ვიძინოთ თუ ვიფხიზლოთ?

ჯანსაღი კვების სფეროში მომუშავე ბრიტანელმა სპეციალისტებმა დაადგინეს იმ პროდუქტების ნუსხა, რომლებიც მშვიდ ძილის უწყობს ხელს. მათ ასევე შემოგვთავაზეს პროდუქტები იმ შემთხვევისთვის, თუ დაძინება არ გვსურს და სიფხიზლე გვჭირდება. ექსპერტების აზრით, იმისათვის, რომ იოლად და უშფოთველად დაგვეძინოს, ვახშმობისას აუცილებლად უნდა მივიღოთ რძე, თაფლი, ბანანი, ასევე ჰერკულესის ფაფა და ფრინველის ხორცი. ეს პროდუქტები შეიცავს ნივთიერება ტრიფტოფანს, რომელიც აუმჯობესებს ფსიქოემოციურ მდგომარეობას და ხელს უწყობს გონებრივ დასვენებას. გარდა ამისა, მედიკოსები გვირჩევენ, მივიღოთ ისეთი საკვები, რომელიც მდიდარია ნახშირწყლებით. ესეც დაგვეხმარება ტკბილად დაძინებაში. ნახშირწყლებს უხვად შეიცავს კრეკერები, ჩირი, მიუსლი. რაც შეეხება სიფხიზლეს, ასეთ შემთხვევაში უნდა მივიღოთ ცხარე, ცხიმიანი საკვები, ასევე სასმელი, რომელიც კოფეინს შეიცავს.
ავტორი: ნინო მაღალაშვილი