რამდენიმე რჩევა მათთვის, ვინც მარტო ხვდება ახალ წელს
1 446 ნახვა
მინდა, რომ დღეიდან მარტოხელა ქალბატონებისათვის ნამდვილი რჩევების დავთარი გავხდე; მინდა, მათ ვუთხრა - ეს დასასრული არაა; მინდა ,გავამხნევო და ვკითხო: განა საკუთარი თავი თქვენვე არ გეკუთვნით? ჰოდა, მიდით და მაქსიმალურად გაანებივრეთ იგი.
არ ვიცი, დაიჯერებთ თუ არა, მაგრამ ჩვენი პლანეტის მოსახლეობის 2% ახალი წლის ღამეს მარტო, სრულ მოწყენილობაში ატარებს. თითქოს არც ისე ბევრია, მაგრამ მსგავსი რამ ხომ ნებისმიერ ჩვენგანს შეიძლება დაემართოს?
ერთი შეხედვით, ყველაფერი რიგზეა: ,,გვყავს მეგობრები, ნათესავები, თანამშრომლები, მაგრამ როდესაც ახალი წელი მოდის, ისინი საკუთარ სახლებში, ოჯახის წევრებთან ერთად ამჯობინებენ ყოფნას.
მერე იწყება, რაც იწყება - საკუთარი თავი გეცოდება, გეჯავრება ყველა და ყველაფერი, ცრემლი გახრჩობს, ასე სლუკუნ-სლუკუნით რთავ ნაძვის ხეს, რომლისთვისაც, მიუხედავად ყველაფრისა, ორი ახალი სათამაშო მაინც იყიდე. მაგიდას სადღესასწაულო ხელსახოცებით ალამაზებ; თან ნერვები გეშლება იმიტომ, რომ არც "ოლივიე" გამოვიდა გემრიელი და ნამცხვარიც რაღაცნაირია, გამუქებულ გოზინაყზე რომ აღარაფერი ვთქვათ.
სტოპ, სტოპ, სტოპ! ეს რა საზიზღრობაა, გვეყო წუწუნი. იქნებ არც ისე ტრაგიკულადაა საქმე, თქვენ რომ გგონიათ? ეს ხომ მხოლოდ ერთი დღეა და არა მთელი ცხოვრება? ვინ იცის, რას გიქადით ეს წელიწადი? მეორეც - რაც უნდა ხალხმრავალ გარემოში ატარებდეთ დღესასწაულს, თუ მარტოსული ხართ და ეს თქვენი ჩვეულებრივი მდგომარეობაა, მაშინ მაინც მარტო იგრძნობთ თავს. არ გჯერათ?
წარმოიდგინეთ, რომ თქვენმა მეგობარმა დაგპატიჟათ და გთხოვათ, ახალი წელი მასთან ერთად გაატაროთ. თქვენ მშვენივრად იცით, რომ ეს, ძირითადად, საოჯახო დღესასწაულია და სულაც არ გსურთ მათ ოჯახურ იდილიაში შეჭრა, მაგრამ ბოლოს მაინც ხათრს ვეღარ უტეხთ და მიდიხართ. იქ კი სრულიად ბანალური სიტუაცია გხვდებათ: ბავშვები ჟრიამულობენ და სათამაშოების გახსნა-დათვალიერებით არიან დაკავებულნი. ისარი თორმეტს ჩამოჰკავს თუ არა, მეგობრის ქმარი, მაგალითად, სახელად ბადრი, იმ წუთასვე სასმისს შეავსებს, მას ხომ ასე ძალიან უნდოდა დალევა და კომპანიონს ეძებდა; ჰოდა, გიპოვათ კიდეც - თქვენ მისთვის ნამდვილი ხსნა ხართ.
კარგი, განვაგრძოთ: გავიდა ორიოდე წუთი და გარდა სმა-ჭამისა, მნიშვნელოვანი არაფერი ხდება, თუ, რა თქმა, უნდა არ ჩავთვლით ბადრის მრავლისმთქმელ სადღეგრძელოებს, რომლის მოსმენაც ნამდვილად არ მოგანიჭებთ სიამოვნებას და საცივ-გოზინაყის ფილოსოფიურ ჭრილში განხილვისა. ამით იმის თქმა გვინდა, რომ ესაა ოჯახურ სიტუაციაში ახალი წლის შეხვედრის ყველაზე გავრცელებული ვარიანტი. ჰო, მართლა, ამ ნაკრებს ზოგჯერ დედამთილ-მამამთილი ან სიდედრ-სიმამრიც ესწრება, რაც არცთუ ისე ახარებს ხოლმე ახალგაზრდებს. ამას ნამდვილად სჯობს თქვენს მყუდრო ბინაში ყოფნა, ტელევიზორთან ჯდომა და შამპანურის წრუპვა.
