ქალის სურნელი მის ასაკს ამხელს

ასაკის დამალვა ქალს ყველა დროში ახასიათებდა. დღეს ახალგაზრდობის შენარჩუნებას პლასტიკური ქირურგია ან ასაკის საწინააღმდეგო ნელსაცხებლები ეხმარება. მაგრამ ეს ყველაფერი შესაძლოა საკმარისი არ აღმოჩნდეს იმისთვის, რომ ახალგაზრდა გამოჩნდე. კვლევებმა აჩვენეს, რომ ქალის ასაკის მიხვედრა სურნელითაც შეიძლება.
იაპონელი მეცნიერების დასკვნების თანახმად, რაც მეტად უფროსია ადამიანი, მით მეტ ნონენალს (ქიმიურ ნივთიერება, რომელიც წარმოიქმნება კანში ცხიმოვანი მჟავების დაშლისას) გამოყოფს მისი სხეული. ნონენალს სპეციფიკურად სუნი აქვს და სწორედ მას შეუძლია გაამხილოს მშვენიერი ბანოვანის ასაკი. 40 წელს ზევით ქალბატონებში ნონენალების რაოდენობა 2-ჯერ მეტია, ვიდრე 20 და 30 წლის ქალში.
კიდევ ერთი საინტერესო დასკვნა გააკეთეს ამერიკაში, რატჯერსის უნივერსიტეტის მეცნიერებმა: ისინი ირწმუნებიან, რომ მამაკაცებს ქვეცნობიერად შეუძლუათ პარფიუმის მიხედვით გაარჩიონ ქალის ასაკი.
20-60 წლის მამაკაცებს შესთავაზეს, განესაზღვრათ, რომელი სურნელი უხდებათ სხვადასხვა ასაკის ქალბატონებს. არომატებს შორის იყო ვანილის, ლავანდის, ვარდის, ხილის (ვაშლი) და ბოსტნეულის (ბროკოლი) სურნელები.
ვარდის სურნელი თითქმის ყველა მამაკაცმა ხანდაზმულ ქალბატონებს მიაკუთვნა, ხოლო ხილის ნოტები, მათი შთაბეჭდილებით, ახალგაზრდა გოგონების ასოციაციას ბადებდნენ.
ეს კვლევები ეხმაურება ჯერ კიდევ 2005 წელს გაკეთებულ დასვნას იმის თაობაზე, რომ გრეიფრუტის სურნელს მამაკაცის წარმოდგენაში ქალის რამდენიმე წლით გაახალგაზრდავება შეუძლია.