შეეგებეთ გველის წელს "გველისებური" სალათით

შეეგებეთ გველის წელს "გველისებური" სალათით

ვინაიდან 2013 წელი გველის წელია, თქვენ კი საახალწლო სუფრის დამშვენებას განსაკუთრებული კერძებით გეგმავთ, ორიგინალობისთვის ეს სალათა ნამდვილად დაგჭირდებათ.

სალათის მოსამზადებლად საჭიროა:

ავოკადო - 700 გრამი, ლიმონი - 1 ცალი, მწვანე ხახვი - 6-8 ცალი, მოხარშული კვერცხი - 3 ცალი, კრევეტები (სურვილისამებრ) - 6 ცალი, მარილი - 1 ჩაის კოვზი, შავი პილპილი - 0,5 ჩაის კოვზი, მცენარეული ზეთი - 1 სუფრის კოვზი.

მომზადება:

700 გრამი ავოკადო გაფცქვენით და მოაშორეთ შიგნეული. 500 გრამი გაწმენდილი რბილი ავოკადო ჩადეთ ჯამში და დაჭყლიტეთ. დაამატეთ სამი ცალი წვრილად დაჭრილი მოხარშული კვერცხი, ასევე წვრილად დაჭერით 6-8 ცალი ხახვი და ჩაამატეთ ჯამში.

მოაყარეთ ნახევარი ჩაის კოვზი მარილი და ნახევარი ჩაის კოვზი პილპილი. დაამატეთ ნახევარი ლიმონის წვენი და 1 სუფრის კოვზი მცენარეული ზეთი. ყველაფერი კარგად აურიეთ, სალათა მზად არის. შეგიძლიათ გადმოიღოთ სალათა და სუფრაზე მიიტანოთ.

რადგან 2013 წელი გველის წელიწადია, შეგიძლიათ სალათა სადღესასწაულო სუფრაზე "განსაკუთრებული" ფორმით მიიტანოთ. 200 გრამი ავოკადო დაჭერით ძალიან თხელ ნაჭრებად. ასევე ძალიან თხლად დაჭერით მოხარშული კრევეტები.

მაგიდაზე სამზარეულოს პრიალა პარკი გაშალეთ, მოასხით ლიმონის წვენი და ზეთი. პარკზე დაალაგეთ თხლად დაჭრილი ავოკადოს და კრევეტების ნაჭრები, მოაყარეთ მარილი და პილპილი. ავოკადოსგან მომზადებული სალათა შუაში გველისებური ფორმით განათავსეთ.

შემდეგ პარკის დახმარებით დაახვიეთ გველი და ფრთხილად მოათავსეთ თეფშზე, მოაშორეთ პარკი. გააფორმეთ გველის თავი, გაუკეთეთ ბროწეულის თვალები, წითელი წიწაკისგან ენა. გააფორმეთ მწვანილით და "გველი" მზადაა!