წინასაახალწლო დიეტა
3 211 ნახვა
მალე დღესასწაულებია და ყველას გვსურს, თვალისმომჭრელები და განსაკუთრებულები ვიყოთ. მაგრამ იმისათვის, რომ სასურველი სადღესასწაულო სამოსი მოირგოთ, წონაში დაკლება არ გაწყენდათ? არ იდარდოთ - ჯერ კიდევ მთელი თვე წინ გაქვთ იმისათვის, რომ ფორმაში ჩადგეთ.
მთავარია – მოიკრიბოთ ძალ-ღონე, გამოიჩინოთ ნებისყოფა, იმისათვის, რომ დღეიდანვე დაიწყოთ გახდომაზე ზრუნვა.
საიდან დავიწყოთ?
მოწესრიგებული და ჭკვიანი ქალები საახალწლო სამოსსა და წონაზე ჯერ კიდევ შემოდგომით იწყებენ ფიქრს. ისინი აკონტროლებენ წონას და კვებას. ეს ძალიან სწორია, 4-5 კვირის განმავლობაში ხომ ყოველგვარი სტრესის, შიმშილისა და ჯანმრთელობისთვის ზიანის მიყენების გარეშე შეგიძლიათ გახდეთ.
წონაში დაკლების ჩვენ მიერ შემოთავაზებული პროგრამა, უწყინარია და თქვენ შეძლებთ კვირაში საშუალოდ 2-3 კილოგრამის დაკლებას. გარდა ამისა აღიდგენთ ნივთიერებათა ცვლას, წესრიგში მოიყვანთ კანსა და თმას, ამასთან იქნებით ენერგიული და სიცოცხლით სავსე.
მავნებელი პროდუქტები
წინასაახალწლო დიეტა, პრინციპში, უვნებელია, თუმცა რიგი წესების დაცვა აუცილებელია. ამოიღეთ რაციონიდან შემდეგი პროდუქტები:
ყველანაირი ცომეული
მაკარონი და თეთრი ფქვილისგან მომზადებული ყველა
ბურღულეული
კარტოფილი და სიმინდი
ბანანი
ყურძენი და მისგან მომზადებული წვენი
ჭარხალი
თაფლი
ყველანაირი შოკოლადი
მურაბა, ჯემები და სხვა ტკბილეული
ყველა ეს პროდუქტი შეიცავს დიდი რაოდენობით ნახშირწყლებს, რომლებიც აქტიურად გადაიქცევა ცხიმად.
შემდეგი ჯგუფი აკრძალული პროდუქტებისა – ეს კანცეროგენული და შემწვარი პროდუქტებია:
შებოლილი პროდუქტები
ზედმეტად შემწვარი ხორცი და თევზი
ძეხვეული
გარდა ამისა, აკრძალულია გაზიანი სასმელები, ლუდი
შამპანიური, წვენები.
მკვეთრად შეზღუდეთ მარინადები და ზოგადად მარილი.
სასარგებლო პროდუქტები
ამ ერთთვიან დიეტაში პროდუქტების საკმაოდ ფართო არჩევანი გაქვთ, მაგრამ დაიმახსოვრეთ – კვებაში ძირითად წესად უნდა გქონდეთ ზომიერება.
სასარგებლოა:
ყავისფერი ბრინჯი, შვრია და წიწიბურა.
ჭვავის პური
რუხი ფქვილის მაკარონი (შეზღუდული რაოდენობით)
ლობიო და ბარდა
მწვანე ბოსტნეული და ხილი
პომიდორი
მთლიანად ცხიმის ამოღება რაციონიდან საჭირო არ არის, თუმცა ცხოველური ცხიმები უფრო მსუბუქი და სასარგებლო მცენარეულით შეცვალეთ – ზეითუნისა და მზესუმზირის ზეთით, ასევე ზეთისხილით, მზესუმზირით, თხილეულითა და თევზით.
ასევე მნიშვნელოვანია სითხის სწორად მიღება – სითხე ჩვენს ორგანიზმში დიდ ადგილს იკავებს, ასე რომ მისი მიღების შემდეგ ბევრს ვეღარ შეჭამთ. დღე-ღამეში შეგიძლიათ მიირთვათ ერთი ფინჯანი ყავა და რამდენიმე ფინჯანი ჩაი, დანარჩენ სითხედ მხოლოდ ონკანის ან მინერალური წყალი მიიღეთ. საკვების გარდა სითხის საერთო რაოდენობა დღე-ღამეში 1,5 ლიტრს უნდა შეადგენდეს.
