ჩვეულებრივი დღე, არაჩვეულებრივ სამყაროში .
1 690 ნახვა
ვზივარ მარტო ..ჩვეულებრივი დღეა ამ არაჩვეულებრივ სამყაროში ..
გარეთ თოვს…
თეთრ ფურცელზე ვცდილობ გადმოვიტანო ის განწყობა,რაც ეხლა მაქვს …
ეს ოთახი მეპატარავება …..ვეკვრი კედელს,რომ წინ დიდი სივრცე შივიგრძნო …
ადრე,როცა გარეთ თოვდა ფანჯრის რაფაზე ვძვრებოდი ,თავს მაღლა ვწევდი და ცას შვცქეროდი ..
ციდან მოფარფატე სქელ–სქელი ფიფქები ფრენის შეგრძნებას მიტოვებდა…
ეხლაც ვცადე..გამეღიმა ..
მართლაც ,რომ ”I hate gravity ,I want to fly ”….
მოპირდაპირე კორპუსიდან ნაცნობი ხელს მიქნევს ,ალბად თოვლის ფიფქებმა ისიც ბავშვივით გაახარა …სიწყნარეს გარედან შემომავალი წვეთების ხმა მირღვევს …
გაბრუებული ვარ ….ასეთ მომენტებში ყველა მიყვარს განურჩევლად…თბილი შეგრძნება გულიდან ამოსული ტვინს ეუფლება და თავისკენ ექაჩება,ცდილობს გადაიბიროს….შედეგად კი სიხარულის ნაპერწკლები სიხლის თითოეულ ვაკუოლში ხვდება და მასთან ერთად აგრძელებს მოძრაობას მთელ სხეულში ….
რა ადვილია გონება– განწყობილების მართვა და პოზიტივის შექმნა ….მთავარია იცნობდე შენს თავს და იცოდე რა გახარებს და გსიამოვნებს ….გააკეთო არჩევანი : სასიამოვნო მელოდიის ჰანგებში ჩაიძირო ,საყვარელი წიგნის ფურცლებში იპოვო შვება ,ან თუნდაც დაურეკო შენთვის ძვირფას ადამიანს და ესაუბრო ამინდზე ,მეგობრობაზე, სიყვარულზე…მთავარია უმოქმედოდ არ იჯდე და პესიმიზმის მორევმა არ ჩაგითრიოს …
