როგორ მოვიშოროთ საძაგელი ღიპი?

წონის პრობლემა რომ ყველა მეორე ან მესამე ქალის დღის წესრიგში დგას, ამ თემაზე უკვე აღარ ვისაუბრებ. ამჯერად მინდა არა ზედმეტი წონის, არამედ ე.წ ღიპის პრობლემებზე ვისაუბრო, რომელიც არამარტო მსუქან, ბევრ ერთი შეხედვით გამხდარ ქალბატონსაც საკმაოდ აწუხებს. მჯდომარე ცხოვრების წესი, ნაკლები ფიზიკური დატვირთვა, გვიან ჭამა.. უამრავი ფაქტორი არსებობს, რომელიც ჩვენ სხეულზე არასასურველ ცხიმგროვებს უყრის თავს. შედეგად კი გვიჩნდება ყველასთვის საძულველი "ფუშფუშა გვერდები და ღიპი" რომლის მოცილებაც თურმე არც ისე ძნელი ყოფილა შინაურ პირობებშიც კი, ისე რომ საამისოდ ფიტნეს-კლუბის აბონიმენტის აღება არ დაგჭირდეთ. ვარჯიშები რომელთა სქემასაც ქვემოთ ხედავთ, თავის დროზე, ცნობილმა ლამაზმანმა, ჯენიფერ ლოპესმა "დატესტა" და მისი მიმზიდველი, მკვრივი სხეულიც სწორედ მათი დამსახურებაა. ასე, რომ ჩემო კარგებო, მთავარია არ დაგეზაროთ, დღეში რამოდენიმე საათის გამონახვა საიმისოდ რომ ეს ვარჯიშები ინტენსიურად აკეთოთ და თქვენი ღიპი ნელ-ნელა შარშანდელი თოვლივით დაიწყებს დნობას. ამას გარდა არსებობს უებარი ანტიცელულიტური საშუალებებიც, რომელიც აუცილებლად უნდა წაახმაროთ ღიპთან ბრძოლის პროცედურას, მათ შორისაა ვიშის გელ-კრემი, რომელიც სპეციალურად მუცელზე წარმოქმნილი ცხიმოვანი საფარის დასაშლელადაა განკუთვნილი. იგი გასაოცარ ეფექტს ახდენს და სულ რაღაც 28 დღეში ამცირებს თქვენი წელის გარშემოწერილობას.