გიგა კვენეტაძე ცოლს გაშორდა
3 317 ნახვა
მომღერალი გიგა კვენეტაძე ხანგრძლივი განშორების შემდეგ ქართულ შოუბიზნესში გამოჩნდა, თუმცა დროებით. 4 ნოემბერს ერთ–ერთ რესტორანში ძველი მეგობრები შეკრიბა და მათ თავისი ახალი კლიპი წარუდგინა, სადაც აზიურ მოტივებზე შექმნილ სიმღერას რუსეთში მცხოვრებ მომღერალ თამრო დუდუნიასთან დუეტში ასრულებს. საღამოს ცოტა ნოსტალგიური იერი დაჰკრავდა. გიგამ ის კოლეგები შეკრიბა, რომლებიც ბოლო დროს საზოგადოების თავშეყრის ადგილებში იშვიათად ჩნდებიან. ყველა ერთხმად აღნიშნავდა, რომ ცოტა ხნით ძველ დროში დაბრუნდნენ, იმ პერიოდში, როცა ყველა მომღერალი ხალისით წერდა ახალ სიმღერას და შოუბიზნესში არც კლანური დაჯგუფებები იყო.
სამშობლოსთან და ძველ მეგობრებთან შეხვედრის ემოციები გიგამ "სარკეს" გაუზიარა.
– გიგა, რამდენი წელია თქვენს კოლეგებს ასე საჯაროდ არ შეხვედრიხართ?
– 5 წელია მოსკოვში ვცხოვრობ. ამ ხნის განმავლობაში მხოლოდ ერთხელ ვიყავი საქართველოში. ბევრი რამ დამხვდა შეცვლილი, ქვეყანა გალამაზებულია. კოლეგები თბილად შემხვდნენ, რაც ძალიან მახარებს. მინდა, ძველი ტრადიცია აღვადგინო და მომღერლებმა ისევ დაიწყონ კლიპების გადაღება და პრემიერების მოწყობა. მითხრეს, რომ მსგავსი საღამოები ისეთი სიხშირით აღარ იმართება, როგორც უწინ იყო.
– მოსკოვში რას საქმიანობთ, თავს რითი ირჩენთ?
– ვმუშაობ, როგორც ავტორ–შემსრულებელი. ჩემს სიმღერებს ისეთი ცნობილი შემსრულებლები მღერიან, როგორებიც არიან "ა სტუდიო", "დისკოტეკა ავარია", დიანა ღურწკაია, დათო კალანდაძე, დათო ხუჯაძე, ჟასმინი და ასე შემდეგ. დათო ხუჯაძის ხმისჩამწერ სტუდიაში ვმუშაობ, ძალიან ნაყოფიერად ვთანამშრომლობთ.
– მეუღლე, ნინო წიკლაური, რატომ არ არის თქვენ გვერდით?
– თანაცხოვრებიდან 4 წლის თავზე ჩვენი ურთიერთობა დასრულდა. ერთი წელია, რაც ერთად აღარ ვართ. ამაზე საუბარი არ ღირს.
– რას მივაწეროთ თქვენი დაბრუნება ქართულ შოუბიზნესში?
– ქართულ შოუბიზნესში დაბრუნება მომინდა, მაგრამ ეს იმას არ ნიშნავს, რომ მოსკოვში საქმიანობა შევწყვიტე. იქ, როგორც მომღერალი, აქტიური არ ვარ, მაგრამ, როგორც კომპოზიტორი, აქტიურად ვმუშაობ. ახალი წლისთვის უფრო დიდი ხნით ვაპირებ საქართველოში ჩამოსვლას. აქ იმ იმედით დავბრუნდები, რომ ქართული შოუბიზნესი აღორძინდება და აყვავდება, ჩვენი ნამუშევრები საზღვრებგარეთ გავა და ჩვენი ხალხით ვიამაყებთ.
– მოსკოვში როგორ მოეწყვეთ, შეძელით ბინის ან მანქანის ყიდვა?
– საკუთარი სახლი არ მიყიდია, მანქანა შევიძინე.
– ამ 5 წელმა რა შეცვალა თქვენში?
– ბევრი რამ, პირველ რიგში, მე ვნახე ისეთი დიდი და საინტერესო ბაზარი, როგორიც აქვს რუსეთს. მოსკოვში ცხოვრების ძალიან მაღალი ტემპია, აქედან გამომდინარე, ცოტა არ იყოს, გამიჭირდება აქაური ცხოვრების რიტმზე გადმოსვლა. საქართველოში იმ მაქსიმუმამდე მივედი, რომლის იქითაც ვეღარ წავედი, რაც ჩემთვის საკმარისი არ იყო. განვითარებაზე, წინსვლაზე ვიფიქრე, ამიტომაც წასვლა ნამდვილად ღირდა. იმ ადამიანების რიცხვს არ მივეკუთვნები, რომლებიც ერთ ადგილს ტკეპნიან და ამით კმაყოფილდებიან.
– ადამიანებთან ურთიერთობები როგორ ააწყვეთ?
– მოსკოვში ურთიერთობები მარტივია, აქ კი ასეთ რაღაცას წავაწყდი: ვისაც ტელეფონით ვერ დავუკავშირდი, ესემესი გავუგზავნე, მაგრამ პასუხი მომივიდა, ჩვენ ასე არ გვეპატიჟებიანო. მერე გადავურეკე და ავუხსენი, რომ უცხო ნომრებს არ პასუხობდნენ და მესიჯს ამიტომაც ვწერდი. აქ ყველაფერი რთულია, იქ კი ეს პრობლემა არ არსებობს, შეიძლება საქმე ესემეს გზავნილით გააკეთო.
