშვი აქამდე მხოლოდ დედის რძეზე იმყოფებოდა, დამატებით კვებად თავდაპირველად ფაფას გვირჩევენ. ერთ-ერთი ყველაზე პოპულარული ფაფა - მანანის ბურღულის, როგორც აღმოჩნდა, ახალშობილისთვის მავნებელია.

მანანის ბურღული მდიდარია ფიტინით. ეს არის ნივთიერება, რომელიც მოქმედებს ნაწლავებზე და ხელს უშლის კალცისა და ვიტამინი D-ს შეთვისებას ორგანიზმის მიერ. შედეგად, ბავშვს შეიძლება განუვითარდეს რაქიტი. გარდა ამისა, მანანის ბურღულის ფაფის რეგულარულმა მიღებამ შეიძლება გააუარესოს რკინის შეთვისება.

მაგრამ მაინც, ასეთი ფაფის მიცემა ბავშვისთვის შესაძლებელია, ოღონდ 1 წლიდან. მანანის ბურღული ძალიან სასარგებლოა და ბავშვები მას სიამოვნებით მიირთმევენ.