ლაშა კერვალიძე ანი სირაძეს სერენადებს უმღეროდა
2 578 ნახვა
ახალგაზრდა მომღერალი, ანსამბლ "თეატრალური კვარტეტის" წევრი, ლაშა კერვალიძე, ტრადიციული მამაკაცური შეხედულებისამებრ, მშვენიერი სქესის ბედნიერებად ძლიერ სქესს მიიჩნევს. მისი აზრით, თუ ქალს გვერდით სასურველი კაცი ჰყავს, ის უკვე ბედნიერია. ასე გააბედნიერა მან 4 წლის წინ თავისი ცოლი, რომელსაც სიმღერით დაახვია თავბრუ.
– ლაშა, დავიწყოთ იმით, ზოგადად ქალზე რა შეხედულება გაქვთ .
– ჩემთვის ქალი დედით და ახლა უკვე ჩემი მეუღლით განისაზღვრება. უკვე 4 წელია დაოჯახებული ვარ და ცოლი ჩემთვის პირველი და სამაგალითო ქალია. მანდილოსანს ქალური სიმშვიდე და გამჭრიახი გონება უნდა ჰქონდეს. პირდაპირ გეტყვით, უინტელექტო ქალი საშინელებაა!
– თუმცა არსებობენ მამაკაცები, რომლებსაც ჭკვიანი ქალები არ მოსწონთ ან ეშინიათ კიდეც მათი.
– თუ ფიქრობ, რომ ადამიანმა, რომელიც გიყვარს, მთელი ცხოვრება შენ გვერდით უნდა გაატაროს, აუცილებლად ძალიან ჭკვიანი უნდა იყოს. უჭკუო ქალის გვერდით ყოფნა, რომელსაც ყოველ წუთში უნდა მიუთითო, რა აკეთოს, მგონი, არც ერთი კაცისთვის არის კარგი. ქალთან მიმართებაში თუ სხვა მიზნები გაკავშირებს, მაგალითად, გართობა, ამ შემთხვევაში ურთიერთობა ნებისმიერთან შეიძლება. ჩემთვის ქალი ძალიან სათუთი თემაა და მათგან ისეთი ქცევები ან თუნდაც ჩაცმულობა, რომელიც არ შეჰფერით, ძალიან მაღიზიანებს. ქალმა მხოლოდ მოდაზე კი არ უნდა იფიქროს, იმასაც უნდა მიაქციოს ყურადღება, რა უხდება და რა – არა. როცა კაცს უაზროდ ჩაცმული ქალი ეჩრება თვალებში, ეს ყველაზე გამაღიზიანებელია. ქალი საინტერესო უნდა იყოს.
– საინტერესო ქალი, თქვენი გაგებით, როგორია?
– ამისთვის განათლებაა აუცილებელი. ქალი საინტერესოა, როცა მას ნებისმიერ თემაზე გონივრულად და აზრიანად შეუძლია ლაპარაკი. ვაფასებ ადამიანს, რომელიც მიზანს ისახავს და მის მისაღწევად იბრძვის. ქალს, რომელიც კარიერას ირჩევს, ალბათ ოჯახისთვის დრო ნაკლებად რჩება, მაგრამ უპირატესი რა არის, ეს უკვე მისი გადასაწყვეტია.
იუმორსაც დიდ მნიშვნელობას ვანიჭებ. იუმორისგან არც მე ვარ შორს და მიხარია, როცა ამ ყველაფერში მანდილოსანიც ამყვება. ბევრი ქალი მინახავს, რომლებსაც იუმორი საერთოდ არ აქვთ და ასეთ ადამიანებთან ურთიერთობა ძალიან რთულია, რადგან სულ დაძაბული უნდა იყო, საუბრისას ყველა სიტყვას უნდა დაუკვირდე.
– კაცისთვის კარიერისტ ქალთან ურთიერთობა რთული არ არის?
