სამსახურებრივი რომანების მთავარი მიზეზი მოწყენილობაა
"მოწყენილობა - სწორედ ეს ყოფილა მთავარი მიზეზი, რომლის მიხედვითაც, კოლეგებს ერთმანეთის მიმართ ნაზი გრძნობა უჩნდებათ" - დაადასტურა დიდ ბრიტანეთში ჩატარებულმა გამოკითხვამ.
ქალები, რომლებიც თანამშრომლებს ეფლირტავებიან, როგორც წესი, კმაყოფილები არიან თავიანთი სამსახურით, თუმცა, უმეტეს შემთხვევაში, მათი რომანი კრახით მთავრდება - ამას ამტკიცებდნენ გამუდმებით ფსიქოლოგ-სოციოლოგები.
წინამორბედი კვლევების შედეგებით, სამსახურებრივი რომანები კარიერაში წინსვლის საწინდარი იყო, თუმცა ამ გამოკითხვამ სულ სხვა შედეგი აჩვენა.
"ჩვენ აბსოლუტურად სხვა სურათი დავინახეთ. ფლირტი არ აუმჯობესებს შრომითუნარიანობას. მამაკაცები კი, რომლებიც თანამშრომელ ქალებს ეფლირტავებიან, ნაკლებად კმაყოფილები არიან საკუთარი სამსახურით.
ეს იმას ნიშნავს, რომ რომანტიკული ურთიერთობა პირიქით, ხელს უშლის კარიერულ წინსვლას და არამც და არამც არ უწყობს ხელს მას", - აღნიშნეს კვლევის ავტორებმა.
ანალიზის მიხედვით, მამაკაცები, რომლებიც სამსახურში ფლირტის უფლებას აძლევენ საკუთარ თავს, ნაკლებად არიან ემოციურად სტაბილურები და ცუდად ერკვევიან იმაში, როგორ მოქმედებენ სხვა ადამიანების ემოციასა და გრძნობაზე, ვერც საკუთარ გრძნობებს აკონტროლებენ და ვერც იმას აცნობიერებენ, რა შეიძლება მოჰყვეს მათ საქციელს.
