მაკა ასათიანმა შეიძლება ტელეგადაცემა წაიყვანოს
2 629 ნახვა
ტელეკომპანია "მაესტროს" მფლობელები, მამუკა ღლონტი და მაკა ასათიანი, ჰოლდინგს ქმნიან, რომელიც ორ არხსა და ორ რადიოკომპანიას გააერთიანებს. ახალ ტელეარხზე, რომელსაც "მაესტრო ახალი ამბებით" ერქმევა, მხოლოდ საინფორმაციო გამოშვებები გავა, მეორე არხი "მაესტრო" კი საერთო პროფილის იქნება – გასართობი გადაცემებით, ტოქ შოუებით.
როგორც "სარკესთან" მამუკა ღლონტი ამბობს, აქცენტს ახალი სახეების მოძიებაზე გააკეთებენ, თუმცა არც ძველ ცნობილ სახეებთან თანამშრომლობას გამორიცხავენ.
– ბატონო მამუკა, როგორ გაჩნდა ახალი არხის შექმნის იდეა?
– ტელევიზია ჩვენი ბიზნესია. ტელეკომპანია დაფინანსების იმედად არ უნდა იყოს. ჩვენ გასართობი გადაცემების კეთების მდიდარი გამოცდილება გვაქვს. ეს ბიზნესი საქართველოში რამდენიმე მედიასაშუალებას მოითხოვს, რომ რეკლამის ის წილი წამოიღო, რაც რეიტინგის მიხედვით გეკუთვნის. ამის კეთება მხოლოდ ერთ კომპანიას ყოველთვის უჭირს. ორი ტელეკომპანია, ორი რადიო უკვე მომხიბვლელია ნებისმიერი რეკლამის დამკვეთისთვის. სწორედ ეს იყო ამოსავალი წერტილი, რომ მეორე არხი გაგვეკეთებინა.
– ამ რადიოებში რა ტიპის მუსიკა იტრიალებს?
– მუსიკა ისე არ იქნება, როგორც ადრე გვქონდა. ვეცდებით, მაყურებელს მსოფლიო შოუბიზნესის შესახებ ინფორმაცია მივაწოდოთ, უპირატესობას კი მაინც ქართულ შოუბიზნესს მივანიჭებთ. ახლა რადიოს ვაკეთებთ, რომელსაც "ვინილის რადიო" ერქმევა. ასე ვთქვათ, შოუბიზნესის ამოძრავება გვინდა. პირველ ეტაპზე მუსიკალური დაჯილდოების გაკეთება გვსურს. ეს ძალიან რთული პროცესია, მაგრამ ძალიან დიდი სურვილი გვაქვს, ახლაც ისე იყოს, როგორც თავის დროზე ითამაშა "მაესტრომ" გარკვეული როლი ქართული შოუბიზნესის განვითარებაში.
– ეგრეთ წოდებულ ძველ სახელისუფლებო მომღერლებსაც მოვისმენთ ახალ რადიოებში თუ მათ თქვენც ისევე დაბლოკავთ, როგორც ადრე ხელისუფლებისთვის მიუღებელი მომღერლები იბლოკებოდნენ რადიო–ტელეარხებზე?
– არა, ასეთი რაღაცეები "მაესტროზე" გამორიცხულია, ასე ცუდი ადამიანები იქცევიან. "მაესტროს" არასოდეს არავინ დაუბლოკავს და თუ ჩვენ ვებრძოდით რამეს, როგორც მოქალაქეები, სწორედ ამ უბედურებას. ქვეყანა ზუსტად ისეთივე ოჯახია, როგორიც შენი, რომელიც დედისგან, მამისგან, ძმებისგან შედგება. ზუსტად ასე შედგება ქვეყანა შენი ძმებისგან, დებისგან, დედებისგან, მამებისგან და შვილებისგან. როგორც ოჯახში არ შეიძლება დაყოფა, ისე ქვეყანაში. ჩემი აღშფოთება და მოსაზრებები ხშირად დამიწერია "ფეისბუქის" ჩემს გვერდზე, მაგრამ ეს ჩემი პირადი გვერდია და არ შეიძლება იგივე ეკრანზე გავაკეთო. თუ ვიღაც ნიჭიერი მომღერალია და მიშას ემხრობოდა, ეს მისი გაჭირვებაა. ჩვენ მათ ისე უნდა მოვექცეთ, რომ არასდროს ისეთ შარში არ გაებან, როგორშიც იყვნენ. არ შეიძლება საზოგადოებამ გარიყოს რომელიმე ნაწილი, თუ, რა თქმა უნდა, ის სისხლის სამართლის დამნაშავე არ არის, ან მორალურად ისეთი რამ აქვს ჩადენილი, რისი პატიებაც არ შეიძლება.
