ფილმის "მარტო სახლში" ვარსკვლავმა მაკოლეი კალკინმა თვითმკვლელობა სცადა

ყველასათვის საყვარელი საშობაო ფილმის მთავარი გმირის შემსრულებელმა მაკოლეი კალკინმა თვითმკვლელობა სცადა. როგორც ცნობილია, ფილმის "მარტო სახლში" ვარსკვლავი ნარკოტიკების მომხმარებელია. ამბობენ, რომ მაკოლეის წამლის ზედმეტი დოზა მოუვიდა, თუმცა ეს შემთხვევითობა არ ყოფილა.

მსახიობთან დაახლოებული პირის განცხადებით, მაკოლეიმ ნარკოტიკის ზედმეტი დოზა თვითმკვლელობის მიზნით მიიღო.

"დარწმუნებული ვარ, რომ ეს თვითმკვლელობის მცდელობა იყო! საბედნიეროდ, მაკოლეი ამ დროს მარტო არ იყო, თორემ მას ვერ გადაარჩენდნენ", - ყვება კალკინის მეგობარი.

ინციდენტის შემდეგ მაკოლეის ფსიქოლოგიური დახმარება სჭირდება, თუმცა ის არ აღიარებს, რომ მას სერიოზული ფსიქოლოგიური პრობლემები აქვს.

"საქმე ისაა, რომ მისი ცხოვრება ჩიხში მოექცა, მისი კარიერა – სანაგვეში, და რაც მთავარია, ის ვერ ივიწყებს მილა კუნისს, რომელმაც მსახიობი ნარკოტიკების მოხმარების გამო მიატოვა". - ამბობს მსახიობის მეგობარი.

კალკინი სიცოცხლით რისკავს, თუ დაუყოვნებლივ სარეაბილიტაციო კლინიკას არ მიმართავს.

შეგახსენებთ, გასულ წელს კალკინი 8-წლიანი ურთიერთობის შემდეგ მილა კუნისს დაშორდა.

მასალის წყარო: National Enquirer