მაიკ ტაისონი : "ბრედ პიტს ჩემს ცოლთან შევუსწარი"

ყოფილმა მოკრივემ მაიკ ტაისონმა ტელეშოუ Depth With Graham Bensinger-ში სტუმრობისას გაიხსენა, როგორ შეუსწრო მის ყოფილ ცოლს, რობინ გივენსს, მსახიობ ბრედ პიტთან სექსის დროს. შემთხვევა 1980-იან წლებში მოხდა. მაიკის თქმით, მაშინ მეუღლესთან განქორწინება უკვე გადაწყვეტილი ჰქონდა.

"განქორწინების შესახებ განცხადება შევიტანე. მაგრამ სანამ ადვოკატის ოფისში წავიდოდი და ვეტყოდი, რომ ჩემი ცოლი ღორი და ქურდია, თავად რობინის სახლში მივედი. მასთან სექსი მინდოდა. ეს დღე ჩემთვის ძალიან ცუდი იყო. ჯერ რინგზე წარუმატებელი ბრძოლა მქონდა, შემდეგ გაირკვა, რომ ჩემი მეუღლის საწოლში ბრედ პიტი იყო", - განაცხადა ტაისონმა.

"გავცოფდი... ბრედის სახე უნდა გენახათ, როდესაც დამინახა", - იუმორის გარეშე იხსენებს შემთხვევას ყოფილი მოკრივე.

კრივის მეფედ აღიარებულმა ტაისონმა შოუში სხვა სკანდალური განცხადებაც გააკეთა.

"როდესაც ფილმში "წვეულება ვეგასში" ვთამაშობდი, კოკაინზე ვიჯექი. იმ დროისთვის ნამდვილი ვიგინდარა ვიყავი. ჭარბი წონაც მქონდა", - აცხადებს გულახდილი ვარსკვლავი.

ტაისონმა მავნე ჩვევა დაძლია. ახლა ვარსკვლავი მესამე ცოლთან, ლაკიჰოი სპენსერთან ერთად ცხოვრობს. ყოფილი მოკრივე ერთი მსახიობის თეატრში მუშაობს. სცენაზე მაიკი თავის თავს განასახიერებს სპექტაკლში "მაიკ ტაისონი: უდაო სიმართლე".



მომზადებულია dailymail.co.uk-ის მიხედვით.