რუსული The Voice-ის ფავორიტი ქართველი მომღერალი აჩი ფურცელაძეა
2 995 ნახვა
რუსული The Voice-ის ერთ-ერთი მონაწილე და ჟიურის ფავორიტი ქართველი მომღერალი აჩი ფურცელაძეა.
ბრმად მოსმენის ტურში აჩის ინტერპრეტირებულმა "Summertime"-მა ჟიურის ორი წევრი - ლეონიდ აგუტინი და პელაგია განსაკუთრებით მოხიბლა და მომღერალს სწორედ ისინი შემოუტრიალდნენ.
ჟიურის წევრმა ქერა ლამაზმანმა, რომელმაც კონკურსანტთან ერთად ექსპრომტად ნინო ქათამაძის "ოლეიც" შეასრულა, აგუტინს აჯობა და აჩი ("აჩი - ჩელოვეკ უდაჩი" - სწორედ ასე წარუდგა აჩი ფურცელაძე ჟიურის), თავისკენ გადაიბირა და თავის გუნდში მოახვედრა.
16 ნოემბერს გაიმართა რინგი, სადაც აჩი ფურცელაძე მეორე კონკურსანტს, ოქსანა პეტროვას შეეჯიბრა და მათ დუეტში სიმღერა "Мой друг играет блюз" შეასრულეს. გუნდის ხელმძღვანელმა პელაგიამ არჩევანი აჩი ფურცელაძეზე შეაჩერა. ეს გასაკვირი არც ყოფილა, რადგან აჩი პირველივე ტურის შემდეგ გახდა ჟიურის ყველა წევრის ფავორიტი.
