"ჩემს დაქალს ბიჭის პათოლოგიური საქციელი სიყვარული ჰგონია"
2 933 ნახვა
ჩემმა დაქალმა ჭკუა საერთოდ დაკარგა. შეყვარებული სცემს, მაგრამ მაინც მასთან არის. ამბობს, ერთმანეთი გვიყვარს, მის გარეშე ვერ ვიცოცხლებო.
მეგობრის საქციელი იმიტომ მიკვირს, რომ საკმაოდ ძლიერი გოგოა. თავიდან კლასელები ქალაბიჭას ვეძახდით. ფიზკულტურის მასწავლებელმა მეტსახელად მათე ბიჭი შეარქვა. ბიჭებს ზედმეტს კი არა, ერთ უბრალო შეცდომას არ პატიობდა, ეგრევე ჩხუბზე გადადიოდა. მისი დაბრიყვება იოლი არ იყო. ახლა კი, არ ვიცი, ასე რატომ იქცევა. შეყვარებულის ცუდ საქციელზე თვალებს ხუჭავს. მასთან ნაზი, მომთმენი, უსუსური გოგოა.
მისი შეყვარებული ჩვენზე 3 წლით უფროსია. უკვე სტუდენტია. წესით, ამხელა ბიჭს გოგოსთან არაფერი უნდა ეშლებოდეს, მაგრამ, როგორც ჩანს, საშინელი ადამიანია. გამუდმებით ეჭვიანობს.
ერთხელ სამივე კინოში ვიყავით. ჩვენი სკოლელი ბიჭი მოვიდა, ორივე დაქალი გადაგვკოცნა, მოგვიკითხა. ძალიან ზრდილობიანი და წესიერი ბიჭია. კომპლიმენტები გვითხრა, კარგად გამოიყურებითო და თავის გზაზე წავიდა. ჩემი მეგობრის შეყვარებულს მაშინვე სახე აელეწა. ორივეს დაწვრილებით გამოგვკითხა, ის ბიჭი ვინ იყო, ჩვენთან რატომ მოვიდა. ამოიჩემა, იცოდა, რომ აქ იქნებოდით და ალბათ ამიტომ მოვიდაო. დაქალმა მიჩურჩულა, მოდი, ვუთხრათ, ვითომ შენ გეპრანჭებაო. არც გაბედო ასეთი რამის თქმა–მეთქი, მკაცრად გავაფრთხილე.
მთელი სეანსის განმავლობაში ჩემს დაქალს ყურში რაღაცეებს ეუბნებოდა, ალბათ საშინელებებს, რადგან ის ჩუმად ტიროდა. რამდენჯერმე შევნიშნე, რომ ხელზე ძალიან მაგრად მოუჭირა ხელი. ასეთი სადისტური ქცევები ახასიათებს. ერთხელ ჩემ თვალწინ სახეში ისეთი გაარტყა, რომ...
დაქალს ვეუბნები, საქმე ნამდვილ პათოლოგთან გაქვს–მეთქი. ის კი მიმტკიცებს, რომ თავდავიწყებით შეყვარებულია. მის უაზრო ეჭვიანობას და ცემასაც კი სიყვარულით ამართლებს. მიმტკიცებს, აბა, დაფიქრდი, ჩემზე ჭკუას რომ არ კარგავდეს, განა მისთვის სულ ერთი არ იქნება, ვინ შემომხედავს და ვინ – არაო. ბევრი მაგალითი მომყავს, რომ ცდება, მაგრამ მისი ტვინი ყველაფერს ისხლეტავს. სულ იმაზე ვფიქრობ, ასე რამ გამოაშტერა.
მეგობარმა ერთადერთი გზა დამიტოვა, რომ მის დასთან და დედასთან მივიდე და სიმართლე ვუთხრა. იქნებ მათ მაინც მოიყვანონ ჭკუაზე, მაგრამ იმასაც ვფიქრობ, ამით უარესი არ გავაკეთო. ისინი თუ მკაცრ რეჟიმს დაუწესებენ და გაკონტროლებას დაუწყებენ, შეიძლება ცოლადაც გაჰყვეს, რაც მართლა საშინელება იქნება. თანაც ვიცი, ასეთ საქციელს არასოდეს მაპატიებს და მის ნდობას დავკარგავ.