– ალბათ ცოტა რთულია. ძალიან კარგია, როცა ქალი კარგი დიასახლისია და მინდა გითხრათ, რომ ამით განებივრებული ვარ. მიუხედავად იმისა, რომ ჩემი მეუღლე მუშაობს, ოჯახის მოვლას და საქმეს ყოველთვის ასწრებს. თუ ანი სამსახურიდან გვიან მოვა და თანაც დაღლილი, არ შევაწუხებ. სამზარეულოში ფუსფუსი მეც გადასარევად გამომდის. შეიძლება დიასახლისობა ქალს ეკუთვნის, მაგრამ კაციც უნდა დაეხმაროს.
– ესე იგი ქალისა და კაცის სრული თანასწორობის მომხრე ხართ? ოჯახის მარჩენალი ქალიც ისევე უნდა იყოს, როგორც მამაკაცი?
– ვფიქრობ, რომ რაღაც ფასეულობები შეიცვალა და საქართველოში ძალიან რთული პერიოდი დადგა. წლების განმავლობაში სამსახურის პოვნა და საერთოდ ცხოვრება და არსებობა ძალიან რთული იყო, ამიტომ ქალმაც დამატებითი ფუნქცია შეიძინა და ოჯახის რჩენა საკუთარ თავზე აიღო. ქალის ფუნქცია შეიცვალა. მამაკაცი ყველანაირად უნდა ეცადოს, რომ ქალი ნაკლებად დატვირთოს. ოჯახის რჩენა მამაკაცის მოვალეობაა, მაგრამ, სამწუხაროდ, არსებობენ კაცები, რომლებიც ოჯახებს განა იმიტომ არ არჩენენ, რომ სამსახურს ვერ შოულობენ, უბრალოდ არ უნდათ და თავიანთ უფლება–მოვალეობებს ცოლებს გადაულოცავენ ხოლმე. ჩემთვის ამ საქციელს გამართლება არ აქვს. გამოუვალი მდგომარეობის გამო ქალს ბევრი მისთვის უსიამოვნო საქმის კეთება უწევს.
– მამაკაცთან ურთიერთობაში ქალის აქტიურობაზე რას ფიქრობთ? მომხრე ხართ, ქალი პირველი გამოუტყდეს კაცს გრძნობებში?
– ქალს თუ მამაკაცი მოსწონს, არ ვთვლი, რომ მან გრძნობის გამოხატვისგან თავი უნდა შეიკავოს. თუ კაცს აქვს გრძნობის გამოხატვის უფლება, ქალს რატომ არ უნდა ჰქონდეს?! თუმცა ბევრი მამაკაცი მინახავს, რომელიც ამ მოსაზრებას უარყოფითად აფასებს.
– ქორწინებამდე ქალსა და მამაკაცს შორის თავისუფალი ინტიმური ურთიერთობა რამდენად მისაღებია თქვენთვის?
– მე, როგორც ქართველი, მართლმადიდებელი კაცი, ვფიქრობ, რომ ორ საპირისპირო სქესს შორის ურთიერთობა ჩვენი რწმენისამებრ უნდა წარიმართოს. ქორწინებამდე და ჯვრისწერამდე ურთიერთობის შემდეგ ქალი ბევრ მამაკაცს მიუტოვებია. ეს სწორ საქციელად არ მიმაჩნია. ამიტომ, როცა ურთიერთობა კანონიერად, ჯვრისწერით გვირგვინდება, ცუდი აღარაფერი ხდება. როცა წყვილი ჯვრისწერით უღლდება, ათასჯერ მეტად დალოცვილია.
– ვინ არის თქვენი ცოლი? თქვენი დაქორწინების ამბავი გვიამბეთ.
