დემი მური გაყრის პროცესს ხელოვნურად აჭიანურებს

დემი მური და ეშტონ კატჩერი ერთი წლის წინ დაშორდნენ, თუმცა, დღემდე ოფიციალურად ცოლ-ქმრად რჩებიან. ზოგიერთს ეგონა, რომ გაყრის პროცესს კატჩერი აჭიანურებდა, რადგან იგი ხარბია და ყოფილი ცოლის ხარჯზე გამდიდრება სურს. თუმცა, ცოტა ხნის წინ, ცნობილი გახდა, რომ დემი ადვოკატებს მითითებას აძლევს, რომ მათ გაყრა ნებისმიერი გზით შეაჩერონ. როგორც კი ეშტონის ადვოკატები ყველა პირობაზე თანხმობას აცხადებენ, მური და მისი გუნდი მაშინვე ახალ მოთხოვნებს აყენებენ.

ბევრს მიჩნია, რომ ამ გზით დემი ყოფილ ქმარს მილა კუნისთან გაჩაღებული რომანის გამო სჯის. ახალგაზრდების სასიყვარულო ურთიერთობა სულ უფრო ვითარდება, თუმცა, ის ფაქტი, რომ ეშტონი ოფიციალურად დღემდე ცოლიანი მამაკაცია, წყვილს ნამდვილად ხელს უშლის. საინტერესოა, მურის ახირებებს ბოლო როდის გამოუჩნდება, და ყოფილ მეუღლეს თავისუფლებას როდის მისცემს.
ავტორი: ეთუნა მზარეულიშვილი