როგორ ამთქნარებს ჩანასახი საშვილოსნოში +ვიდეო

ეს შთამბეჭდავი ფოტოები გვიჩვენებს, თუ როგორ ამთქნარებს ჩანასახი საშვილოსნოში. Durham University-ს მკვლევარებმა ამის გასარკვევად 15 დედას 4D ულტრაბგერითი სკანირება ჩაუტარეს. სკანირება სულ 4-ჯერ ჩატარდა. ბოლო სკანირება კი ორსულობის 36-ე კვირას განხორციელდა.

4D ფოტოები სხვადასხვა რაკურსით არის გადაღებული, შემდეგ კი ვიდეო ჩაწერეს და კადრებს დააკვირდნენ, თუ როგორ ამოძრავებს პირს ჩანასახი. ზოგიერთი აკადემიკოსი ფიქრობს, რომ ბავშვი კი არ ამთქნარებს, უბრალოდ პირს აღებს და ხურავს. მკვლევარი ნადია რეისლანდი კი ამტკიცებს, რომ ჩანასახი ამთქნარებს.

მეცნიერების თქმით, არ აქვს მნიშვნელობა ჩანასახი გოგონაა, თუ ბიჭი. ყველა შემთხვევაში ზრდასრული ადამიანისგან განსხვავებით, ის ძალიან ხშირად ამთქნარებს. ჩანასახმა 1 საათის განმავლობაში 6-ჯერ დაამთქნარა. მეცნიერები თვლიან, რომ ეს ფოტოები ძალიან მნიშვნელოვანია, რადგანაც მთქნარება ტვინის განვითარების ნიშანია. მომავალში შესაძლოა, სწორედ ამ ხერხით იხელმძღვანელონ ექიმებმა და დაადგინონ, ნორმალურად ვითარდება თუ არა ჩანასახი. მეცნიერების აღმოჩენა ჟურნალ PLoS ONE-ში დაიბეჭდა.



მომზადებულია PLoS ONE-ს მიხედვით.