რატომ გვღალატობენ მამაკაცები?

მამკაცებმა უკვე დიდი ხანია, რაც "მოღალატის" სახელი დაიმკვირეს. რა უბიძგებთ მათ ღალატისკენ? ფსიქოლოგები რამდენიმე მიზეზს გამოყოფენ:

1. თვითდამკვიდრების სურვილი.

მამაკაცების 50-60 %-ს მიაჩნია, რომ აუცილებლად უნდა ჰყავდეს საყვარელი ან საყვარლებიც კი. ქალებისთვის სრულიად გაუგებრად, ფიქრობენ, რომ სწორედ ამ გზით დაიმკვიდრებენ თავს საზოგადოებაში და ორივე სქესის წარმომადგენლებში მეტ პატივისცემას დაიმსახურებენ. (თუმცა მხოლოდ მათ ჰგონიათ ასე).

2. ხშირი წარუმატებლობა სუსტი სქესის წარმომადგენლებთან.

გულში დაგროვილი ბრაზი, რომ არაერთხელ უარჰყვეს, ცოლ-ქმრული ღალატის კიდევ ერთი მაპროვოცირებელია. ის თვლის, რომ თუ მას ატკინეს გული, თავადაც "ვალდებულია" შური ქალებზე ამგვარად იძიოს.

3. მოსაწყენი ყოველდღიურობა.

ოჯახური ცხოვრება, რომელიც თვითდინებაზეა მიშვებული, როდესაც ოჯახის დიასახლისი მხოლოდ საქმითა და შვილებითაა დაკავებული, ხშირ შემთხვევაში მოსაწყენი ხდება მამაკაცისათვის. არის მათ ცხოვრებაში პერიოდები, როდესაც ახალი ურთიერთობებითა და შეგრძნებებით ტკბობის სურვილი იპყრობთ. ამის შედეგად ღალატიც გარდაუვალია.

4. სულიერი მარტოობა.

თუ მამაკაცი ოჯახში თანგრძნობას ვერ პოულობს, ამ დანაკლისის შევსებას "სხვაგან" ცდილობს. ქალბატონებო, მეტი ყურადღებით მოუსმინეთ მეუღლეებს. დაე, იგრძნონ მორალური მხარდაჭერა თქვენგან. წინააღმდეგ შემთხვევაში იცოდეთ, რომ ყოველთვის მოიძებნება კარგი "მსმენელი" და "დარდის გამზიარებელი".

ჟურნალი "და ქალი"