X
  • როდის ხართ მამაკაცებისთვის ადვილად ხელმისაწვდომი ?

    მსოფლიოში არცერთი მამაკაცი არ აღიარებს იმას, რომ მოსწონს სულელი, მსუბუქი და ცანცარა ქალები. არადა, ზუსტად ასეა - სწორედ ასეთი ქალების მიმართ არიან ისინი უძლურნი.

    "მამაკაცს უყვარს სექსი და ის ეძებს ქალს, რომელიც რაც შეიძლება სწრაფად და მარტივად ჩაუგორდება მას ლოგინში", - ამტკიცებს ტეხასის უნივერსიტეტის ფსიქოლოგი კარი გოიოტცი.

    ქალბატონმა გოიოტცმა გადაწყვიტა, გაერკვია, რომელი არავერბალური სიგნალები აგებინებს მამაკაცს, რომ მის წინაშეა ქალი, რომლის მოსაპოვებლადაც ზედმეტი ”ჩალიჩი” არ დასჭირდება.

    კარი გოიოტცი დარწმუნებულია, რომ საქმე გვაქვს ძველ ბიოლოგიურ ინსტინქტებთან, რომლებიც მამაკაცებს უბიძგებს, მის შემდეგ დატოვოს რაც შეიძლება მეტი შთამომავალი, ქალებს კი - მოძებნოს ის, ვინც შეძლებს, საკუთარ თავზე აიღოს პასუხისმგებლობა შვილებსა და მათ გამოკვებაზე.

    რადგან ასეა - იმისათვის, რომ ”მამაკაცის მიზანი რაც შეიძლება ბევრჯერ იყოს მიღწეული, მას სჭირდება ნაკლებად მოაზროვნე პარტნიორი ქალი”, - აცხადებს გერმანული საიტი Bild.de co Berliner Zeitung-ზე დაყრდნობით.

    გოიოტცმა გამოჰკითხა 103 მამაკაცი და 91 ქალი იმისათვის, რომ გაერკვია, რა განსაკუთრებული ქცევა და მანერები მიანიშნებს სექსისთვის მზაობას. შემდეგ მისი ჯგუფი შეუდგა ფოტოების შეგროვებას, სადაც დაფიქსირებულნი იყვნენ ქალები, რომლებიც ექსპერიმენტის მონაწილეების მიერ აღწერილი დამახასიათებელი ნიშნების დემონსტრირებას აკეთებდნენ - მაგალითად, ტუჩებს ილოკავდნენ.

    ეს ფოტოები წარუდგინეს მამაკაცებს, რომელთაც უნდა აღენიშნათ, შეეძლოთ თუ არა ამ ფოტომოდელთან გრძელვადიანი ურთიერთობის დაჭერა, თუ მასთან მხოლოდ ერთი ღამის სექსით დაკმაყოფილდებოდნენ. ალბათ, კარი გოიოტცის მიერ მიღებული შედეგები სავსებით ლოგიკურია.

    სულელი და მიმზიდველი

    დიახ, სინამდვილეში მამაკაცებს ჭკვიანი ქალები აინტერესებთ, მაგრამ მხოლოდ იმ შემთხვევაში, თუ მამაკაცს სერიოზული განზრახვები აქვს. მაგრამ თუ საქმე ინტრიგას ეხება, მაშინ მას სულ სხვანაირი ქალი იტაცებს: ჩამოუყალიბებელი, მოსულელო, პატარა ”გოგონა-სანთებელები”.

    მუშაობის განმავლობაში ფსიქოლოგმა შეძლო გამოეყო 22 ნიშანი, რომელიც ქალს მიმზიდველს ხდის და, მამაკაცის აზრით, სწრაფი, შეუფერხებელი სექსის გარანტია.

    მაშ ასე, ადვილად ხელმისაწვდომი ქალი, ჩვეულებრივ: დაღლილია, ცოტა მთვრალი, აცვია მოტმასნილი სამოსი, ღრმა დეკოლტე ან შეხსნილი ქვედაბოლოები, ხშირად ილოკავს ტუჩებს, იყურება მხარს მიღმა, მუდამ იქცევს ყურადღებას, სვამს სასმელს კოქტეილის ჩხირით; ასევე, მის მეგობრებს შორის ბევრია ისეთი, რომელიც პარტნიორებს ხელთათმანებივით იცვლის.

    სამწუხაროა, რომ ჩვენ მაინც ვერ გავიგეთ, იმისათვის, რომ სასურველი ქალი გავხდეთ, საკმარისია, მხოლოდ ერთ-ერთ ამ თვისებათაგანს ვფლობდეთ თუ მინიმუმ სამს ერთად...
    3 959 ნახვა
    31-10-2016, 14:29
    GOGATV