– მხოლოდ თქვენ მიერ შექმნილი, ასე ვთქვათ, ეროვნული პროდუქცია გექნებათ თუ უცხოეთიდანაც იყიდით პროექტებს?
– ველოსიპედი უკვე გამოგონილია, მაგრამ ყოველთვის ვცდილობთ, ჩვენი შევქმნათ. არც იმას გამოვრიცხავთ, ისეთი პროექტიც გვქონდეს, რომელიც უკვე ჩამოყალიბებულია. წვალება არ გჭირდება, შეგიძლია პირდაპირ იყიდო. ჩვენ მაინც საკუთარი პროდუქციის შექმნის სურვილი გვაქვს, ვიდრე რაღაცის კოპირების.
– ახალი ტელეარხისთვის ჟურნალისტებს რა პრინციპით აარჩევთ?
– რაც შეეხება საინფორმაციოს, ის დაკომპლექტებულია. სხვა გადაცემებისათვის კი ვეცდებით, ჟურნალისტები თვითონ მოვძებნოთ. თუ ეს ვერ შევძელით, ალბათ კასტინგი გამოცხადდება.
– ვიხილავთ თუ არა თქვენს არხზე ნაცნობ სახეებს?
– ჩვენ ყოველთვის ახალი სახეების მოძებნის მომხრე ვიყავით, თუმცა არ მინდა, თქვენმა მკითხველმა ისე გამიგოს, რომ სასამართლოს მოვაწყობთ და ვინმეს იმის გამო განვსჯით, რაც მან ჩაიდინა. ეს მათი მორალური ვალდებულებაა და არა – ჩვენი. თუმცა, ვიმეორებ, აქცენტს ახალ სახეებზე გავაკეთებთ. იმასაც გეტყვით, რომ, მაგალითად, ეკა კვესიტაძეს მანამდეც ვთავაზობდი "მაესტროში" მუშაობას და, სხვათა შორის – დათო პაიჭაძესაც.
– ამ სახეების თქვენთან გამოჩენას მაყურებელი მოგიწონებთ?
– რა თქმა უნდა, ეს შეიძლება არაპოპულარული ნაბიჯი იყოს, მაგრამ, მაგალითისთვის რომ ავიღოთ, იგივე ლაშა ხარაზიშვილი თუ იმ აზრზე დარჩება, რაზეც აქამდე იყო, ბუნებრივია, ჩვენთან ვერ იმუშავებს, მაგრამ თუ მიხვდება, რომ ტყუილსა და ბოროტებას ემსახურებოდა, რა თქმა უნდა, ჩვენს ურთიერთობას წინ არაფერი დაუდგება.
– სხვა არხზე დახურული გადაცემები, თუნდაც "ნანუკას შოუ" ან "ღამის შოუს სტუდია" და სხვები, თქვენს არხზე ხომ არ გაგრძელდება?
– არც ერთი გადაცემა, რომელიც სხვა არხზე დაიხურა, ჩვენს ტელევიზიაში არ გაგრძელდება. ესეც ჩვენი სტრატეგიაა, რომ სხვა არხზე გასული გადაცემა "მაესტროზე" არ მოხვდეს თუნდაც იმიტომ, რომ ჩვენ გვაქვს უნარი, ახალი ფორმატის გადაცემა მოვიფიქროთ და შევქმნათ.
– მაკა ასათიანი "მაესტროს" ერთ–ერთი მფლობელია. ახალი არხის შექმნაში, ჩამოყალიბებაში თუ მონაწილეობს?
– მაკა ამ ტელევიზიების სრულფასოვანი დამფუძნებელია. ყველაფერს ერთად ვაკეთებთ და ვცდილობთ, ამ არხის ჩამოყალიბებაში თანაბარი მონაწილეობა მივიღოთ. მაკა უნიჭიერესი ხელოვანია. ადრე ამის საშუალება არ მქონდა და ახლა მისი გაკეთებული ოფისი ვნახე შვეიცარიაში. მე პროფესიით არქიტექტორი ვარ და ამ ყველაფრით აღფრთოვანებული დავრჩი. მაკა ამ დარგში ძალიან ნიჭიერია. იმედია, თავის ნიჭს ამ შემთხვევაშიც სრულად გამოიყენებს.
