კორეელმა მეცნიერებმა კიბოს უჯრედების ბლოკირების ხერხს მიაგნეს
2 206 ნახვა
სამხრეთ კორეული უნივერსიტეტის “იონსეს” ბიოლოგებმა ხელოვნური ვირუსი შექმნეს, რომელსაც კიბოს უჯრედში შეღწევა და მასში კიბოს საწინააღმდეგო წამლებისა და გენების ტრასნპორტირება შეუძლია.
მკვლევარების ჯგუფი, ლი მენ სუს მეთაურობით, ახალ სტრატეგიას იყენებდა და სწორედ ამ სტრატეგიამ გახადა შესაძლებელი განსაზღვრული ზომისა და ფორმის ხელოვნური ვირუსების შექმნა. შაბლონად ცილური სტრუქტურა გამოიყენეს. ის ლენტას ჰგავდა.. მასვე უმაგრებდნენ “ცილის ხელებს”, “ხელების” მოკლე სპირალები ერთგვარი გასაღებები იყო, რომელთაც უჯრედში გენების “გამორთვა“ შეეძლოთ. შედეგად, შესაბამისი ცილების სინთეზი უჯრედში იბლოკება, რასაც გენურ თერაპიაში დიდი გადატრიალების მოხდენა შეუძლია.
გარდა ამისა, მეცნიერებმა ცხადყვეს, რომ მათ შექმნილ ვირუსს კიბოს უჯრედების ბირთვში (რომელშიც დაზიანებული დნმ-ია) შეღწევა და ამ ბირთვის შემდგომი ზრდის შეჩერება ძალუძთ.
იმედია, კორეელი და, საერთოდ, მსოფლიო მეცნეირების მიღწევები საბოლოოდ ერთ კარგად აპრობირებულ, ხელმისაწვდომ და უტყუარ ტექონოლოგიად ჩამოყალიბდება და კიბოს დიაგნოზი, თუნდაც გვიანდელ სტადიაზე, სასიკვდილო განაჩენს აღარ გაუტოლდება...
