რატომ ღალატობენ ქალები?

ბევრს წერენ და კიდევ უფრო ბევრს ლაპარაკობენ მამაკაცის ღალატზე, მაგრამ ხშირად ავიწყდებათ, რომ არსებობს ცნება - ქალური ღალატი.

ფსიქოლოგებს შეუძლიათ მრავალი მიზეზი დაასახელონ, თუ რა უბიძგებთ ქალებს ამ ნაბიჯის გადადგმისკენ. მაინც რატომ მიდიან ქალები ღალატზე?

1. როდესაც ქორწინება წარუმატებელია. ამ შემთხვევაში ქალი აცნობიერებს, რომ არასწორი არჩევანი გააკეთა. იგი განიცდის ყურადღებისა და სიყვარულის ნაკლებობას, თავს მარტოსულად გრძნობს და ფსიქოლოგიურად უკვე მზად არის ღალატისთვის.

ეს სულაც არ ნიშნავს იმას, რომ ის ახალი ურთიერთობების ძიებაშია. უბრალოდ, ღალატზე ფიქრიც კი მისთვის ურთიერთობებში არსებული ფსიქოლოგიური და ფიზიკური სიცარიელის შესავსები საშუალებაა.

2. როდესაც გოგონები ადრეულ ასაკში თხოვდებიან. ხშირად გოგონები დაუფიქრებლად დგამენ ამ ნაბიჯს, რადგან ვერ აცნობიერებენ თანაცხოვრების სირთულეებს. შედეგად, გრძნობები მალევე უფერულდება და ახალგაზრდა ქალი გამოსავლის ძიებას იწყებს, რაც ზოგ შემთხვევაში ღალატით შეიძლება დასრულდეს.

3. ყველა ქალისთვის სასიცოცხლო მნიშვნელობა აქვს, გრძნობდეს, რომ არის მიმზიდველი და სასურველი. თუ მას ამის დეფიციტი გაუჩნდა, ის სხვა მამაკაცთან შეეცდება დანაკლისის შევსებას, რითაც, პირველ რიგში, საკუთარ თავს დაუმტკიცებს, რომ ნამდვილი ქალია.

4. ღალატის სურვილი ზოგიერთ ქალს მოწიფულობის ასაკში უმძაფრდება. ეს გამოწვეულია სიბერის შიშით. ამ გზით ის უმტკიცებს ყველას, რომ ასაკი მისთვის დაბრკოლება არ არის. როგორც წესი, ასეთ შემთხვევებში, ქალის "მსხვერპლი" ყოველთვის მასზე უმცროსია.

5. ღალატის მაპროვოცირებელი შეიძლება მომაბეზრებელი თაყვანისმცემელიც გახდეს, რომელიც ქალს წუთით გასაქანს არ აძლევს და მის დასაპყრობად ბინძურ შანტაჟზეც მიდის. ქალს შიში იპყრობს, რომ თაყვანისმცემლის არსებობა ოჯახის წევრებმა არ შეიტყონ და საბოლოოდ ნებდება.

6. ყველაზე ხშირად ქალური ღალატის მიზეზი სექსისა და სიყვარულის კატასტროფული ნაკლებობა ხდება.

7. ასევე, გავრცელებულია ღალატი ქალის მხრიდან შურისძიების მიზნით, ანუ, როცა მას საყვარელი მამაკაცი უღალატებს. თუმცა უნდა აღინიშნოს, რომ ამას იშვიათად მოაქვს ქალისათვის შვება, რადგან ის ამაზე სურვილის საწინააღმდეგოდ მიდის, რითაც ცდილობს, იგივე მდგომარეობაში ჩააყენოს მისი უკვე ყოფილი პარტნიორი.

8. ღალატის მიზეზი შეიძლება ქალის ფიზიოლოგიური პათოლოგიებიც გახდეს, მაგალითად, ნიმფომანია ( სექსის დაუოკებელი და გაუკონტროლებელი სურვილი). ასეთი პათოლოგიებით შეპყრობილი ქალები მუდმივად პარტნიორების ცვლაში არიან.

9. ღალატი პროტესტის ნიშნად. ზოგჯერ ქალებს ბეზრდებათ ერთგულება და წესებით ცხოვრება. ამიტომ ისინი რადიკალურ ქმედებებზე გადადიან. ღალატი ამ შემთხვევაში არის პროტესტი არსებული დოგმების მიმართ და მიზნად ისახავს სტერეოტიპების დამსხვრევას.

10. მძაფრი შეგრძნებების წყურვილი. ზოგჯერ ქალები ღალატზე ერთფეროვანი ყოველდღიური და სექსუალური ცხოვრების გამო მიდიან. ბევრ ქალში იღვიძებს ახალი, განუმეორებელი შეგრძნებებით ტკბობის სურვილი და ქვეცნობიერში დიდი გადატრიალება ხდება. და იმდენად დიდია ახალი შეგრძნებებისა და დაუვიწყარი სექსუალური თავგადასავლების სურვილი, რომ ამან შეიძლება ღალატამდეც მიიყვანოს.