სიტყვები, რომლებიც არ უნდა უთხრათ განქორწინებულებს

განქორწინება - გარდაუვალი სტრესია. მისგან მიყენებული მორალური ზიანი წლების მანძილზე არ უნელდებათ ადამიანებს.

ამასთან, მხოლოდ წყვილი კი არა, ახლობლებიც განიცდიან და დამამშვიდებელ ფრაზებს არ იშურებენ განქორწინებულთათვის. თუმცა არსებობს გარკვეული ტაბუ - ფრაზა, რომელიც არავითარ შემთხვევაში არ უნდა უთხრათ განქორწინებულ ადამიანს.

აღმოჩნდა, რომ ადამიანს საერთოდ არ ამშვიდებს ფრაზა: "მესმის შენი, მეც ხომ დავშორდი ქმარს (ცოლს, მეგობარს)"...

გასაგებია, რომ ამ სიტყვებით გულშემატკივარს სურს გვერდში დაუდგეს, რაღაცით ანუგეშოს, უთხრას, რომ ის მარტო არ არის და რომ სხვასაც გადახდენია იგივე. განქორწინება - ეს ყოველთვის დიდი დანაკლისია, მიუხედავად იმისა, რამდენ წელს ითვლის ცოლ-ქმრის თანაცხოვრება.

ეს მძიმეა, როგორც მორალური, ემოციური, ასევე, ფიზიკური თვალსაზრისით. ბევრი ფსიქოლოგი ამტკიცებს, რომ განქორწინება მეორე მტკივნეული გამოცდილებაა მეუღლის გარდაცვალების შემდეგ.

როცა ქორწინება მთავრდება, რჩება მარცხის საშინელი განცდა, რადგან განქორწინება ცნებას "ჩვენ" წერტილს უსვამს და ბრუნდება ისევ "მე ჩემთვის". ამ შემთხვევაში ძნელია გააცნობიერო, რომ კიდევ ვიღაცას, თუნდაც ძალიან ახლობელს შეუძლია შეაფასოს და ჩაწვდეს ემოციის სიღრმეს.

ამიტომაც ფსიქოლოგები გვირჩევენ, გამოვთქვათ ჩვენი მწუხარება ახლობლის განქორწინების გამო, გავუწიოთ ყოველმხრივი დახმარება მას, მაგრამ არავითარ შემთხვევაში არ ვუთხრათ ისეთი სიტყვები, რითაც მას ვაგრძნობინებთ, რომ დაზარალებულის ემოცია - ეს არაინდივიდუალურია.