შარლოტა ხაჭოს კრემით - გააკვირვეთ სტუმრები

თუ დესერტის ვიზუალური მხარე თქვენთვის მნიშვნელოვანი არ არის, მაშინ შეგიძლიათ ხაჭოს საცერზე გატარების პროცესი გამოტოვოთ. გაითვალისწინეთ, რომ ჟელატინი შაქრის სიტკბოს ერთგვარად ანეიტრალებს. თუ ძალიან ტკბილი გიყვართ, კრემს შაქარი დაუმატეთ.

საჭირო მასალა

2 ცალი მზა, ქარხნული წარმოების რულეტი
500 გრ ხაჭო
200 გრ არაჟანი
150 გრ შაქარი
40 გრ ჟელატინი
1 შეკვრა ვანილი

ფოტოგაკვეთილი

მომზადება

ჟელატინს დავასხათ იმდენი ცივი წყალი, რომ კარგად დაიფაროს და დავტოვოთ დაახლოებით 30 წუთის განმავლობაში.

ამასობაში ხაჭო ულუფებად გადავიტანოთ წვრილბადიან საცერზე ან საწურზე და კოვზით გავქნათ.

ასე ხაჭოს კრემი უფრო ნაზი და ერთგვაროვანი გამოვა. დავუმატოთ არაჟანი, შაქარი და ხის კოვზით მოვურიოთ.

მზა რულეტები თანაბარი ზომის თხელ ნაჭრებად დავჭრათ სიგანეზე. უკვე გაფუებული ჟელატინი ოდნავ შევათბოთ, რომ ერთგვაროვანი სითხე მივიღოთ და დავუმატოთ ხაჭოს კრემს. კარგად მოვურიოთ.

მრგვალ თასში ჩავაფინოთ ერთჯერადი, სუფთა ცელოფანი. თასის ძირსა და კედლებზე მჭიდროდ დავალაგოთ რულეტის ნაჭრები და ჩავასხათ ხაჭოს კრემი. ბოლოს ისევ რულეტის ნაჭრებით დავფაროთ, ზემოდან თეფში და ოდნავ მძიმე საგანი დავადოთ და რამდენიმე საათით (4-6) ან მთელი ღამით დავტოვოთ მაცივარში.

ფოტოგაკვეთილი

შემდეგ გამოვიღოთ, განიერი თეფში დავაფაროთ და ფრთხილად ამოვატრიალოთ. მოვხსნათ ცელოფანი და ულუფებად დავჭრათ. შეგვიძლია მივირთვათ მურაბასთან ერთად.