ქეით მიდლტონი ფეხმძიმედაა

კემბრიჯის ჰერცოგინია ქეით მიდლტონი ფეხმძიმედაა. პრინც უილიამისთვის და ქეითისთვის ეს პირველი შვილია. ქეითის ფეხმძიმობის შესახებ ინფორმაციას მისი საუკეთესო მეგობარი, ჯესიკა ჰეი ავრცელებს.

როგორც ჯესიკა ავსტრალიურ ყოველკვირეულ გაზეთს New Idea-სთან ინტერვიუში აცხადებს, ქეითი ძალიან ბედნიერია და აპირებს ეს სასიხარულო ამბავი საჯაროდ დეკემბერში დაადასტუროს. მისი თქმით, ქეითმა წონაში მოიმატა და ახლა მხოლოდ ოჯახსა და მომავალ ბავშვზე ფიქრობს. როგორც გაზეთი წერს, წყვილი იმედოვნებს, რომ პირველი შვილი ბიჭი იქნება. აგრეთვე ვრცელდება ინფორმაცია, რომ წყვილი საცხოვრებლად გადასვლას ლონდონში მდებარე სამეფო რეზიდენცია Kensington Palace-ში გეგმავს.

ბრიტანელები მოუთმენლად ელოდნენ მემკვიდრის შესახებ ახალ ამბავს. პრესაში ხშირად ვრცელდებოდა ინფორმაცია, რომ ქეითი უშვილოა. მიდლტონის უშვილობის შესახებ ინფორმაცია პრინც უილიამის დედინაცვალმა, კამილა პარკერ-ბოულსმა გაავრცელა. მაშინ მასმედიის საშუალებები წერდნენ, რომ მიდლტონს შვილები არასდროს ეყოლება, რადგან ბავშვობაში მძიმე დაავადება გადაიტანა. ჟურნალმა The Globe-მ ისიც კი დაწერა, რომ წყვილი ჩრდილო-ამერიკაში ვოიაჟის ფარგლებში, ფარულად ხელოვნური განაყოფიერების კლინიკას ესტუმრა.

მომზადებულია New Idea-ს მიხედვით.