– რუსეთში ქართველების მიმართ რა განწყობას გრძნობთ?
– მოსკოვში ძალიან აფასებენ ქართველებს. არავინ თქვას, რომ რუსეთში ქართველ შემოქმედს ავიწროვებენ ან პრობლემებს უქმნიან. ქართველები მოსკოვში პირველზე თუ არა, ძალიან მაღალ საფეხურზე დგანან.
ლანა კიკნაძე
სამშობლოსთან და ძველ მეგობრებთან შეხვედრის ემოციები გიგამ "სარკეს" გაუზიარა.
– გიგა, რამდენი წელია თქვენს კოლეგებს ასე საჯაროდ არ შეხვედრიხართ?
– 5 წელია მოსკოვში ვცხოვრობ. ამ ხნის განმავლობაში მხოლოდ ერთხელ ვიყავი საქართველოში. ბევრი რამ დამხვდა შეცვლილი, ქვეყანა გალამაზებულია. კოლეგები თბილად შემხვდნენ, რაც ძალიან მახარებს. მინდა, ძველი ტრადიცია აღვადგინო და მომღერლებმა ისევ დაიწყონ კლიპების გადაღება და პრემიერების მოწყობა. მითხრეს, რომ მსგავსი საღამოები ისეთი სიხშირით აღარ იმართება, როგორც უწინ იყო.
– მოსკოვში რას საქმიანობთ, თავს რითი ირჩენთ?
– ვმუშაობ, როგორც ავტორ–შემსრულებელი. ჩემს სიმღერებს ისეთი ცნობილი შემსრულებლები მღერიან, როგორებიც არიან "ა სტუდიო", "დისკოტეკა ავარია", დიანა ღურწკაია, დათო კალანდაძე, დათო ხუჯაძე, ჟასმინი და ასე შემდეგ. დათო ხუჯაძის ხმისჩამწერ სტუდიაში ვმუშაობ, ძალიან ნაყოფიერად ვთანამშრომლობთ.
– მეუღლე, ნინო წიკლაური, რატომ არ არის თქვენ გვერდით?
– თანაცხოვრებიდან 4 წლის თავზე ჩვენი ურთიერთობა დასრულდა. ერთი წელია, რაც ერთად აღარ ვართ. ამაზე საუბარი არ ღირს.
– რას მივაწეროთ თქვენი დაბრუნება ქართულ შოუბიზნესში?
– ქართულ შოუბიზნესში დაბრუნება მომინდა, მაგრამ ეს იმას არ ნიშნავს, რომ მოსკოვში საქმიანობა შევწყვიტე. იქ, როგორც მომღერალი, აქტიური არ ვარ, მაგრამ, როგორც კომპოზიტორი, აქტიურად ვმუშაობ. ახალი წლისთვის უფრო დიდი ხნით ვაპირებ საქართველოში ჩამოსვლას. აქ იმ იმედით დავბრუნდები, რომ ქართული შოუბიზნესი აღორძინდება და აყვავდება, ჩვენი ნამუშევრები საზღვრებგარეთ გავა და ჩვენი ხალხით ვიამაყებთ.
– მოსკოვში როგორ მოეწყვეთ, შეძელით ბინის ან მანქანის ყიდვა?
– საკუთარი სახლი არ მიყიდია, მანქანა შევიძინე.
– ამ 5 წელმა რა შეცვალა თქვენში?
– ბევრი რამ, პირველ რიგში, მე ვნახე ისეთი დიდი და საინტერესო ბაზარი, როგორიც აქვს რუსეთს. მოსკოვში ცხოვრების ძალიან მაღალი ტემპია, აქედან გამომდინარე, ცოტა არ იყოს, გამიჭირდება აქაური ცხოვრების რიტმზე გადმოსვლა. საქართველოში იმ მაქსიმუმამდე მივედი, რომლის იქითაც ვეღარ წავედი, რაც ჩემთვის საკმარისი არ იყო. განვითარებაზე, წინსვლაზე ვიფიქრე, ამიტომაც წასვლა ნამდვილად ღირდა. იმ ადამიანების რიცხვს არ მივეკუთვნები, რომლებიც ერთ ადგილს ტკეპნიან და ამით კმაყოფილდებიან.
– ადამიანებთან ურთიერთობები როგორ ააწყვეთ?
– მოსკოვში ურთიერთობები მარტივია, აქ კი ასეთ რაღაცას წავაწყდი: ვისაც ტელეფონით ვერ დავუკავშირდი, ესემესი გავუგზავნე, მაგრამ პასუხი მომივიდა, ჩვენ ასე არ გვეპატიჟებიანო. მერე გადავურეკე და ავუხსენი, რომ უცხო ნომრებს არ პასუხობდნენ და მესიჯს ამიტომაც ვწერდი. აქ ყველაფერი რთულია, იქ კი ეს პრობლემა არ არსებობს, შეიძლება საქმე ესემეს გზავნილით გააკეთო.
– რუსეთში ქართველების მიმართ რა განწყობას გრძნობთ?
– მოსკოვში ძალიან აფასებენ ქართველებს. არავინ თქვას, რომ რუსეთში ქართველ შემოქმედს ავიწროვებენ ან პრობლემებს უქმნიან. ქართველები მოსკოვში პირველზე თუ არა, ძალიან მაღალ საფეხურზე დგანან.
ლანა კიკნაძე
