დეკემბრის სილამაზის ჰოროსკოპი

ცეცხლის სტიქია (ვერძი, ლომი, მშვილდოსანი)

შენი გადაჭარბებული აგრესიულობა და დამოუკიდებლობა ადამიანებთან ურთიერთობაში ხელს გიშლის. შეეცადე, იყო უფრო გახსნილი, თბილი და ნახავ, რამდენად კარგისკენ შეიცვლება შენს ირგვლივ ცხოვრება.

დეკემბერში განსაკუთრებით მოუარე კანს: რაციონში შეიტანე მეტი ხილი და აუცილებლად შეავსე კოსმეტიკის ჩანთა ხილის ნიღბებით, რომლებიც სასარგებლო მჟავებს, ვიტამინებსა და კოლაგენს შეიცავს. საკმარისია, კვირაში ერთხელ გაიკეთო ნიღაბი, რომ ისე გამოიყურებოდე, როგოც ზღვის სანაპიროზე კარგი დასვენების შემდეგ.

პოზიტიური დღეები: 4, 18, 19, 26

ჰაერის სტიქია (ტყუპი, სასწორი, მერწყული)

დეკემბერში ცვლილებებთან ადაპტირებას შეძლებ: ახალი სამსახური, ახალი ბოიფრენდი, ახალი ვალდებულებები და თუნდაც სხვა პლანეტაზე გადასახლება არ შეგიქმნის სირთულეებს და ტვირთადაც არ დაგაწვება. ერთადერთი რჩევა გვაქვს – ნაკლები ილაპარაკე სამომავლო გეგმებზე მეგობრებთან და დაქალებთან.

დეკემბერში ყველა სიახლესთან ერთად შეიძინე რაიმე ახალი არომატი – ეს გამოგადგება როგორც საწინააღმდეგო სქესის მოხიბვლაში, ასევე საკუთარი განწყობის ამაღლებაში. აირჩიე ისეთი სუნამო, რომელიც შეიცავს ბერგამოტის ნოტებს – ეს არომატი კარგად მოქმედებს ნერვულ სისტემაზე.

პოზიტიური დღეები: 8, 10, 13, 20.

მიწის სტიქია (კურო, ქალწული, თხის რქა)

მთელი დეკემბერი შთაგონება იქნება შენი თანმდევი: თუ ერთისთვის წლის დასასრულის ლოზუნგია "აღსასრული", შენთვის ეს "დასაწყისია". ფიზიკური და სულიერი ძალების მოზღვავება საშუალებას მოგცემს, მთები გადააგორო და გახსნა მთელი შენი პოტენციალი. შეძლებ თამამად ჩაერთო ავანტიურაში, ეძებო თავგადასავლები და ჩაატარო ექსპერიმენტები. დაიწყე მაკიაჟითა და მანიკიურით.

პოზიტიური დღეები:

6, 9, 14, 30.

წყლის სტიქია (კირჩხიბი, მორიელი, თევზები)

შენთვის მთავარია, ყველგან დახვეწილად გამოიყურებოდე, იქნება ეს პაემანი, მეგობრებთან შეხვედრა თუ ქვეყნის დასასრული. ამიტომაც კარგი ტონალური კრემის ან პუდრის გარეშე დეკემბერში ვერ იქნები. ყველაზე კარგი იქნება, თუ შეიძენ BB-კრემს, რომელიც მოიცავს საბაზისო მოვლასა და მაკიაჟს ერთდროულად და რაც მთავარია, კოსმეტიკის ჩანთაში ცოტა ადგილს დაიკავებს.

პოზიტიური დღეები: 5, 16, 28, 31.