მეცნიერებმა ქორწინების შესანარჩუნებელი სპრეი გამოიგონეს

ნოტინგემის უნივერსიტეტის ფსიქოლოგებმა იციან, როგორ დაგეხმარონ. მათ შექმნეს უნიკალური ჰორმონალური სპრეი, რომელიც თქვენს ურთიერთობაში ჰარმონიას შემოიტანს.

ქორწინების გასამყარებელი სპრეი შეიცავს აქტიურ პეპსიდ ოქსიტოცინს, ე.წ. ალერსის ჰორმონს, რომლის ზემოქმედების ქვეშაც ქალები უფრო თბილები და დამთმობები ხდებიან, ხოლო მამაკაცები - უფრო მგრძნობიარენი.

ოქსიტოცინი ორგანიზმში, როგორც წესი, ფიზიკური დატვირთვის დროს გამოიყოფა და ლიბიდოს, ნდობის ფაქტორის ამაღლებას უწყობს ხელს. ამის გარდა, ეს ჰორმონი მშობელსა და შვილს შორის ემოციურ კავშირსაც აძლიერებს.

სპრეის მოქმედება 20-დან 50 წლამდე 17 წყვილზე გამოსცადეს - ზოგი მათგანი ოფიციალურად იმყოფებოდა ქორწინებაში, ზოგიც - უბრალოდ, ერთად ცხოვრობდა. მათ სთხოვეს, გაერჩიათ მათთვის ყველაზე კონფლიქტური თემა. კამათის დაწყებიდან 45 წუთის შემდეგ ექსპერიმენტის მონაწილე წყვილებმა ჰაერში გაშვებული სპრეი შეისუნთქეს და... კონფლიქტი მაშინვე განელდა.

კალიფორნიის უნივერსიტეტის მეცნიერებმა კი დაადგინეს, რომ ოქსიტოცინის სპრეის დღეში ორჯერ გამოყენება წყვილებში სექსუალურ ცხოვრებასაც აუმჯობესებს.