ახლა კი რამდენიმე კონკრეტული და პრაქტიკული რჩევა მათ, ვინც მარტო რჩება ახალ წელს.
1. პირველ რიგში, მარტო ყოფნით ტრაგედიას ნუ შექმნით, პირიქით - სრულიად დატკბით ამ მარტოობით, განა მოსაწყენი არაა მუდმივად თანამშრომლებისა და მეგობრების ცქერა? უყიდეთ საკუთარ თავს საჩუქრები და ლამაზად მორთულ ნაძვის ხესთან დადეთ. შეიძინეთ ბლომად ფოიერვერკი და ერთი ბოთლი კარგი ღვინო ან შამპანური. საკუთარი თავი ადღეგრძელეთ და იმდენი ფოიერვერკი ისროლეთ, რამდენიც გაგიხარდებათ. შეგიძლიათ კარგ მუსიკაზე წაიცეკვოთ კიდეც, იგიჟოთ და ბოლომდე დაიცალოთ.
2. თუ სახლში ყოფნა არ გსურთ, რომელიმე რესტორანში, სადაც კარგი საახალწლო პროგრამაა, ადგილი წინასწარ დაჯავშნეთ, შეიძინეთ ლამაზი სადღესასწაულო კაბა, სალონში თავი მოიწესრიგეთ და წადით რესტორანში. ისე უნდა გაერთოთ, რომ ყველას თავი დაამახსოვროთ. ეს დღე თქვენია და ხელს ვერაფერი შეგიშლით. ამით ბოლომდე უნდა დატკბეთ - რა იცით, რა ხდება? იქნებ სწორედ აქ შეხვდეთ იმ ადამიანს, რომელსაც ამდენ ხანს ელოდით? თან ნახეთ, რა დამაინტრიგებელი და მიმზიდველია: რესტორანში ახალი წლის ღამეს მარტო მჯდომი იდუმალი ქალი.
3. თუ ეს ვარიანტი არ მოგწონთ, შეგიძლიათ ბებიას და ბაბუას ესტუმროთ სოფელში - აგიზგიზებულ ღუმელთან გატარებულ ახალ წელს სულ სხვა ხიბლი და რომანტიზმი ახლავს თან. თუ ფოიერვერკებს წაიღებთ და ეზოში ნამდვილ ჯადოსნურ ღამეს მოაწყობთ, იქაურ ბავშვებსაც გაახარებთ, მოხუცებს კი ბევრს აცინებთ და ახალგაზრდობას გაახსენებთ.
4. არც ესაა თქვენთვის მისაღები? მაშინ წინასწარ აიღეთ მივლინება, შეიძინეთ ბილეთები და საახალწლოდ სხვა ქვეყანაში წადით. იქიდან აუცილებლად დაბრუნდებით შთაბეჭდილებებით სავსე, სასიამოვნოდ დამუხტული და გახარებული. განა ასე გატარებული ახალი წელი ნამდვილი საოცრება არაა? თან, ადვილი შესაძლებელია, იქ მეგობარიც კი იპოვოთ.
5. კიდევ ერთი მშვენიერი საშუალება სოციალური ქსელია, სადაც ადვილად აღმოაჩენთ თქვენსავით მარტოსულ ან უბრალოდ, მოწყენილ მეგობრებს, რომლებსაც სრულიად განსხვავებულ გარემოში სურთ ახალი წლის გატარება. ამიტომაც მოაწყვეთ მშვენიერი ღონისძიება რომელიმე კარგ რესტორანში და მოწვევა გაუგზავნეთ. დამიჯერეთ, თუ ეს დღესასწაული კარგად ორგანიზებული იქნება, ისინი აუცილებლად წამოვლენ და კარნავალიც შედგება. შესაძლებელია, თემატური საღამოც იყოს. ასე უფრო საინტერესოა.
6. დავიჯერო, არც ერთი ვარიანტი არ მოგეწონათ? მაშინ ისევ მარტო დარჩენა სჯობს სახლში, ლამაზად გაწყობილ მაგიდასთან. ჰო, მართლა - იქნებ თოვლის პაპა გამოიძახოთ და გაერთოთ? ისიც გაოცებული დარჩება და თქვენც ბევრს იცინებთ. ან იქნებ თავად იკისროთ თოვლის ბაბუობა და მეგობრებისა და მეზობლების ბავშვები გაახაროთ?
7. არც ესაა შესაფერისი? მაშინ ადექით და უბრალოდ, მეტროში ჩადით. ტყუილად გიკვირთ, ვერც კი წარმოგიდგენიათ, ღამის თორმეტ საათზე რამდენი ადამიანი დაგხვდებათ იქ. ეს მითი სულაც არაა სტატისტიკაა. ასე რომ, სრულიად უცხო ადამიანებთან ერთად აბსოლუტურად უცხო გარემოში აღმოჩნდებით, ერთმანეთს გაუღიმებთ და ბევრ სითბოს აჩუქებთ.