– ჩემი რჩეული ანი სირაძეა. ცოლად რომ მოვიყვანე, მისი სახელის და გვარის გაგონებაზე ყველას ეგონა, რომ ეთერ ჭელიძის შვილიშვილი იყო, მაგრამ ჩემი ცოლი სხვაა. ჩვენი შეხვედრა ძალიან უცნაურად მოხდა. თეატრალურ უნივერსიტეტში ხელოვნებათმცოდნეობის ფაკულტეტი დავამთავრე. ისიც იქ სწავლობდა, მაგრამ ერთმანეთს სამი წელი არ ვიცნობდით. მხოლოდ სახეზე ვცნობდი და, როგორც ლამაზი გოგო, ჩემს ყურადღებას ყოველთვის იქცევდა. რაც უნდა უცნაურად ჟღერდეს, ერთმანეთს ავტოსკოლაში შევხვდით. ზაფხული იყო, კვარტეტი ვისვენებდით და რაღაც ხომ უნდა გვეკეთებინა? ჩვენი კვარტეტის ერთმა წევრმა შემოგვთავაზა, მოდი, მართვის მოწმობები ავიღოთო. ერთ–ერთ ავტოსკოლაში მივედით, პირველ გაკვეთილზე დავსხედით და ნაცნობი სახეც დავინახე, რომელიც შემდეგ უკვე ჩემი ცხოვრების თანამგზავრი გახდა. ბედნიერი ვარ და მადლობა უფალს, რომ გვერდში ასეთი ადამიანი მყავს! მთელ ჩემს ცხოვრებას მასთან ერთად გავატარებ. შეყვარებულები ერთი წელი ვიყავით. ახლა კი 3 წლის ნიკოლოზი გვყავს.
– როგორ მოინადირეთ მისი გული?
– ორჯერ სერენადა ვუმღერე. ჩვენი სიყვარულის ამბავი მაშინ იწყებოდა, სწორედ ის პერიოდი იყო, ქალებმა რომ იციან თქმა, ცოტა დრო მომეციო. ეს ფრაზა მამაკაცებს, ცოტა არ იყოს, აღიზიანებს და ვერ ითმენენ ხოლმე. მეგობრებმა იციან დარიგება, მოდი, ახლა ერთი კვირა არ შეეხმიანო, მერე მისწერე, მერე ცოტა ხანს თავი დაანებეო და ა.შ. მაგრამ, როცა გიყვარს, ასე მოქცევა შეუძლებელია. როცა შეყვარებული ხარ, გული ათასგვარ სისულელეს გთხოვს, ამის გარეშე სიყვარული წარმოუდგენელია. ერთ დღესაც "თეატრალური კვარტეტი" მივედით ჩემი მეუღლის კორპუსთან და სერენადა ვიმღერეთ. აივნებიდან ხალხი გადმოდგა. სიმღერა დავასრულეთ თუ არა, ტაში შემოკრეს. მეზობლებმა მითხრეს, ახლა ანი თუ არ ჩამოვიდა, ჩვენ ჩამოგიყვანთო, მაგრამ მათი ჩამოყვანა არ დასჭირდა, თვითონ ჩამოვიდა და ჩვენი ურთიერთობაც ნელ–ნელა დალაგდა. სერენადა ორჯერ ვუმღერე და ჩვენი ნამდვილი სიყვარულიც აქედან დაიწყო.
– ოჯახის შექმნაზეც სიმღერ–სიმღერ დაითანხმეთ?
– ჩვენი ოჯახის შექმნა მხოლოდ სერენადებს არ გადაუწყვეტია, მაგრამ ჩემს მეუღლეს ქართული სიმღერა იმდენად უყვარს, რომ შეიძლება ამანაც დიდი როლი ითამაშა.
– ხშირად გიწევთ საზღვარგარეთ გასტროლებზე წასვლა. რა განსხვავებას ხედავთ ქართველ და უცხოელ ქალებს შორის?
– გასტროლზე სიარული ხშირად გვიწევს, არაერთ ქვეყანაში ვართ ნამყოფი, მაგრამ ქართველ ქალზე ერთგული არსად შემხვედრია. მათ ერთგულება და ქმრის პატივისცემა ალბათ გენში აქვთ. ქართველი ქალების უმეტესობა მაინც მამაკაცებზეა დამოკიდებული. უცხოელი ქალები კი უფრო დამოუკიდებლები არიან. შეიძლება ამაში ცუდი არაფერია, მაგრამ ქართველი ქალი მაინც სულ სხვაა. საქართველოში უმეტესობა მართლმადიდებელია და ქალები გრძნობებსაც თოკავენ და მრწამსის შესაფერისადაც ცხოვრობენ.
