"ჩემი ცოლის დაქალების" მსახიობს გაზი აუფეთქდა

სერიალი "ჩემი ცოლის დაქალები" პოპულარობას ახალ სეზონზეც არ კარგავს. სერიალში მოათამაშე გმირების მიმართ ინტერესი დიდია, ამიტომ მათი გაქრობა ან სხვა მსახიობით ჩანაცვლება მაყურებლის ყურადღების მიღმა არასოდეს რჩება. სწორედ ამიტომ ატყდა მითქმა-მოთქმა ახალ სეზონზე, თუ რატომ გამოცვალეს და სად გაქრა ოფისის მკაცრი უფროსი გიორგი, რომლის როლსაც მუსკომედიის მსახიობი დავით ბეშიტაიშვილი თამაშობს.

მალე ჭორი გავრცელდა, რომ მსახიობს ტრაგედია შეემთხვა. სახლში გაზის აფეთქების გამო მძიმე მდგომარეობაში მყოფი დათო სასწრაფოდ რეანიმაციაში გადაიყვანეს. საბედნიეროდ, მსახიობი გადარჩა და მალე სერიალს დაუბრუნდება, თუმცა ინტერვიუზე უარი გვითხრა, როგორც აღნიშნა, არ უყვარს, შეკითხვებს რომ უსვამენ და სწორედ ეს არის მიზეზი, რომ ბეჭდურ მედიაში ბეშიტაიშვილის ინტერვიუს ვერ ნახავთ. რაც შეეხება ტრაგედიას, აღნიშნა, რომ მომხდარზე საუბარი არ სურს, რადგან ისედაც მთელმა თბილისმა გაიგო ყველაფერი. მსახიობს გადარჩენას ვულოცავთ და მოუთმენლად დაველოდებით მისი გმირის სერიალში გამოჩენას.

ჟურნალი "რეიტინგი"