– ახალი არხის სარედაქციო პოლიტიკაშიც იქნება ჩართული?
– სარედაქციო პოლიტიკაში "მაესტროს" არც ერთი დამფუძნებული ერევა და ამ ტელევიზიის ხიბლიც სწორედ ესაა. რაც შეეხება დანარჩენს – სტრუქტურას, სცენარებს და ასე შემდეგ, დღემდე სრულად მონაწილეობს, მიუხედავად იმისა, საქართველოში არის თუ არა. მას ბევრი იდეა აქვს ისევე, როგორც ჩვენ.
– თქვენი აზრები და იდეები ერთმანეთს ხშირად ემთხვევა?
– ჩვენ ყოველთვის კონსენსუსამდე მივდივართ, ერთმანეთთან შეწყობილი ვართ. ვისაც ვერ ვეწყობით, მასთან არც ვმუშაობთ.
– თავად მაკა ასათიანსაც ხომ არ ვიხილავთ რომელიმე გადაცემის წამყვანად?
– სამწუხაროდ, მაკას ცხოვრების სხვა რიტმი აქვს, საქართველოში დიდხანს ვერ იქნება. მსოფლიოს რამდენიმე ქვეყანაში ეწევა სხვადასხვა საქმიანობას, ამიტომ, ბუნებრივია, ვერ შეძლებს, ერთ ადგილს მიეჯაჭვოს. ძალიან მინდოდა, რომელიმე გადაცემა წაეყვანა და ეს იდეა შევთავაზე კიდეც, მაგრამ ამ ეტაპზე ეს ფაქტობრივად შეუძლებელია. არ დაგიმალავთ, ვფიქრობთ, რომ მაკამ რამე პროექტი გააკეთოს.
– რა ტიპის პროექტი?
– რა თქმა უნდა, აპოლიტიკური. ეს შეიძლება იყოს კულტურაზე, ხელოვნებაზე. მაკას მიერ წაყვანილ გადაცემას უმაღლესი რეიტინგი ექნება, მაგრამ მის პირად ცხოვრებაში ვერ ჩავერევით. ვნახოთ, რა იქნება, ამ თემაზე მოლაპარაკება მიმდინარეობს. თუ ამგვარი შანსი გამოჩნდება, აუცილებლად გამოვიყენებთ, რადგან ეს გამზადებული რეიტინგია. მაკამ რომც არ ილაპარაკოს და მხოლოდ გამოჩნდეს ეკრანზე, ესეც კი უკვე დიდი რეიტინგი იქნება.
ეკა ლემონჯავა
როგორც "სარკესთან" მამუკა ღლონტი ამბობს, აქცენტს ახალი სახეების მოძიებაზე გააკეთებენ, თუმცა არც ძველ ცნობილ სახეებთან თანამშრომლობას გამორიცხავენ.
– ბატონო მამუკა, როგორ გაჩნდა ახალი არხის შექმნის იდეა?
– ტელევიზია ჩვენი ბიზნესია. ტელეკომპანია დაფინანსების იმედად არ უნდა იყოს. ჩვენ გასართობი გადაცემების კეთების მდიდარი გამოცდილება გვაქვს. ეს ბიზნესი საქართველოში რამდენიმე მედიასაშუალებას მოითხოვს, რომ რეკლამის ის წილი წამოიღო, რაც რეიტინგის მიხედვით გეკუთვნის. ამის კეთება მხოლოდ ერთ კომპანიას ყოველთვის უჭირს. ორი ტელეკომპანია, ორი რადიო უკვე მომხიბვლელია ნებისმიერი რეკლამის დამკვეთისთვის. სწორედ ეს იყო ამოსავალი წერტილი, რომ მეორე არხი გაგვეკეთებინა.
– ამ რადიოებში რა ტიპის მუსიკა იტრიალებს?
– მუსიკა ისე არ იქნება, როგორც ადრე გვქონდა. ვეცდებით, მაყურებელს მსოფლიო შოუბიზნესის შესახებ ინფორმაცია მივაწოდოთ, უპირატესობას კი მაინც ქართულ შოუბიზნესს მივანიჭებთ. ახლა რადიოს ვაკეთებთ, რომელსაც "ვინილის რადიო" ერქმევა. ასე ვთქვათ, შოუბიზნესის ამოძრავება გვინდა. პირველ ეტაპზე მუსიკალური დაჯილდოების გაკეთება გვსურს. ეს ძალიან რთული პროცესია, მაგრამ ძალიან დიდი სურვილი გვაქვს, ახლაც ისე იყოს, როგორც თავის დროზე ითამაშა "მაესტრომ" გარკვეული როლი ქართული შოუბიზნესის განვითარებაში.