– კაცები როგორ იქცევით, მაგალითად, თავად როგორი ქმარი ხართ?
– ყველა ქალს ვუსურვებდი ქართველი კაცების ახირებების გაძლებას. ჩემს მეუღლეს ძალიან დიდი გაძლება ჰქონია. ხელოვან ადამიანთან ცხოვრება ურთულესი ყოფილა. ანის ძალიან დიდი მადლობა უნდა ვუთხრა იმისთვის, რასაც ის ითმენს. ფაქტობრივად სახლში ძალიან იშვიათად ვარ. შეიძლება დღეში 3–4 რეპეტიცია გვქონდეს. სახლში უმეტესად გვიან მივდივარ, მაგრამ ოჯახისთვის დროს მაინც გამოვნახავ ხოლმე.
– სანამ ანის შეხვდებოდით, ბევრჯერ იყავით შეყვარებული?
– სხვათა შორის – არა. სამწუხაროდ, არსებობს ქალების კატეგორია, რომლებიც მამაკაცის გრძნობებს აბუჩად იგდებენ. დაოჯახებამდე მხოლოდ ერთხელ ვიყავი შეყვარებული. მერე კი მეორე სიყვარული მეწვია და ოჯახიც შევქმენი. მივხვდი, რომ ეს იყო ნამდვილი სიყვარული და წინ ვერაფერი აღუდგებოდა.
– როგორ მიხვდით, რომ ნამდვილად ის იყო, ვისაც ეძებდით?
– როცა მის გარეშე ცხოვრება არ შეგიძლია, როცა ის ადამიანი ყოველთვის გახსოვს, ეს ნამდვილი სიყვარულია; როცა ცხოვრებას ერთ ადამიანს უკავშირებ და შვილების დედას ირჩევ, ეს უკვე სიყვარულია.
– რა განსაზღვრავს ქალის ბედნიერებას?
– ალბათ თვითონ ქალებმა არ იციან, ქალური ბედნიერება რას ნიშნავს. ჩემი აზრით კი, ქალი მაშინ არის ბედნიერი, როცა ისეთი მამაკაცის გვერდით უწევს ყოფნა, ვისთანაც თავს კარგად გრძნობს და არანაირი დაბრკოლება არ აქვს. ვცდილობ, ჩემს მეუღლეს სრული ბედნიერებისთვის ყველანაირი პირობა შევუქმნა.
სოფიო ბოჭორიძე
– ლაშა, დავიწყოთ იმით, ზოგადად ქალზე რა შეხედულება გაქვთ .
– ჩემთვის ქალი დედით და ახლა უკვე ჩემი მეუღლით განისაზღვრება. უკვე 4 წელია დაოჯახებული ვარ და ცოლი ჩემთვის პირველი და სამაგალითო ქალია. მანდილოსანს ქალური სიმშვიდე და გამჭრიახი გონება უნდა ჰქონდეს. პირდაპირ გეტყვით, უინტელექტო ქალი საშინელებაა!
– თუმცა არსებობენ მამაკაცები, რომლებსაც ჭკვიანი ქალები არ მოსწონთ ან ეშინიათ კიდეც მათი.
– თუ ფიქრობ, რომ ადამიანმა, რომელიც გიყვარს, მთელი ცხოვრება შენ გვერდით უნდა გაატაროს, აუცილებლად ძალიან ჭკვიანი უნდა იყოს. უჭკუო ქალის გვერდით ყოფნა, რომელსაც ყოველ წუთში უნდა მიუთითო, რა აკეთოს, მგონი, არც ერთი კაცისთვის არის კარგი. ქალთან მიმართებაში თუ სხვა მიზნები გაკავშირებს, მაგალითად, გართობა, ამ შემთხვევაში ურთიერთობა ნებისმიერთან შეიძლება. ჩემთვის ქალი ძალიან სათუთი თემაა და მათგან ისეთი ქცევები ან თუნდაც ჩაცმულობა, რომელიც არ შეჰფერით, ძალიან მაღიზიანებს. ქალმა მხოლოდ მოდაზე კი არ უნდა იფიქროს, იმასაც უნდა მიაქციოს ყურადღება, რა უხდება და რა – არა. როცა კაცს უაზროდ ჩაცმული ქალი ეჩრება თვალებში, ეს ყველაზე გამაღიზიანებელია. ქალი საინტერესო უნდა იყოს.
