მოიშორე კომპლექსები: ალიშა ქეისი ჟურნალ "კომპლექსში"

კონკურენცია:

ჩემი კონკურენტი მხოლოდ მე თვითონ ვარ. საკუთარ თავს არც პროფესიონალიზმში და არც პიროვნულად არავის შევადარებ. არ მინდა ვინმეს ვგავდე.

დედობა:

დედობა ჩემთვის შინაგანი თავისუფლების გასაღები გახდა. ჩემი შვილის, ეგვიპტეს დაბადების შემდეგ, თავი ნამდვილ ქალად ვიგრძენი.

ბავშვის სახელის შესახებ:

2006 წელს გადავწყვიტე მარტო წავსულიყავი ეგვიპტეში. იქ ნანახმა ჩემზე უდიდესი შთაბეჭდილება მოახდინა. კლეოპატრას ძალა ვიგრძენი. როდესაც გავიგე, რომ ორსულად ვიყავი, მეუღლემ მითხრა: „ეგვიპტეში მოგზაურობა ძალიან მნიშვნელოვანი პერიოდი აღმოჩნდა შენთვის. ეს კი მგონი საკმარისი მიზეზია იმისთვის, რომ ბავშვს ამ ქვეყნის სახელი დავარქვათ.“ მეც დავფიქრდი და მივხვდი, რომ მართალი იყო.

რისკები ცხოვრების გზაზე:

მთელი ცხოვრების განმავლობაში ძალიან ბევრ დროს ვხარჯავთ საკუთარი სურვილების ასრულების მოლოდინში. ჩვენ თითქმის არაფერს ვაკეთებთ იმისთვის, რომ მივიღოთ ის რაც გვსურს. მხოლოდ გვიან ვხვდებით ხოლმე ამას. მეც სწორედ ეს გზა გავიარე თავის დროზე. ასე ვეძებდი ჩემს ქალურობასა და სიყვარულს. რისკის გარეშე კი სიყვარულს ვერ დაიმსახურებ.

სტერეოტიპები:

ჩვენში, ყველაში არსებობს სულელური სტერეოტიპები, რომლებიც ბავშვობიდან ჩაგვინერგეს. ერთხელაც ხალხი მიხვდა, რომ მაშინაც კი, თუ ისინი არ არიან ვარსკვლავები, მაინც ერთნაირად ლამაზები, ჭკვიანები და ნიჭიერები არიან. მე ვცდილობ ამის შესახებ სიმღერებით ვილაპარაკო.

პატიოსნება:

ცხოვრება სინამდვილეში ძალიან ადვილია, თუ ჯიბეში ყველა კარის გასაღები - პატიოსნება გიდევს. მაგრამ იყო პატიოსანი, არც ისე მარტივია. უფრო მეტიც, ეს სახიფათო და ხშირად საზიანოც კი არის.