ქრისტინე ძიძიგური: "შეინარჩუნეთ ბუნებრიობა და სისადავე"
3 938 ნახვა
ქართველი მოდელი ქრისტინე ძიძიგური რამდენიმე წლის წინ პარიზში, მსოფლიო მოდის დედაქალაქში სამუშაოდ მიიწვიეს და ამჟამად არაერთ ცნობილ ბრენდთან თანამშრომლობს.
- შემიძლია ვთქვა, რომ ჩემი კარიერა წარმატებით ვითარდება. ვთანამშრომლობ სააგენტო "სლაიდთან", ოცნება ამიხდა - Christian Dior Parfume-თან მომიწია მუშაობამ, ამ ბრენდის ბოლო ტენდენციის მაკიაჟი წარვადგინე ჟურნალებისთვის. ვთანამშრომლობ სხვა ბრენდებთანაც: "ქლოესთან", "ლ"ორეალთან"... მოვხვდი "იუნესკოს" პროექტ Les Origines დე La Beaute-ში, სადაც ბუნებრივ სილამაზეს ითხოვდნენ - მოდელს თმაც კი არ უნდა ჰქონოდა შეღებილი. ამ პროექტში საქართველო წარვადგინე. რამდენიმე თვის წინ გავხდი ახალგაზრდა დიზაინერის, ალექსანდრ ვოტიეს სახე.
- ძნელია მოდის დედაქალაქში ცხოვრება?
- ფრანგები მაქსიმალისტები არიან. ბუნებრივია, ძნელია ახალგაზრდა ქალის უცხო ქალაქში მოღვაწეობა, სადაც უდიდესი კონკურენციაა. მოდელობა პრესტიჟულია, მაგრამ უზარმაზარ პასუხისმგებლობას და შრომას მოითხოვს.
- ქალისთვის მაკიაჟი მისი სილამაზის წარმოსაჩენი მნიშვნელოვანი დეტალია. თქვენ როგორ მაკიაჟს ანიჭებთ უპირატესობას?
- მართალი ბრძანდებით. არც მე ვამბობ უარს მაკიაჟზე, მაგრამ ვინაიდან პარიზში ბუნებრივ სილამაზეს ითხოვენ, იშვიათად ვიყენებ... პარფიუმერიული ბრენდებიდან მომწონს "მაკის" პროდუქცია, აგრეთვე, "დიორისა" და "შანელის" თვალის ჩრდილები და "გერლენის" ტუჩსაცხი. ისე კი, სილამაზისთვის ძვირად ღირებული პარფიუმერია სულაც არ არის აუცილებელი, თუ მოინდომე, საშინაო პირობებშიც შეიძლება თავის მოვლა.
- სუნამო ქალის მშვენიერების დამატებითი შტრიხია. თქვენ როგორი სურნელი მოგწონთ?
- კოკო შანელს უთქვამს: ქალს, რომელიც სუნამოს არ იპკურებს, მომავალი არა აქვსო... საფრანგეთში, თუ მამაკაცი ქალს სუნამოს აჩუქებს, ეს ახლო ურთიერთობის სურვილს ნიშნავს... მე სხვადასხვა სურნელი მომწონს: "პატარა შავი კაბა", "ედიქტი", "პურ პუაზონი" და "ნარცისო როდრიგესი".
- სახე თუ სხეული - რომელს მეტ ყურადღებას უთმობთ?
- ორივეს. ლამაზი სახეც მნიშვნელოვანია და მოვლილი სხეულიც. სხეულს ვარჯიში სჭირდება, განსაკუთრებით - მოდელისთვის, თუმცა პროფესიას რა მნიშვნელობა აქვს, - ადამიანი ყოველთვის მოწესრიგებული უნდა იყოს. დიეტის წინააღმდეგი ვარ, გენეტიკურადაც არ ვარ სიმსუქნისკენ მიდრეკილი, მაგრამ ყოველთვის ვვარჯიშობ და ვიკეთებ მასაჟს.
- რით განსხვავდება პარიზული და ქართული სამოდელო ინდუსტრია?
- ფრანგული მოდის კულტურას საქართველოსას ვერც კი შევადარებ. ფრანგებს დიდი გამოცდილებაც აქვთ და უკეთესი დიზაინერებიც ჰყავთ. მათ სხვა ფაქტორებიც ეხმარება. საქართველოში კი მოდა სეზონურად ვითარდება, ეს პროცესი დინამიკური არ არის. გვყავს რამდენიმე გამორჩეული დიზაინერი, სირთულეების მიუხედავად, გზას რომ იკვლევენ სამოდელო სფეროში, მაგრამ ძალზე ბევრია სამუშაო. მსოფლიო ბაზარზე სიახლე, ორიგინალური ნამუშევრები აინტერესებთ და არა სახელმოხვეჭილ დიზაინერთა შემოქმედების ასლები.
- ვის მიიჩნევთ გემოვნებიან მანდილოსნად?
- კონდოლიზა რაისს, მიშელ ობამას, კარლა ბრუნის, კეიტ მიდლტონსა და ვიქტორია ბექჰემს. მათ ყოველთვის კლასიკურად და დახვეწილად აცვიათ.
- რას ურჩევთ ქართველ ქალებს?
- მოუარეთ თმას, კანს, სხეულს, თვალი ადევნეთ მოდის ტენდენციებს და შეინარჩუნეთ ბუნებრიობა და სისადავე. ყველა ქალს შეუძლია საკუთარ თავში რაღაც განსაკუთრებულის, სხვებისგან გამორჩეულის პოვნა და სწორედ ეს წარმოაჩინეთ.
