კანფეტი-დეზოდორანტები სხეულის უსიამოვნო სუნისგან გაგათავისუფლებთ

ახლა იმისათვის, რომ სხეულის უსიამოვნო სუნისგან გათავისუფლდეთ, საკმარისი იქნება მიირთვათ კანფეტი-დეზოდორანტები. ცოტა ხნის შემდეგ თქვენ ბულგარული ვარდის სურნელი აგივათ.

ჯანმრთელობისა და სწორი კვების საკითხების შემსწავლელმა ამერიკულმა კომპანიამ ბულგარულ საკონდიტრო საწარმოსთან ერთად გამოუშვა უნიკალური საწუწნი კანფეტები Deo Perfume Candy. თავისი არსით ეს კანფეტები - საჭმელ დეზოდორანტს წარმოადგენს.

"ეს ინოვაცია იაპონელი მეცნიერების კვლევებზეა დაფუძნებული. ცდებმა აჩვენა, რომ კანფეტის შეჭმის შემდეგ ვარდის ზეთი კანიდან უშვებს არომატულ შენაერთს, ისეთს, როგორიც არის გერანოილი. კანის ზედაპირის გაჟღენთვის შემდეგ გერანოილი ვარდის სურნელს იძენს!" - ნათქვამია კანფეტ Deo Perfume Candy-ს ოფიციალურ საიტზე.

ყოველი კანფეტი შეიცავს 12 მილიგრამ გერანოილს. არომატის ინტენსიურობა, რომელსაც სხეული აფრქვევს, ადამიანის წონაზეა დამოკიდებული. ერთი კანფეტი საკმარისია 65 კილოგრამამდე წონის ადამიანისთვის. ვარდის სურნელი თქვენ 6 საათის განმავლობაში გექნებათ.

კანფეტი-დეზოდორანტები ჯერჯერობით მხოლოდ ერთ ვარიანტში - ბულგარული ვარდის არომატით - გამოდის. ის იყიდება იტალიის, გერმანიის, ჩინეთის, კორეის და აშშ-ის მაღაზიებში და ერთი კოლოფის ფასი 10 დოლარია.