პოლონელმა მეკუბოვემ შიშველი მოდელების კალენდრით ეკლესია განარისხა
2 192 ნახვა
მეკუბოვე დომინიკ ლინდნერმა პოლონური კათოლიკური ეკლესიის უკმაყოფილება გამოიწვია. მან გამოუშვა სარეკლამო კალენდარი, რომელზეც შიშველი მოდელები სამგლოვიარო პროდუქციის ფონზე პოზირებენ.
ეკლესიის პრესსამსახურმა ლინდნერის სარეკლამო ილეთს სიკვდილისადმი ფუქსავატური დამოკიდებულება უწოდა.
2013 წლის კალენდარი, რომელიც უკვე მეოთხე გამოცემაა, საწარმოს საიტზე უნდა გამოიწერონ მსურველებმა. იქვეა ყველა კალენდრის დაწვრილებითი მიმოხილვა: კუბოების ფონზე გამოსახული მოდელები ყოველ წელს სულ უფრო შიშვლდებიან.
როგორც ადრე თვით ფირმის მფლობელმა ლინდნერმა განმარტა, ამჯერად კალენდრის შემქმნელები შთაგონებულნი იყვნენ სალვადორ დალისა და ჟოან მიროს შემოქმედებით. კუბოები გამოსახულია უდაბნოს, კოსმოსის, უღრანი ტყეების, "ტიტანიკის" ფონზე.
"ზოგიერთებს მოსწონთ კალენდრის იდეა, სხვებს - არა, მაგრამ ჩვენ ჩვეულებრივი ფილოსოფია გვაქვს - კუბო ჩვენთვის, უბრალოდ, ავეჯია, ჩვეულებრივი საქონელი; სიკვდილი კი ისევე იპყრობს ადამიანებს, როგორც ქალები", - ამბობს ლინდნერი. მისივე თქმით, კალენდრის პოპულარობა ყოველწლიურად მატულობს, დაკვეთები საზღვარგარეთიდანაც კი მოდის.
"ეს იდეა მე და ჩემს შვილს მოგვივიდა. რაღაც არც ისე სერიოზული გავაკეთეთ, მაგრამ ლამაზი და კაშკაშა. პოლონელი გოგონების სილამაზე უთავსდება ჩვენი კუბოების სილამაზეს", - განმარტავს მეკუბოვე.
ეკლესიის აზრით კი, ადამიანის სიკვდილი სერიოზულად უნდა აღიქმებოდეს და არ ირეოდეს სექსთან.
ჟურნალი "რეიტინგი"
ეკლესიის პრესსამსახურმა ლინდნერის სარეკლამო ილეთს სიკვდილისადმი ფუქსავატური დამოკიდებულება უწოდა.
2013 წლის კალენდარი, რომელიც უკვე მეოთხე გამოცემაა, საწარმოს საიტზე უნდა გამოიწერონ მსურველებმა. იქვეა ყველა კალენდრის დაწვრილებითი მიმოხილვა: კუბოების ფონზე გამოსახული მოდელები ყოველ წელს სულ უფრო შიშვლდებიან.
როგორც ადრე თვით ფირმის მფლობელმა ლინდნერმა განმარტა, ამჯერად კალენდრის შემქმნელები შთაგონებულნი იყვნენ სალვადორ დალისა და ჟოან მიროს შემოქმედებით. კუბოები გამოსახულია უდაბნოს, კოსმოსის, უღრანი ტყეების, "ტიტანიკის" ფონზე.
"ზოგიერთებს მოსწონთ კალენდრის იდეა, სხვებს - არა, მაგრამ ჩვენ ჩვეულებრივი ფილოსოფია გვაქვს - კუბო ჩვენთვის, უბრალოდ, ავეჯია, ჩვეულებრივი საქონელი; სიკვდილი კი ისევე იპყრობს ადამიანებს, როგორც ქალები", - ამბობს ლინდნერი. მისივე თქმით, კალენდრის პოპულარობა ყოველწლიურად მატულობს, დაკვეთები საზღვარგარეთიდანაც კი მოდის.
"ეს იდეა მე და ჩემს შვილს მოგვივიდა. რაღაც არც ისე სერიოზული გავაკეთეთ, მაგრამ ლამაზი და კაშკაშა. პოლონელი გოგონების სილამაზე უთავსდება ჩვენი კუბოების სილამაზეს", - განმარტავს მეკუბოვე.
ეკლესიის აზრით კი, ადამიანის სიკვდილი სერიოზულად უნდა აღიქმებოდეს და არ ირეოდეს სექსთან.
ჟურნალი "რეიტინგი"