ნუ მოიწყენთ! მარტოობა ისეთივე მავნე ჩვევაა, როგორც სიგარეტის მოწევა. მას, უბრალოდ, უნდა გადაეჩვიოთ. გილოცავთ, ჩემო კარგებო და გისურვებთ ბედნიერ, ბედნიერ ახალ წელს.
პატივისცემით, თქვენი მარტოობის მტერი ლულუ.
ინგა თარაშვილი
ჟურნალი "და ქალი"
არ ვიცი, დაიჯერებთ თუ არა, მაგრამ ჩვენი პლანეტის მოსახლეობის 2% ახალი წლის ღამეს მარტო, სრულ მოწყენილობაში ატარებს. თითქოს არც ისე ბევრია, მაგრამ მსგავსი რამ ხომ ნებისმიერ ჩვენგანს შეიძლება დაემართოს?
ერთი შეხედვით, ყველაფერი რიგზეა: ,,გვყავს მეგობრები, ნათესავები, თანამშრომლები, მაგრამ როდესაც ახალი წელი მოდის, ისინი საკუთარ სახლებში, ოჯახის წევრებთან ერთად ამჯობინებენ ყოფნას.
მერე იწყება, რაც იწყება - საკუთარი თავი გეცოდება, გეჯავრება ყველა და ყველაფერი, ცრემლი გახრჩობს, ასე სლუკუნ-სლუკუნით რთავ ნაძვის ხეს, რომლისთვისაც, მიუხედავად ყველაფრისა, ორი ახალი სათამაშო მაინც იყიდე. მაგიდას სადღესასწაულო ხელსახოცებით ალამაზებ; თან ნერვები გეშლება იმიტომ, რომ არც "ოლივიე" გამოვიდა გემრიელი და ნამცხვარიც რაღაცნაირია, გამუქებულ გოზინაყზე რომ აღარაფერი ვთქვათ.
სტოპ, სტოპ, სტოპ! ეს რა საზიზღრობაა, გვეყო წუწუნი. იქნებ არც ისე ტრაგიკულადაა საქმე, თქვენ რომ გგონიათ? ეს ხომ მხოლოდ ერთი დღეა და არა მთელი ცხოვრება? ვინ იცის, რას გიქადით ეს წელიწადი? მეორეც - რაც უნდა ხალხმრავალ გარემოში ატარებდეთ დღესასწაულს, თუ მარტოსული ხართ და ეს თქვენი ჩვეულებრივი მდგომარეობაა, მაშინ მაინც მარტო იგრძნობთ თავს. არ გჯერათ?
წარმოიდგინეთ, რომ თქვენმა მეგობარმა დაგპატიჟათ და გთხოვათ, ახალი წელი მასთან ერთად გაატაროთ. თქვენ მშვენივრად იცით, რომ ეს, ძირითადად, საოჯახო დღესასწაულია და სულაც არ გსურთ მათ ოჯახურ იდილიაში შეჭრა, მაგრამ ბოლოს მაინც ხათრს ვეღარ უტეხთ და მიდიხართ. იქ კი სრულიად ბანალური სიტუაცია გხვდებათ: ბავშვები ჟრიამულობენ და სათამაშოების გახსნა-დათვალიერებით არიან დაკავებულნი. ისარი თორმეტს ჩამოჰკავს თუ არა, მეგობრის ქმარი, მაგალითად, სახელად ბადრი, იმ წუთასვე სასმისს შეავსებს, მას ხომ ასე ძალიან უნდოდა დალევა და კომპანიონს ეძებდა; ჰოდა, გიპოვათ კიდეც - თქვენ მისთვის ნამდვილი ხსნა ხართ.
კარგი, განვაგრძოთ: გავიდა ორიოდე წუთი და გარდა სმა-ჭამისა, მნიშვნელოვანი არაფერი ხდება, თუ, რა თქმა, უნდა არ ჩავთვლით ბადრის მრავლისმთქმელ სადღეგრძელოებს, რომლის მოსმენაც ნამდვილად არ მოგანიჭებთ სიამოვნებას და საცივ-გოზინაყის ფილოსოფიურ ჭრილში განხილვისა. ამით იმის თქმა გვინდა, რომ ესაა ოჯახურ სიტუაციაში ახალი წლის შეხვედრის ყველაზე გავრცელებული ვარიანტი. ჰო, მართლა, ამ ნაკრებს ზოგჯერ დედამთილ-მამამთილი ან სიდედრ-სიმამრიც ესწრება, რაც არცთუ ისე ახარებს ხოლმე ახალგაზრდებს. ამას ნამდვილად სჯობს თქვენს მყუდრო ბინაში ყოფნა, ტელევიზორთან ჯდომა და შამპანურის წრუპვა.