– საინტერესო ქალი, თქვენი გაგებით, როგორია?
– ამისთვის განათლებაა აუცილებელი. ქალი საინტერესოა, როცა მას ნებისმიერ თემაზე გონივრულად და აზრიანად შეუძლია ლაპარაკი. ვაფასებ ადამიანს, რომელიც მიზანს ისახავს და მის მისაღწევად იბრძვის. ქალს, რომელიც კარიერას ირჩევს, ალბათ ოჯახისთვის დრო ნაკლებად რჩება, მაგრამ უპირატესი რა არის, ეს უკვე მისი გადასაწყვეტია.
იუმორსაც დიდ მნიშვნელობას ვანიჭებ. იუმორისგან არც მე ვარ შორს და მიხარია, როცა ამ ყველაფერში მანდილოსანიც ამყვება. ბევრი ქალი მინახავს, რომლებსაც იუმორი საერთოდ არ აქვთ და ასეთ ადამიანებთან ურთიერთობა ძალიან რთულია, რადგან სულ დაძაბული უნდა იყო, საუბრისას ყველა სიტყვას უნდა დაუკვირდე.
– კაცისთვის კარიერისტ ქალთან ურთიერთობა რთული არ არის?
– ალბათ ცოტა რთულია. ძალიან კარგია, როცა ქალი კარგი დიასახლისია და მინდა გითხრათ, რომ ამით განებივრებული ვარ. მიუხედავად იმისა, რომ ჩემი მეუღლე მუშაობს, ოჯახის მოვლას და საქმეს ყოველთვის ასწრებს. თუ ანი სამსახურიდან გვიან მოვა და თანაც დაღლილი, არ შევაწუხებ. სამზარეულოში ფუსფუსი მეც გადასარევად გამომდის. შეიძლება დიასახლისობა ქალს ეკუთვნის, მაგრამ კაციც უნდა დაეხმაროს.
– ესე იგი ქალისა და კაცის სრული თანასწორობის მომხრე ხართ? ოჯახის მარჩენალი ქალიც ისევე უნდა იყოს, როგორც მამაკაცი?
– ვფიქრობ, რომ რაღაც ფასეულობები შეიცვალა და საქართველოში ძალიან რთული პერიოდი დადგა. წლების განმავლობაში სამსახურის პოვნა და საერთოდ ცხოვრება და არსებობა ძალიან რთული იყო, ამიტომ ქალმაც დამატებითი ფუნქცია შეიძინა და ოჯახის რჩენა საკუთარ თავზე აიღო. ქალის ფუნქცია შეიცვალა. მამაკაცი ყველანაირად უნდა ეცადოს, რომ ქალი ნაკლებად დატვირთოს. ოჯახის რჩენა მამაკაცის მოვალეობაა, მაგრამ, სამწუხაროდ, არსებობენ კაცები, რომლებიც ოჯახებს განა იმიტომ არ არჩენენ, რომ სამსახურს ვერ შოულობენ, უბრალოდ არ უნდათ და თავიანთ უფლება–მოვალეობებს ცოლებს გადაულოცავენ ხოლმე. ჩემთვის ამ საქციელს გამართლება არ აქვს. გამოუვალი მდგომარეობის გამო ქალს ბევრი მისთვის უსიამოვნო საქმის კეთება უწევს.
– მამაკაცთან ურთიერთობაში ქალის აქტიურობაზე რას ფიქრობთ? მომხრე ხართ, ქალი პირველი გამოუტყდეს კაცს გრძნობებში?
– ქალს თუ მამაკაცი მოსწონს, არ ვთვლი, რომ მან გრძნობის გამოხატვისგან თავი უნდა შეიკავოს. თუ კაცს აქვს გრძნობის გამოხატვის უფლება, ქალს რატომ არ უნდა ჰქონდეს?! თუმცა ბევრი მამაკაცი მინახავს, რომელიც ამ მოსაზრებას უარყოფითად აფასებს.
