ნაადრევი სექსი სიყვარულს ასამარებს

ამერიკელმა ფსიქოლოგებმა დაადგინეს, თუ რა უშლის ხელს სასიყვარულო ურთიერთობის განვითარებას. პირველ რიგში ეს ნაადრევი სექსი აღმოჩნდა. გარდა ამისა, მათი აზრით, არავითარ შემთხვევაში არ შეიძლება, წყვილი ერთმანეთის მიმართ აბსოლუტურად გულახდილი იყოს. ასევე დაუშვებელია ზედმეტი ყურადღებით, სატელეფონო ზარებითა და მესიჯებით თავის მობეზრება. ძალზე ცუდად მოქმედებს წყვილებს შორის ზედმეტი ეჭვიანობა, მუდმივი თვალთვალი, „ჯაშუშობა“. არაფერი ანგრევს სიყვარულს ისე, როგორც მცდელობა, გარდაქმნათ პარტნიორი. დაბოლოს, ფსიქოლოგები წყვილებს ურჩევენ, ნუ იცხოვრებენ მხოლოდ ერთმანეთის ინტერესებით, არ არის საჭირო საკუთარი თავის მსხვერპლად მიტანა. ეს უდიდესი შეცდომაა. პირველ ყოვლისა, უნდა ეცადოთ, გიყვარდეთ თქვენი თავი, იზრუნოთ მასზე, რადგან, თუ საკუთარ თავს არ შეიყვარებთ, სიყვარულს ნურც სხვისგან მოელით.
ავტორი: ნინო მაღალაშვილი