ჰოლი ბერი სამსახიობო კარიერას ასრულებს

ჰოლივუდის ვარსკვლავს, ჰოლი ბერის ახალ ფილმებში ვეღარ ვიხილავთ - მსახიობმა საჯაროდ ოფიციალურად განაცხადა, რომ სამსახიობო კარიერას ასრულებს და ვარსკვლავურ ცხოვრებას სამუდამოდ ემშვიდობება.

მსახიობის გადაწყვეტილების მთავაზი მიზეზი ქალიშვილის, ნაილას უსაფრთხოებაა. "ოსკაროსანი" ვარსკვლავი პოპულარობით, ავტოგრაფების დარიგებით, პაპარაცების ჩამოშორებითა და სრულიად უცნობი ადამიანების წერილების კითხვით ძალიან დაიღალა. მსახიობი აცხადებს, რომ ყველა სელებრითის შვილი მშობლის პოპულარობით დაკომპლექსებული და შეზღუდულია, მათ აკლიათ ის სილაღე, რაც რიგითი მოქალაქეების ბავშვებს აქვთ. ჰოლი ამბობს, რომ ნაილას ვერ უხსნის, რატომ ვერ ითამაშებს პარკში მეზობლის ბავშვებთან ერთად, ან რატომ დასდევენ ყოველ ფეხის ნაბიჯზე ფოტოაპარატით მომარჯვებული ადამიანები.

მომზადებულია business-standard.com-ის მიხედვით.