– ქორწინებამდე ქალსა და მამაკაცს შორის თავისუფალი ინტიმური ურთიერთობა რამდენად მისაღებია თქვენთვის?
– მე, როგორც ქართველი, მართლმადიდებელი კაცი, ვფიქრობ, რომ ორ საპირისპირო სქესს შორის ურთიერთობა ჩვენი რწმენისამებრ უნდა წარიმართოს. ქორწინებამდე და ჯვრისწერამდე ურთიერთობის შემდეგ ქალი ბევრ მამაკაცს მიუტოვებია. ეს სწორ საქციელად არ მიმაჩნია. ამიტომ, როცა ურთიერთობა კანონიერად, ჯვრისწერით გვირგვინდება, ცუდი აღარაფერი ხდება. როცა წყვილი ჯვრისწერით უღლდება, ათასჯერ მეტად დალოცვილია.
– ვინ არის თქვენი ცოლი? თქვენი დაქორწინების ამბავი გვიამბეთ.
– ჩემი რჩეული ანი სირაძეა. ცოლად რომ მოვიყვანე, მისი სახელის და გვარის გაგონებაზე ყველას ეგონა, რომ ეთერ ჭელიძის შვილიშვილი იყო, მაგრამ ჩემი ცოლი სხვაა. ჩვენი შეხვედრა ძალიან უცნაურად მოხდა. თეატრალურ უნივერსიტეტში ხელოვნებათმცოდნეობის ფაკულტეტი დავამთავრე. ისიც იქ სწავლობდა, მაგრამ ერთმანეთს სამი წელი არ ვიცნობდით. მხოლოდ სახეზე ვცნობდი და, როგორც ლამაზი გოგო, ჩემს ყურადღებას ყოველთვის იქცევდა. რაც უნდა უცნაურად ჟღერდეს, ერთმანეთს ავტოსკოლაში შევხვდით. ზაფხული იყო, კვარტეტი ვისვენებდით და რაღაც ხომ უნდა გვეკეთებინა? ჩვენი კვარტეტის ერთმა წევრმა შემოგვთავაზა, მოდი, მართვის მოწმობები ავიღოთო. ერთ–ერთ ავტოსკოლაში მივედით, პირველ გაკვეთილზე დავსხედით და ნაცნობი სახეც დავინახე, რომელიც შემდეგ უკვე ჩემი ცხოვრების თანამგზავრი გახდა. ბედნიერი ვარ და მადლობა უფალს, რომ გვერდში ასეთი ადამიანი მყავს! მთელ ჩემს ცხოვრებას მასთან ერთად გავატარებ. შეყვარებულები ერთი წელი ვიყავით. ახლა კი 3 წლის ნიკოლოზი გვყავს.
– როგორ მოინადირეთ მისი გული?
– ორჯერ სერენადა ვუმღერე. ჩვენი სიყვარულის ამბავი მაშინ იწყებოდა, სწორედ ის პერიოდი იყო, ქალებმა რომ იციან თქმა, ცოტა დრო მომეციო. ეს ფრაზა მამაკაცებს, ცოტა არ იყოს, აღიზიანებს და ვერ ითმენენ ხოლმე. მეგობრებმა იციან დარიგება, მოდი, ახლა ერთი კვირა არ შეეხმიანო, მერე მისწერე, მერე ცოტა ხანს თავი დაანებეო და ა.შ. მაგრამ, როცა გიყვარს, ასე მოქცევა შეუძლებელია. როცა შეყვარებული ხარ, გული ათასგვარ სისულელეს გთხოვს, ამის გარეშე სიყვარული წარმოუდგენელია. ერთ დღესაც "თეატრალური კვარტეტი" მივედით ჩემი მეუღლის კორპუსთან და სერენადა ვიმღერეთ. აივნებიდან ხალხი გადმოდგა. სიმღერა დავასრულეთ თუ არა, ტაში შემოკრეს. მეზობლებმა მითხრეს, ახლა ანი თუ არ ჩამოვიდა, ჩვენ ჩამოგიყვანთო, მაგრამ მათი ჩამოყვანა არ დასჭირდა, თვითონ ჩამოვიდა და ჩვენი ურთიერთობაც ნელ–ნელა დალაგდა. სერენადა ორჯერ ვუმღერე და ჩვენი ნამდვილი სიყვარულიც აქედან დაიწყო.
