კიტრის სნეკი პიტნიანი ნადუღით

გულსართად შეგიძლიათ გამოიყენოთ ნებისმიერი სალათა. ჩვენს შემთხვევაში კი პიტნიანი ნადუღია გამოყენებული.

გულსართის რაოდენობა თავად უნდა განსაზღვროთ, იმისდა მიხედვით, თუ რამდენ კიტრს გამოიყენებთ.

საჭირო მასალა

1 მოზრდილი კიტრი
100 გრ პიტნიანი ნადუღი
ოხრახუში

მომზადება

კიტრი ისე გავთალოთ, რომ თანაბარი ზომის თეთრი და მწვანე ზოლები მივიღოთ. კიტრი 3-4 ადგილას თანაბრად გავჭრათ სიგანეზე. თითოეულ ნაჭერს ჩაის კოვზის საშუალებით ამოვაცალოთ გული ისე, რომ ძირი არ დავაზიანოთ.

უნდა მივიღოთ ჭიქის ფორმის ნაჭრები. გულამოცლილი კიტრის ნაჭრები ამოვავსოთ გულსართით, მოვრთოთ ოხრახუშის ფოთლებით და მაშინვე მივიტანოთ სუფრაზე.