მიმზიდველი ბაგეები ანუ როგორ მოვუაროთ ზამთარში

ზამთრის დადგომასთან ერთად, ტუჩებს განსაკუთრებული მოვლა სჭირდება, რათა არ დაგვისკდეს და დისკომფორტი არ შეგვექმნას. გთავაზობთ რამდენიმე მარტივ პროცედურას, რომლებიც თავიდან აგვაცილებს უსიამოვნო შეგრძნებას და ჩვენი ბაგეები ზამთარშიც ისეთივე მომხიბვლელი იქნება, როგორიც - წელიწადის სხვა დროს. კვირაში სამჯერ გაიკეთეთ ტუჩის შემდეგნაირი ნიღბები (15-20 წუთით): 1. თანაბარი რაოდენობის თაფლისა და ხაჭოს ნარევი. ის შეიცავს დიდი რაოდენობით „ფ“ ვიტამინს, რომელიც ძალიან სასარგებლოა ტუჩებისთვის; 2. 1 ჩაის კოვზი ხაჭოსა და სტაფილოს წვენის ნარევი; 3. ნახევარი ჩაის კოვზი ნაღებისა და 1 ჩაის კოვზი ხაჭოს ნარევი; 4. 1 ჩაის კოვზი გახეხილი ვაშლისა და ამავე რაოდენობის კარაქის ნარევი. თუ ღამით ტუჩების წვას გრძნობთ, გაიკეთეთ კომპრესი: მოამზდეთ გვირილას მაგარი ნაყენი, დაასველეთ მასში მარლის ნაჭერი და ტუჩებზე 15 წუთით დაიდეთ. წვის შეგრძნება აღარ შეგაწუხებთ.
ავტორი: ნინო მაღალაშვილი