– ეგრეთ წოდებულ ძველ სახელისუფლებო მომღერლებსაც მოვისმენთ ახალ რადიოებში თუ მათ თქვენც ისევე დაბლოკავთ, როგორც ადრე ხელისუფლებისთვის მიუღებელი მომღერლები იბლოკებოდნენ რადიო–ტელეარხებზე?
– არა, ასეთი რაღაცეები "მაესტროზე" გამორიცხულია, ასე ცუდი ადამიანები იქცევიან. "მაესტროს" არასოდეს არავინ დაუბლოკავს და თუ ჩვენ ვებრძოდით რამეს, როგორც მოქალაქეები, სწორედ ამ უბედურებას. ქვეყანა ზუსტად ისეთივე ოჯახია, როგორიც შენი, რომელიც დედისგან, მამისგან, ძმებისგან შედგება. ზუსტად ასე შედგება ქვეყანა შენი ძმებისგან, დებისგან, დედებისგან, მამებისგან და შვილებისგან. როგორც ოჯახში არ შეიძლება დაყოფა, ისე ქვეყანაში. ჩემი აღშფოთება და მოსაზრებები ხშირად დამიწერია "ფეისბუქის" ჩემს გვერდზე, მაგრამ ეს ჩემი პირადი გვერდია და არ შეიძლება იგივე ეკრანზე გავაკეთო. თუ ვიღაც ნიჭიერი მომღერალია და მიშას ემხრობოდა, ეს მისი გაჭირვებაა. ჩვენ მათ ისე უნდა მოვექცეთ, რომ არასდროს ისეთ შარში არ გაებან, როგორშიც იყვნენ. არ შეიძლება საზოგადოებამ გარიყოს რომელიმე ნაწილი, თუ, რა თქმა უნდა, ის სისხლის სამართლის დამნაშავე არ არის, ან მორალურად ისეთი რამ აქვს ჩადენილი, რისი პატიებაც არ შეიძლება.
– მხოლოდ თქვენ მიერ შექმნილი, ასე ვთქვათ, ეროვნული პროდუქცია გექნებათ თუ უცხოეთიდანაც იყიდით პროექტებს?
– ველოსიპედი უკვე გამოგონილია, მაგრამ ყოველთვის ვცდილობთ, ჩვენი შევქმნათ. არც იმას გამოვრიცხავთ, ისეთი პროექტიც გვქონდეს, რომელიც უკვე ჩამოყალიბებულია. წვალება არ გჭირდება, შეგიძლია პირდაპირ იყიდო. ჩვენ მაინც საკუთარი პროდუქციის შექმნის სურვილი გვაქვს, ვიდრე რაღაცის კოპირების.
– ახალი ტელეარხისთვის ჟურნალისტებს რა პრინციპით აარჩევთ?
– რაც შეეხება საინფორმაციოს, ის დაკომპლექტებულია. სხვა გადაცემებისათვის კი ვეცდებით, ჟურნალისტები თვითონ მოვძებნოთ. თუ ეს ვერ შევძელით, ალბათ კასტინგი გამოცხადდება.
– ვიხილავთ თუ არა თქვენს არხზე ნაცნობ სახეებს?
– ჩვენ ყოველთვის ახალი სახეების მოძებნის მომხრე ვიყავით, თუმცა არ მინდა, თქვენმა მკითხველმა ისე გამიგოს, რომ სასამართლოს მოვაწყობთ და ვინმეს იმის გამო განვსჯით, რაც მან ჩაიდინა. ეს მათი მორალური ვალდებულებაა და არა – ჩვენი. თუმცა, ვიმეორებ, აქცენტს ახალ სახეებზე გავაკეთებთ. იმასაც გეტყვით, რომ, მაგალითად, ეკა კვესიტაძეს მანამდეც ვთავაზობდი "მაესტროში" მუშაობას და, სხვათა შორის – დათო პაიჭაძესაც.
– ამ სახეების თქვენთან გამოჩენას მაყურებელი მოგიწონებთ?