ნამდვილად მჭირდება რჩევა, რა გავაკეთო, რომ მეგობარმა გამოუსწორებელი შეცდომა არ დაუშვას.
მკითხველი, 17 წლის
მეგობრის საქციელი იმიტომ მიკვირს, რომ საკმაოდ ძლიერი გოგოა. თავიდან კლასელები ქალაბიჭას ვეძახდით. ფიზკულტურის მასწავლებელმა მეტსახელად მათე ბიჭი შეარქვა. ბიჭებს ზედმეტს კი არა, ერთ უბრალო შეცდომას არ პატიობდა, ეგრევე ჩხუბზე გადადიოდა. მისი დაბრიყვება იოლი არ იყო. ახლა კი, არ ვიცი, ასე რატომ იქცევა. შეყვარებულის ცუდ საქციელზე თვალებს ხუჭავს. მასთან ნაზი, მომთმენი, უსუსური გოგოა.
მისი შეყვარებული ჩვენზე 3 წლით უფროსია. უკვე სტუდენტია. წესით, ამხელა ბიჭს გოგოსთან არაფერი უნდა ეშლებოდეს, მაგრამ, როგორც ჩანს, საშინელი ადამიანია. გამუდმებით ეჭვიანობს.
ერთხელ სამივე კინოში ვიყავით. ჩვენი სკოლელი ბიჭი მოვიდა, ორივე დაქალი გადაგვკოცნა, მოგვიკითხა. ძალიან ზრდილობიანი და წესიერი ბიჭია. კომპლიმენტები გვითხრა, კარგად გამოიყურებითო და თავის გზაზე წავიდა. ჩემი მეგობრის შეყვარებულს მაშინვე სახე აელეწა. ორივეს დაწვრილებით გამოგვკითხა, ის ბიჭი ვინ იყო, ჩვენთან რატომ მოვიდა. ამოიჩემა, იცოდა, რომ აქ იქნებოდით და ალბათ ამიტომ მოვიდაო. დაქალმა მიჩურჩულა, მოდი, ვუთხრათ, ვითომ შენ გეპრანჭებაო. არც გაბედო ასეთი რამის თქმა–მეთქი, მკაცრად გავაფრთხილე.
მთელი სეანსის განმავლობაში ჩემს დაქალს ყურში რაღაცეებს ეუბნებოდა, ალბათ საშინელებებს, რადგან ის ჩუმად ტიროდა. რამდენჯერმე შევნიშნე, რომ ხელზე ძალიან მაგრად მოუჭირა ხელი. ასეთი სადისტური ქცევები ახასიათებს. ერთხელ ჩემ თვალწინ სახეში ისეთი გაარტყა, რომ...
დაქალს ვეუბნები, საქმე ნამდვილ პათოლოგთან გაქვს–მეთქი. ის კი მიმტკიცებს, რომ თავდავიწყებით შეყვარებულია. მის უაზრო ეჭვიანობას და ცემასაც კი სიყვარულით ამართლებს. მიმტკიცებს, აბა, დაფიქრდი, ჩემზე ჭკუას რომ არ კარგავდეს, განა მისთვის სულ ერთი არ იქნება, ვინ შემომხედავს და ვინ – არაო. ბევრი მაგალითი მომყავს, რომ ცდება, მაგრამ მისი ტვინი ყველაფერს ისხლეტავს. სულ იმაზე ვფიქრობ, ასე რამ გამოაშტერა.
მეგობარმა ერთადერთი გზა დამიტოვა, რომ მის დასთან და დედასთან მივიდე და სიმართლე ვუთხრა. იქნებ მათ მაინც მოიყვანონ ჭკუაზე, მაგრამ იმასაც ვფიქრობ, ამით უარესი არ გავაკეთო. ისინი თუ მკაცრ რეჟიმს დაუწესებენ და გაკონტროლებას დაუწყებენ, შეიძლება ცოლადაც გაჰყვეს, რაც მართლა საშინელება იქნება. თანაც ვიცი, ასეთ საქციელს არასოდეს მაპატიებს და მის ნდობას დავკარგავ.
ნამდვილად მჭირდება რჩევა, რა გავაკეთო, რომ მეგობარმა გამოუსწორებელი შეცდომა არ დაუშვას.
მკითხველი, 17 წლის