თამარ ბოჭორიშვილი
ყოველკვირეული გაზეთი "ყველა სიახლე"
- შემიძლია ვთქვა, რომ ჩემი კარიერა წარმატებით ვითარდება. ვთანამშრომლობ სააგენტო "სლაიდთან", ოცნება ამიხდა - Christian Dior Parfume-თან მომიწია მუშაობამ, ამ ბრენდის ბოლო ტენდენციის მაკიაჟი წარვადგინე ჟურნალებისთვის. ვთანამშრომლობ სხვა ბრენდებთანაც: "ქლოესთან", "ლ"ორეალთან"... მოვხვდი "იუნესკოს" პროექტ Les Origines დე La Beaute-ში, სადაც ბუნებრივ სილამაზეს ითხოვდნენ - მოდელს თმაც კი არ უნდა ჰქონოდა შეღებილი. ამ პროექტში საქართველო წარვადგინე. რამდენიმე თვის წინ გავხდი ახალგაზრდა დიზაინერის, ალექსანდრ ვოტიეს სახე.
- ძნელია მოდის დედაქალაქში ცხოვრება?
- ფრანგები მაქსიმალისტები არიან. ბუნებრივია, ძნელია ახალგაზრდა ქალის უცხო ქალაქში მოღვაწეობა, სადაც უდიდესი კონკურენციაა. მოდელობა პრესტიჟულია, მაგრამ უზარმაზარ პასუხისმგებლობას და შრომას მოითხოვს.
- ქალისთვის მაკიაჟი მისი სილამაზის წარმოსაჩენი მნიშვნელოვანი დეტალია. თქვენ როგორ მაკიაჟს ანიჭებთ უპირატესობას?
- მართალი ბრძანდებით. არც მე ვამბობ უარს მაკიაჟზე, მაგრამ ვინაიდან პარიზში ბუნებრივ სილამაზეს ითხოვენ, იშვიათად ვიყენებ... პარფიუმერიული ბრენდებიდან მომწონს "მაკის" პროდუქცია, აგრეთვე, "დიორისა" და "შანელის" თვალის ჩრდილები და "გერლენის" ტუჩსაცხი. ისე კი, სილამაზისთვის ძვირად ღირებული პარფიუმერია სულაც არ არის აუცილებელი, თუ მოინდომე, საშინაო პირობებშიც შეიძლება თავის მოვლა.
- სუნამო ქალის მშვენიერების დამატებითი შტრიხია. თქვენ როგორი სურნელი მოგწონთ?
- კოკო შანელს უთქვამს: ქალს, რომელიც სუნამოს არ იპკურებს, მომავალი არა აქვსო... საფრანგეთში, თუ მამაკაცი ქალს სუნამოს აჩუქებს, ეს ახლო ურთიერთობის სურვილს ნიშნავს... მე სხვადასხვა სურნელი მომწონს: "პატარა შავი კაბა", "ედიქტი", "პურ პუაზონი" და "ნარცისო როდრიგესი".
- სახე თუ სხეული - რომელს მეტ ყურადღებას უთმობთ?- ორივეს. ლამაზი სახეც მნიშვნელოვანია და მოვლილი სხეულიც. სხეულს ვარჯიში სჭირდება, განსაკუთრებით - მოდელისთვის, თუმცა პროფესიას რა მნიშვნელობა აქვს, - ადამიანი ყოველთვის მოწესრიგებული უნდა იყოს. დიეტის წინააღმდეგი ვარ, გენეტიკურადაც არ ვარ სიმსუქნისკენ მიდრეკილი, მაგრამ ყოველთვის ვვარჯიშობ და ვიკეთებ მასაჟს.
- რით განსხვავდება პარიზული და ქართული სამოდელო ინდუსტრია?
- ფრანგული მოდის კულტურას საქართველოსას ვერც კი შევადარებ. ფრანგებს დიდი გამოცდილებაც აქვთ და უკეთესი დიზაინერებიც ჰყავთ. მათ სხვა ფაქტორებიც ეხმარება. საქართველოში კი მოდა სეზონურად ვითარდება, ეს პროცესი დინამიკური არ არის. გვყავს რამდენიმე გამორჩეული დიზაინერი, სირთულეების მიუხედავად, გზას რომ იკვლევენ სამოდელო სფეროში, მაგრამ ძალზე ბევრია სამუშაო. მსოფლიო ბაზარზე სიახლე, ორიგინალური ნამუშევრები აინტერესებთ და არა სახელმოხვეჭილ დიზაინერთა შემოქმედების ასლები.
- ვის მიიჩნევთ გემოვნებიან მანდილოსნად?
- კონდოლიზა რაისს, მიშელ ობამას, კარლა ბრუნის, კეიტ მიდლტონსა და ვიქტორია ბექჰემს. მათ ყოველთვის კლასიკურად და დახვეწილად აცვიათ.
- რას ურჩევთ ქართველ ქალებს?
- მოუარეთ თმას, კანს, სხეულს, თვალი ადევნეთ მოდის ტენდენციებს და შეინარჩუნეთ ბუნებრიობა და სისადავე. ყველა ქალს შეუძლია საკუთარ თავში რაღაც განსაკუთრებულის, სხვებისგან გამორჩეულის პოვნა და სწორედ ეს წარმოაჩინეთ.
თამარ ბოჭორიშვილი
ყოველკვირეული გაზეთი "ყველა სიახლე"
