ტყუპები სხვადასხვა ქვეყანაში დაიბადნენ

როგორც წესი, ტყუპები ერთმანეთის მიყოლებით წუთების განმავლობაში იბადებიან, მაგრამ დილან და ჰანა როუსების შემთხვევა განსაკუთრებულია. გაგიკვირდებათ და, ისინი სხვადასხვა ქვეყანაში დაიბადნენ.

ტყუპების დედა, 28 წლის დონა კენანი, ინგლისის ქალაქ ნორთუმბერლანდში მშობლებთან სტუმრად იყო, როდესაც მშობიარობა ნაადრევად დაეწყო. როგორც დონა ამბობს, ტყუპისცალი დილანი სასტუმრო ოთახში გააჩინა. შემდეგ ექიმებმა ქალი საავადმყოფოში გადაიყვანეს – ამისთვის მათ შოტლანდიის საზღვარი გადაკვეთეს და მეორე ტყუპისცალი, ჰანა, ძმის დაბადებიდან 1 საათისა და 40 წუთის შემდეგ სხვა ქვეყანაში, შოტლანდიის საზღვართან ახლოს მდებარე პატარა ქალაქ მელროუზში დაიბადა. ასე რომ, დილანი ინგლისელია, ხოლო მისი და ჰანა – შოტლანდიელი. ბიჭი 2,6 კილოგრამს იწონის, გოგონა კი მასზე 400 გრამით ნაკლებია.