ნიკოლ კიდმანი: "ტომზე ძალიან სეყვარებული ვიყავი"

ნიკოლ კიდმანმა და ტომ კრუზმა ოჯახური თანაცხოვრების ათი წელი გაიარეს. მათ იდეალურ წყვილად მიიჩნევდნენ, სანამ 2000 წელს კრუზმა მოულოდნელად, გაყრა არ მოითხოვა. ამ ამბავმა არა მხოლოდ მსახიობების თაყვანისმცემლები, არამედ თავად ნიკოლიც შოკში ჩააგდო. ჟურნალ „DuJour“-ში ვარსკვლავის გულახდილი ინტერვიუ დაიბეჭდა, სადაც კიდმანი ყოფილ მეუღლესთან განშორების დეტალებზე საუბრობს. „მე მეგონა, რომ ჩვენ ერთად ძალიან კარგად ვიყავით. ჭრილობების მოსაშუშებლად დიდი დრო დამჭირდა. ეს მთელი ორგანიზმისთვის დიდი სტრესი იყო“. ნიკოლი ტომს 23 წლის ასაკში გაჰყვა ცოლად და მას სჯეროდა, რომ მათი ქორწინება იდეალური გახლდათ. „ჩვენ თითქოს, გარსში მარტონი ვცხოვრობდით. ერთმანეთზე ძალიან დამოკიდებულნი გავხდით. ყველგან ტომთან ერთად დავდიოდი და მზად ვიყავი ქვეყნის დასალიერში გავყოლოდი. მე ის ძალიან მიყვარდა“. თუმცა, ნიკოლი ახლა აღიარებს, რომ მაშინ უფრო გულუბრყვილო და მიმნდობი ხასიათი ჰქონდა. დღეს, მუსიკოს კიტ ურბანთან ქორწინებაში, მსახიობი დარწმუნებულია, რომ მისი ცხოვრება უკეთესობისკენ შეიცვალა და თავს ბედნიერად გრძნობს. "მე უბედნიერესი ადამიანი ვარ. ჩემი ცხოვრება შეიცვალა. კიტი არაჩვეულებრივი, მზრუნველი მეუღლეა და ის თავს უსაფრთხოდ მაგრძნობინებს“.