ვიტამინები საკვებში
გვიანი შემოდგომა და ზამთარი – ვიტამინების მარაგის ამოწურვის დროა და ორგანიზმი მის დეფიციტს განიცდის. დაიმახსოვრეთ, რომ სწორედ ვიტამინები ეხმარება თქვენს ორგანიზმს ნივთიერებათა ცვლაში. აუცილებელია მიიღოთ B ჯგუფის ვიტამინები და ასკორბინის მჟავა, ასევე მინერალები. ისინი დაეხმარება თქვენს ორგანიზმს იმუნიტეტის გაძლიერებაში და თქვენს გარეგნობაზეც აქტიურად იზრუნებს.
პოლივიტამინების მიღება რეკომენდებულია ორი კვირის განმავლობაში.
სპორტი სწრაფი გახდომისთვის
წონაში დაკლების პროცესს უფრო სწრაფსა და ეფექტურს გახდის სპორტი. იდეალური იქნება თუ ივლით სპორტდარბაზში ან აუზზე კვირაში 3-4-ჯერ მაინც.
მაგრამ ამის საშუალება თუ არ გაქვთ, შეგიძლიათ დაიწყოთ სირბილი – ეს საუკეთესოდ წვავს კალორიებს. ასევე სახლში დილა-საღამოს შეასრულეთ გამამხნევებელი ვარჯიშები, თუნდაც ნახევარი საათით.
თუ ესაც გეძნელებათ, მაშინ ლიფტით მგზავრობა კიბეზე ფეხით ასვლა-ჩასვლით შეცვალეთ, ასევე შეეცადეთ იაროთ ფეხით და არა ავტომობილით ან საზოგადოებრივი ტრანსპორტით.
როგორ შევინარჩუნოთ წონა დიეტის შემდეგ
მაშ ასე, მთელი თვე მონდომებით იცავდით დიეტას და სასურველ შედეგსაც მიაღწიეთ. მაგრამ... ახალი წლის დღესასწაულები თავისი ყოველდღიური სუფრებით ისევ აგინაზღაურებთ დაკარგულს. მაშინ როგორ მოვიქცეთ?
არსებობს რამდენიმე სასარგებლო რჩევა იმისათვის, რომ შეინარჩუნოთ წონა დიეტის შემდეგ:
1. პირველ რიგში, დაიმახსოვრეთ ან ჩამოწერეთ სასარგებლო პროდუქტების სია, რომელიც ზემოთ შემოგთავაზეთ, და შეეცადეთ არ შეიტანოთ რაციონში მავნე პროდუქტები.
2. ახალი წლის ღამეს ცოტ-ცოტა ჭამეთ. აიღეთ დესერტის კოვზი – და თავს უფლება მიეცით, მიირთვათ სხვადასხვა სალათის ზუსტად თითო-თითო კოვზი.
3. არ იშიმშილოთ 31 დეკემბერს, ამის მერე თავს ვერ შეიკავებთ ზედმეტი ჭამისგან – მთელი დღის განმავლობაში მიირთვით ცოტ-ცოტა.
4. დაჯექით საახალწლო სუფრასთან ისე, რომ წინასწარ გქონდეთ ნაჭამი თქვენი დიეტიდან პრიდუქტები, - ამ შემთხვევაში სუფრასთან ბევრს ვეღარ შეჭამთ.
5. ჭამამდე ნახევარი საათით ადრე მიირთვით ერთი ჭიქა წყალი – და ასე მოიქეცით ყოველთვის ჭამის წინ. ეს არ მოგცემთ საშუალებას შეჭამოთ ზედმეტი და ამასთან საჭმლის მონელებას შეუწყობს ხელს.
და კიდევ, დაიმახსოვრეთ რომ ახალი წელი – ეს დღესასწაულია, ამიტომაც უნდა იმხიარულოთ, გაერთოთ და არა მხოლოდ ჭამოთ. იცეკვეთ, მოაწყეთ სხვადასხვა თამაშობები, გაისეირნეთ – შეხვდით ახალ წელს აქტიურად!
