სკანდალი თეთრ სახლში – მიშელ ობამამ ტაილანდის პრემიერ-მინისტრზე იეჭვიანა

ბარაკ ობამამ 5 მილიონი დოლარი დახარჯა ჰავაიზე საშობაო არდადეგებზე... მის ხარჯებს, როგორც ყოველთვის, ამერიკელი გადამხდელები ანაზღაურებენ!

ჟურნალ Globe-ის მონაცემებით, ბარაკი, მისი ორი შვილი და მეუღლე, მიშელ ობამა საშობაოდ საკმაოდ ძვირად ღირებულ კურორტზე ისვენებენ.

"ქვეყნის პირველი ოჯახი ითხოვს უკიდურესად ძვირ მომსახურებას და განსაკუთრებულ შეღავათებს. ამიტომაც მათ მიერ ფულის ასე ფლანგვა უბრალო მოქალაქეების განრისხებას იწვევს", - აღნიშნავს გამოცემა.

ახლახან ცნობილი გახდა, რომ მიშელ ობამა წყობილებიდან გამოიყვანა იმ ფოტოების ნახვამ, სადაც მისი ქმარი აშკარად ეფლირტავება მშვენიერ ქალბატონს – ტაილანდის პრემიერ-მინისტრს. მიშელმა ჩათვალა, რომ ის მთელი ქვეყნის წინაშე დაამცირეს.

"მიშელის ეჭვიანობა დიდი ხანია მწიფდება და ბოლოს და ბოლოს იფეთქა", - ყვება თეთრი სახლის ერთ-ერთი წარმომადგენელი. – ის საკმაოდ მტკივნეულად განიცდიდა ბარაკის ზედმეტ ყურადღებას, რომელსაც ის იჩენდა ოფიციალური შეხვედრებისას ჰოლივუდის ლამაზმანების მიმართ, ისეთების, როგორებიც არიან კერი ვაშინგტონი და სკარლეტ იოჰანსონი; მაგრამ ოფიციალურ ფოტოსესიაზე აშკარად მოფლირტავე ქმრის ნახვამ პირველი ლედი მოთმინებიდან გამოიყვანა. საშინელი სკანდალი მოხდა!"

როგორც ჩანს, ოჯახის მდიდრულად დასვენება – ეს მეუღლის წინაშე პრეზიდენტის ერთგვარი დანაშაულის გამოსყიდვა იყო.


მასალის წყარო: Globe