– ოჯახის შექმნაზეც სიმღერ–სიმღერ დაითანხმეთ?
– ჩვენი ოჯახის შექმნა მხოლოდ სერენადებს არ გადაუწყვეტია, მაგრამ ჩემს მეუღლეს ქართული სიმღერა იმდენად უყვარს, რომ შეიძლება ამანაც დიდი როლი ითამაშა.
– ხშირად გიწევთ საზღვარგარეთ გასტროლებზე წასვლა. რა განსხვავებას ხედავთ ქართველ და უცხოელ ქალებს შორის?
– გასტროლზე სიარული ხშირად გვიწევს, არაერთ ქვეყანაში ვართ ნამყოფი, მაგრამ ქართველ ქალზე ერთგული არსად შემხვედრია. მათ ერთგულება და ქმრის პატივისცემა ალბათ გენში აქვთ. ქართველი ქალების უმეტესობა მაინც მამაკაცებზეა დამოკიდებული. უცხოელი ქალები კი უფრო დამოუკიდებლები არიან. შეიძლება ამაში ცუდი არაფერია, მაგრამ ქართველი ქალი მაინც სულ სხვაა. საქართველოში უმეტესობა მართლმადიდებელია და ქალები გრძნობებსაც თოკავენ და მრწამსის შესაფერისადაც ცხოვრობენ.
– კაცები როგორ იქცევით, მაგალითად, თავად როგორი ქმარი ხართ?
– ყველა ქალს ვუსურვებდი ქართველი კაცების ახირებების გაძლებას. ჩემს მეუღლეს ძალიან დიდი გაძლება ჰქონია. ხელოვან ადამიანთან ცხოვრება ურთულესი ყოფილა. ანის ძალიან დიდი მადლობა უნდა ვუთხრა იმისთვის, რასაც ის ითმენს. ფაქტობრივად სახლში ძალიან იშვიათად ვარ. შეიძლება დღეში 3–4 რეპეტიცია გვქონდეს. სახლში უმეტესად გვიან მივდივარ, მაგრამ ოჯახისთვის დროს მაინც გამოვნახავ ხოლმე.
– სანამ ანის შეხვდებოდით, ბევრჯერ იყავით შეყვარებული?
– სხვათა შორის – არა. სამწუხაროდ, არსებობს ქალების კატეგორია, რომლებიც მამაკაცის გრძნობებს აბუჩად იგდებენ. დაოჯახებამდე მხოლოდ ერთხელ ვიყავი შეყვარებული. მერე კი მეორე სიყვარული მეწვია და ოჯახიც შევქმენი. მივხვდი, რომ ეს იყო ნამდვილი სიყვარული და წინ ვერაფერი აღუდგებოდა.
– როგორ მიხვდით, რომ ნამდვილად ის იყო, ვისაც ეძებდით?
– როცა მის გარეშე ცხოვრება არ შეგიძლია, როცა ის ადამიანი ყოველთვის გახსოვს, ეს ნამდვილი სიყვარულია; როცა ცხოვრებას ერთ ადამიანს უკავშირებ და შვილების დედას ირჩევ, ეს უკვე სიყვარულია.
– რა განსაზღვრავს ქალის ბედნიერებას?
– ალბათ თვითონ ქალებმა არ იციან, ქალური ბედნიერება რას ნიშნავს. ჩემი აზრით კი, ქალი მაშინ არის ბედნიერი, როცა ისეთი მამაკაცის გვერდით უწევს ყოფნა, ვისთანაც თავს კარგად გრძნობს და არანაირი დაბრკოლება არ აქვს. ვცდილობ, ჩემს მეუღლეს სრული ბედნიერებისთვის ყველანაირი პირობა შევუქმნა.
სოფიო ბოჭორიძე
