• რომელი ქვა შეგეფერებათ?

    ტყუპის ნიშნის ქვეშ დაბადებულთა ქვებია: ამეთვისტო და სერდოლიკი


    ამეთვისტო - კვარცის ნაირსახეობაა. მისი დამახასიათებელი იისფერი ხან მოწითალო იერს იღებს, ხანაც კი - ვარდისფერს. მიუხედავად შეფერილობის ცვალებადობისა, ამეთვისტო ერთგულებისა და მყარი ნებისყოფის სიმბოლოდ ითვლება. მას ასევე "ბახუსის ქვასაც" უწოდებენ.

    მაგიური თვისებები:

    ამეთვისტო - სისუფთავისა და უბიწოების ქვაა. შუა საუკუნეებში სიყვარულის ქვად მიიჩნეოდა. ძველ ეგვიპტეში ამეთვისტო ჯანმრთელობისა და იღბლის მომტანად ითვლებოდა, ევროპაში - გულწრფელობისა და სათნოების, ინდოეთში კი - მშვიდობიანობის.

    ინდოეთში ამეთვისტო ძლიერ მაგიურ ქვადაც მიიჩნეოდა. წარბებს შუა მოთავსებული ამეთვისტოს კრისტალი, ამშვიდებს გონებას, ხელს უწყობს შინაგანი წონასწორობის შენარჩუნებას. ითვლება, რომ ამ ქვას მესამე თვალის ახელის უნარიც აქვს - ანუ შეუძლია ადამიანს ქვეცნობიერი აუმუშაოს.

    ამეთვისტოს განსაკუთრებული მაგიური თვისება იმაში გამოიხატება, რომ ის აჯილდოებს ადამიანს გამჭრიახობით და ბოროტი აზრების განდევნაში ეხმარება. არსებობს მოსაზრება, რომ ამ ქვას სპორტულ შეჯიბრებებში წარმატების მოტანაც შეუძლია. თუ ამეთვისტოს სამკაულს ბალიშის ქვეშ დაიდებთ, ფერადი სიზმრები დაგესიზმრებათ.

    სამკურნალო თვისებები:

    ამეთვისტოს სიკაშკაშე ხსნის ნერვულ დაძაბულობას, ამშვიდებს და ებრძვის უძილობას. წყალი, რომელშიც ამეთვისტოს ქვას გააჩერებთ, სხვადასხვა ინფექციას აგარიდებთ თავიდან. იმისათვის, რომ ნეგატიური ენერგია აიცილოთ თავიდან, ქვა რეგულარულად უნდა წმინდოთ.

    ტყუპის ქვეშ დაბადებულთა კიდევ ერთი ქვა არის ულამაზესი სერდოლიკი

    სერდოლიკი - ქალცედონის ერთი-ერთი სახესხვაობაა. მისი სახელწოდება ბერძნულიდან მოდის და ითარგმნება, როგორც "სარდინიული ქვა".

    ძველი ბერძნები სერდოლიკს ქალღმერთ ისიდას (ყველა ღმერთის დედა) ქვად მიიჩნევდნენ. მათ სჯეროდათ, რომ სერდოლიკს შეეძლო დაეცვა ადამიანი ბოროტი ძალებისგან როგორც ამქვეყნად, ასევე იმქვეყნადაც.

    ამიტომაც შემთხვევითი არ არის, რომ სერდოლიკის უამრავი სამკაული იქნა აღმოჩენილი ტუტანჰამონის აკლდამაში.
    უხსოვარი დროიდან სერდოლიკი ერთგულ სიყვარულს ემსახურებოდა, სწორედ ამიტომ ძველ საბერძნეთში სერდოლიკისგან საქორწინო ბეჭდებს ამზადებდნენ.

    თუ ამ ქვას თილისმად გაიხდით, იშვიათად განსრისხდებით და კარგ განწყობას შეინარჩუნებთ.
    ასევე, მიიჩნევა, რომ სერდოლიკი მფლობელს ანიჭებს შემოქმედებით ნიჭს, ეხმარება სიმდიდრის მოხვეჭაში. ოქროს ბეჭედში ჩასმული სერდოლიკის დიდი თვალი რუსი პოეტის, პუშკინის საყვარელი სამკარული იყო.

    სამკურნალო თვისებები:

    სამკურნალო მიზნით სერდოლიკს ჯერ კიდევ ძველ ეგვიპტეში იყენებდნენ. ეგვიპტელები ქვას ერთ-ერთ ყველზე ძლიერ მაგიურ და სამკურნალო თვისებებს მიაწერდნენ - დანაყილ სერდოლიკს უმატებდნენ სპეციალურ ფხვნილსა თუ მიქსტურას, რომელსაც დამამშვიდებელი ეფექტი ჰქონდა.

    ამ ქვას სამკურნალოდ იყენებდნენ ასევე ცენტრალური აზიის ხალხი: ჩინელები, ჰუნები, მონღოლები. განსაკუთრებულ თაყვანს სცემდნენ სერდოლიკს ინდოეთში. "აურვერდში" ნათქვამია, რომ სერდოლიკის ნარინჯისფერი ხელს უწყობს აღადგინოს ნერვული უჯრედები, ის ეხმარება შარდსაწვეთი გზების მუშაობას, ასტიმულირებს ენდოკრინულ სისტემას, აუმჯობესებს სისხლის მიმოქცევას და კანის ფერს, ამტკიცებს იმუნურ სისტემას, ხსნის თავის ტკივილს.


    თანამედროვე ლითოთერაპევტები თვლიან, რომ სერდოლიკი ფლობს იანის ენერგიას. მას უნარი აქვს, არეგულიროს სისხლის მიმოქცევა თავში. ყვითელი სერდოლიკი დადებითად მოქმედებს საჭმლის მომნელებელ სისტემაზე, თირკმელებზე.

    ქვით მკურნალობის ცალკე თერაპიაც კი არსებობს - სერდოლიკოთერაპია. შესაძლოა, ამ ქვის სამკურნალო თვისება, რომლის უარყოფაც შეუძლებელია, იმით აიხსნება, რომ ზოგიერთი ქვა მსუბუქად რადიაქტიულია. ბიოლოგიასა და მედიცინაში კი ცნობილია რადიაციის მცირე დოზის მასტიმულირებელი ეფექტი.

    ჟურნალი "და ქალი"
    2 485 ნახვა
    25-10-2016, 22:49
    GOGATV