– რა თქმა უნდა, ეს შეიძლება არაპოპულარული ნაბიჯი იყოს, მაგრამ, მაგალითისთვის რომ ავიღოთ, იგივე ლაშა ხარაზიშვილი თუ იმ აზრზე დარჩება, რაზეც აქამდე იყო, ბუნებრივია, ჩვენთან ვერ იმუშავებს, მაგრამ თუ მიხვდება, რომ ტყუილსა და ბოროტებას ემსახურებოდა, რა თქმა უნდა, ჩვენს ურთიერთობას წინ არაფერი დაუდგება.
– სხვა არხზე დახურული გადაცემები, თუნდაც "ნანუკას შოუ" ან "ღამის შოუს სტუდია" და სხვები, თქვენს არხზე ხომ არ გაგრძელდება?
– არც ერთი გადაცემა, რომელიც სხვა არხზე დაიხურა, ჩვენს ტელევიზიაში არ გაგრძელდება. ესეც ჩვენი სტრატეგიაა, რომ სხვა არხზე გასული გადაცემა "მაესტროზე" არ მოხვდეს თუნდაც იმიტომ, რომ ჩვენ გვაქვს უნარი, ახალი ფორმატის გადაცემა მოვიფიქროთ და შევქმნათ.
– მაკა ასათიანი "მაესტროს" ერთ–ერთი მფლობელია. ახალი არხის შექმნაში, ჩამოყალიბებაში თუ მონაწილეობს?
– მაკა ამ ტელევიზიების სრულფასოვანი დამფუძნებელია. ყველაფერს ერთად ვაკეთებთ და ვცდილობთ, ამ არხის ჩამოყალიბებაში თანაბარი მონაწილეობა მივიღოთ. მაკა უნიჭიერესი ხელოვანია. ადრე ამის საშუალება არ მქონდა და ახლა მისი გაკეთებული ოფისი ვნახე შვეიცარიაში. მე პროფესიით არქიტექტორი ვარ და ამ ყველაფრით აღფრთოვანებული დავრჩი. მაკა ამ დარგში ძალიან ნიჭიერია. იმედია, თავის ნიჭს ამ შემთხვევაშიც სრულად გამოიყენებს.
– ახალი არხის სარედაქციო პოლიტიკაშიც იქნება ჩართული?
– სარედაქციო პოლიტიკაში "მაესტროს" არც ერთი დამფუძნებული ერევა და ამ ტელევიზიის ხიბლიც სწორედ ესაა. რაც შეეხება დანარჩენს – სტრუქტურას, სცენარებს და ასე შემდეგ, დღემდე სრულად მონაწილეობს, მიუხედავად იმისა, საქართველოში არის თუ არა. მას ბევრი იდეა აქვს ისევე, როგორც ჩვენ.
– თქვენი აზრები და იდეები ერთმანეთს ხშირად ემთხვევა?
– ჩვენ ყოველთვის კონსენსუსამდე მივდივართ, ერთმანეთთან შეწყობილი ვართ. ვისაც ვერ ვეწყობით, მასთან არც ვმუშაობთ.
– თავად მაკა ასათიანსაც ხომ არ ვიხილავთ რომელიმე გადაცემის წამყვანად?
– სამწუხაროდ, მაკას ცხოვრების სხვა რიტმი აქვს, საქართველოში დიდხანს ვერ იქნება. მსოფლიოს რამდენიმე ქვეყანაში ეწევა სხვადასხვა საქმიანობას, ამიტომ, ბუნებრივია, ვერ შეძლებს, ერთ ადგილს მიეჯაჭვოს. ძალიან მინდოდა, რომელიმე გადაცემა წაეყვანა და ეს იდეა შევთავაზე კიდეც, მაგრამ ამ ეტაპზე ეს ფაქტობრივად შეუძლებელია. არ დაგიმალავთ, ვფიქრობთ, რომ მაკამ რამე პროექტი გააკეთოს.
– რა ტიპის პროექტი?
– რა თქმა უნდა, აპოლიტიკური. ეს შეიძლება იყოს კულტურაზე, ხელოვნებაზე. მაკას მიერ წაყვანილ გადაცემას უმაღლესი რეიტინგი ექნება, მაგრამ მის პირად ცხოვრებაში ვერ ჩავერევით. ვნახოთ, რა იქნება, ამ თემაზე მოლაპარაკება მიმდინარეობს. თუ ამგვარი შანსი გამოჩნდება, აუცილებლად გამოვიყენებთ, რადგან ეს გამზადებული რეიტინგია. მაკამ რომც არ ილაპარაკოს და მხოლოდ გამოჩნდეს ეკრანზე, ესეც კი უკვე დიდი რეიტინგი იქნება.
ეკა ლემონჯავა
