"ვერავის ვუმხელ, რომ შეყვარებულმა სახეში ხელი გამარტყა"
2 733 ნახვა
ცუდად მოვიქეცი, როცა ერთ ბიჭს დავუახლოვდი, მისი გრძნობები ჩემს გულთან ახლოს მივიტანე და შევიყვარე. ჩემგან ძალიან განსხვავდება. ის თითქოს სულ სხვა პოლუსზე დგას, მე – სხვაზე. ძალიან მკაცრია, ზოგჯერ კი – სასტიკიც.
მისი მკაცრი ხასიათი თავიდან მომწონდა კიდეც. ვთვლიდი, რომ ეს ვაჟკაცური ბუნების გამოვლინება იყო. როცა ჩემ მიმართაც იმავე მეთოდების გამოყენება დაიწყო, აღარ მომეწონა. თითოეულ ნაბიჯის მიკონტროლებს. ჩემი კაბის და შარვლის სიგრძეს უყურებს. ახლა ვცდილობ, მას დავშორდე, მაგრამ არაფერი გამომდის.
მისი სიმკაცრე ყელში ამომივიდა. ყველაზე სასაცილო ის არის, რომ დედამისი ძალიან მოკლე კაბით დადის. ერთხელ ეს რომ ვუთხარი, გადაირია. დედაჩემი პატიოსანი ქალია, ის ცუდ გზას აღარ დაადგება, შენ კი მიხედვა გჭირდებაო. ბევრჯერ ავუხსენი, რომ მამაჩემი არ მზღუდავს და სხვას უფლება არ აქვს, რამე ამიკრძალოს. ის კი ამბობს, უნდა მოგარჯულო, მამაშენი კარგად ვერ გპატრონობსო.
მოსარჯულებელი არაფერი მჭირს! ვნანობ, რომ მას გადავეყარე. ვოცნებობ, თავი დამანებოს, მაგრამ არ მშორდება. რაღაცეებით მემუქრება, ამბობს, თუ მიმატოვებ, ისეთ სიგიჟეს ჩავიდენ, მთელ ქვეყანაზე თავს მოგჭრიო. ვიცი, სიმართლეს ამბობს და მართლა შეასრულებს იმას, რასაც ამბობს. ვერავის ვუმხელ, რომ ერთხელ სახეში ხელი გამარტყა.
ბევრჯერ ვცადე, აღარ შევხვედროდი, მაგრამ ყოველთვის დამემუქრა, რომ ჩემთან სახლში ამოვიდოდა და ოჯახს ამიწიოკებდა. აღარ ვიცი, როგორ მოვიქცე. მეგობარი მეუბნება, სხვას იპოვის და თავს დაგანებებსო, მაგრამ ეს "სხვაც" აღარ გამოჩნდა. მირჩიეთ, რა გავაკეთო, რომ ამ ბიჭმა თავი დამანებოს.
თქვენი ერთგული მკითხველი, 16 წლის
მისი მკაცრი ხასიათი თავიდან მომწონდა კიდეც. ვთვლიდი, რომ ეს ვაჟკაცური ბუნების გამოვლინება იყო. როცა ჩემ მიმართაც იმავე მეთოდების გამოყენება დაიწყო, აღარ მომეწონა. თითოეულ ნაბიჯის მიკონტროლებს. ჩემი კაბის და შარვლის სიგრძეს უყურებს. ახლა ვცდილობ, მას დავშორდე, მაგრამ არაფერი გამომდის.
მისი სიმკაცრე ყელში ამომივიდა. ყველაზე სასაცილო ის არის, რომ დედამისი ძალიან მოკლე კაბით დადის. ერთხელ ეს რომ ვუთხარი, გადაირია. დედაჩემი პატიოსანი ქალია, ის ცუდ გზას აღარ დაადგება, შენ კი მიხედვა გჭირდებაო. ბევრჯერ ავუხსენი, რომ მამაჩემი არ მზღუდავს და სხვას უფლება არ აქვს, რამე ამიკრძალოს. ის კი ამბობს, უნდა მოგარჯულო, მამაშენი კარგად ვერ გპატრონობსო.
მოსარჯულებელი არაფერი მჭირს! ვნანობ, რომ მას გადავეყარე. ვოცნებობ, თავი დამანებოს, მაგრამ არ მშორდება. რაღაცეებით მემუქრება, ამბობს, თუ მიმატოვებ, ისეთ სიგიჟეს ჩავიდენ, მთელ ქვეყანაზე თავს მოგჭრიო. ვიცი, სიმართლეს ამბობს და მართლა შეასრულებს იმას, რასაც ამბობს. ვერავის ვუმხელ, რომ ერთხელ სახეში ხელი გამარტყა.
ბევრჯერ ვცადე, აღარ შევხვედროდი, მაგრამ ყოველთვის დამემუქრა, რომ ჩემთან სახლში ამოვიდოდა და ოჯახს ამიწიოკებდა. აღარ ვიცი, როგორ მოვიქცე. მეგობარი მეუბნება, სხვას იპოვის და თავს დაგანებებსო, მაგრამ ეს "სხვაც" აღარ გამოჩნდა. მირჩიეთ, რა გავაკეთო, რომ ამ ბიჭმა თავი დამანებოს.
თქვენი ერთგული მკითხველი, 16 წლის
