ანფისა ჩეხოვა ქმარ-შვილს არჩენს

ცნობილი რუსი ტელეწამყვანი, მსახიობ გურამ ბაბლიშვილის მეუღლე, ანფისა ჩეხოვა რუსეთის პირველ არხს ტყუილში ადანაშაულებს. საქმე ეხება ტელეპროგრამა "ცხოვრება ქუსლებქვეშ", რომელმაც ერთ-ერთი გადაცემა არათანაბარი შემოსავლის მქონე ცნობილ წყვილებს დაუთმო. გურამი და ანფისაც გადაცემის ობიექტივში მოხვდნენ, რადგან აღმოჩნდა, რომ ანფისა ქმარზე ბევრად მეტ ფულს შოულობს.

გადაცემაში ითქვა, რომ მსახიობი გურამ ბაბლიშვილი როლებით განებივრებული არაა და ამიტომ ქმრისა და შვილი რჩენა ანფისამ თავის თავზე აიღო. იქვე ჟღერს ანფისას კომენტარი:

"ზეცაში არავის გადაუწყვეტია, ვინ უნდა შემოიტანოს ოჯახში მეტი ფული. ვინც როგორ მოახერხებს ამას, ოჯახიც ისე იცხოვრებს", - განუცხადა ანფისამ გადაცემის ჟურნალისტს, თუმცა მოგვიანებით სოციალური ქსელის "ტვიტერის" გვერდზე დაწერა, რომ ის მოატყუეს.

"ძალიან ვწუხვარ, რომ პირველი არხი ადამიანებს საკუთარი რეპუტაციის შელახვის საშუალებას აძლევს. გვითხრეს, რომ გადაცემა დიდი სიყვარულის თემაზე მზადდებოდა, საბოლოოდ კი "ქუსლებქვეშ" აღმოვჩნდით", - წერს ჩეხოვა.

მომზადებულია kp.ru-ს მიხედვით.