ყოფილი მეძავი, ბრაზილიელი მწერალი "მეკობრეების" საწინააღმდეგოდ გაშიშვლდა

ვანესამ თავის სავსე მკერდზე დაიწერა ლოზუნგი No La Pirateria ("არა მეკობრეობას!"). მეტი დამაჯერებლ­ობისთვის ეს ფრაზა ზურგზეც დაიწერა.

უსაფრთხოების სამსახურისა და პოლიციის თანამშრომლებმა სცადეს, დროულად მოეღოთ ბოლო ამ სანახაობისთვის, მაგრამ ვანესა არ გაჩერებულა. მან წინასწარ მოიყვანა გადამღები ჯგუფი, რომელმაც მთელი აქცია თავიდან ბოლომდე დააფიქსირა. ვიდეოჩანაწერი "იუთუბზე" დადეს და პირველ ოთხ დღეში მას უკვე 50 ათასი მაყურებელი ჰყავდა. დღეს ხომ საზოგადოების ყურადღების მისაპყრობად შესანიშნავი საშუალება საჯარო გაშიშვლება გახდა.

ვანესა დე ოლივეირა არც ისე დიდი ხნის წინათ "გოგონა გამოძახებით" იყო. საეჭვო რეპუტაციის მქონე კარიერის დასრულების შემდეგ დაწერა და გამოსცა 5 წიგნი, რომლებშიც მკითხველებს სექსუალური ცხოვრების სხვადასხვა ასპექტი გააცნო; ასევე, რელიგიის დამოკიდებულება ხორციელი ცოდვისადმი და მამაკაცების ცდუნების საიდუმლოებები.

ამჟამად ვანესა "პლეიბოის" ბრაზილიური გამოცემის კონსულტანტად მუშაობს. გარდა ამისა, ეროტიკული მოდელის როლში გამოდის.

თავის ბლოგზე 37 წლის ვანესა წერს, რომ მის მშობლიურ ქვეყანაში ხელისუფლება მეკობრეობას ებრძვის, მაგრამ პერუს წიგნების ბაზრობაზე ნამდვილ საშინელებას წააწყდა: მისი ერთ-ერთი ბესტსელერის პრეზენტაციის შემდეგ ბოლივიაში გამოცემული მეკობრული წიგნები თავისუფლად იყიდებოდა პერუს ქუჩებში.

მწერლის უკმაყოფილებას იწვევენ ელექტრონული წიგნების მომხმარებლებიც, რომლებიც ინტერნეტში განთავსებული მეკობრული ტექსტებით კმაყოფილდებიან. თუმცა მსგავს მოვლენას მწერლები, როგორც წესი, ებრძვიან რეკლამაში იმაზე აქცენტირებით, რომ წიგნი "მდიდარია ილუსტრაციებით", რაც განსაკუთრებით კარგად სწორედ სექსუალური შინაარსის წიგნების შემთხვევაში მუშაობს, "რიდერებს" კი ჯერ არ ძალუძთ ფერების ხარისხიანად გადმოცემა.