ახლა კი რამდენიმე კონკრეტული და პრაქტიკული რჩევა მათ, ვინც მარტო რჩება ახალ წელს.
1. პირველ რიგში, მარტო ყოფნით ტრაგედიას ნუ შექმნით, პირიქით - სრულიად დატკბით ამ მარტოობით, განა მოსაწყენი არაა მუდმივად თანამშრომლებისა და მეგობრების ცქერა? უყიდეთ საკუთარ თავს საჩუქრები და ლამაზად მორთულ ნაძვის ხესთან დადეთ. შეიძინეთ ბლომად ფოიერვერკი და ერთი ბოთლი კარგი ღვინო ან შამპანური. საკუთარი თავი ადღეგრძელეთ და იმდენი ფოიერვერკი ისროლეთ, რამდენიც გაგიხარდებათ. შეგიძლიათ კარგ მუსიკაზე წაიცეკვოთ კიდეც, იგიჟოთ და ბოლომდე დაიცალოთ.
2. თუ სახლში ყოფნა არ გსურთ, რომელიმე რესტორანში, სადაც კარგი საახალწლო პროგრამაა, ადგილი წინასწარ დაჯავშნეთ, შეიძინეთ ლამაზი სადღესასწაულო კაბა, სალონში თავი მოიწესრიგეთ და წადით რესტორანში. ისე უნდა გაერთოთ, რომ ყველას თავი დაამახსოვროთ. ეს დღე თქვენია და ხელს ვერაფერი შეგიშლით. ამით ბოლომდე უნდა დატკბეთ - რა იცით, რა ხდება? იქნებ სწორედ აქ შეხვდეთ იმ ადამიანს, რომელსაც ამდენ ხანს ელოდით? თან ნახეთ, რა დამაინტრიგებელი და მიმზიდველია: რესტორანში ახალი წლის ღამეს მარტო მჯდომი იდუმალი ქალი.
3. თუ ეს ვარიანტი არ მოგწონთ, შეგიძლიათ ბებიას და ბაბუას ესტუმროთ სოფელში - აგიზგიზებულ ღუმელთან გატარებულ ახალ წელს სულ სხვა ხიბლი და რომანტიზმი ახლავს თან. თუ ფოიერვერკებს წაიღებთ და ეზოში ნამდვილ ჯადოსნურ ღამეს მოაწყობთ, იქაურ ბავშვებსაც გაახარებთ, მოხუცებს კი ბევრს აცინებთ და ახალგაზრდობას გაახსენებთ.
4. არც ესაა თქვენთვის მისაღები? მაშინ წინასწარ აიღეთ მივლინება, შეიძინეთ ბილეთები და საახალწლოდ სხვა ქვეყანაში წადით. იქიდან აუცილებლად დაბრუნდებით შთაბეჭდილებებით სავსე, სასიამოვნოდ დამუხტული და გახარებული. განა ასე გატარებული ახალი წელი ნამდვილი საოცრება არაა? თან, ადვილი შესაძლებელია, იქ მეგობარიც კი იპოვოთ.
5. კიდევ ერთი მშვენიერი საშუალება სოციალური ქსელია, სადაც ადვილად აღმოაჩენთ თქვენსავით მარტოსულ ან უბრალოდ, მოწყენილ მეგობრებს, რომლებსაც სრულიად განსხვავებულ გარემოში სურთ ახალი წლის გატარება. ამიტომაც მოაწყვეთ მშვენიერი ღონისძიება რომელიმე კარგ რესტორანში და მოწვევა გაუგზავნეთ. დამიჯერეთ, თუ ეს დღესასწაული კარგად ორგანიზებული იქნება, ისინი აუცილებლად წამოვლენ და კარნავალიც შედგება. შესაძლებელია, თემატური საღამოც იყოს. ასე უფრო საინტერესოა.
6. დავიჯერო, არც ერთი ვარიანტი არ მოგეწონათ? მაშინ ისევ მარტო დარჩენა სჯობს სახლში, ლამაზად გაწყობილ მაგიდასთან. ჰო, მართლა - იქნებ თოვლის პაპა გამოიძახოთ და გაერთოთ? ისიც გაოცებული დარჩება და თქვენც ბევრს იცინებთ. ან იქნებ თავად იკისროთ თოვლის ბაბუობა და მეგობრებისა და მეზობლების ბავშვები გაახაროთ?
7. არც ესაა შესაფერისი? მაშინ ადექით და უბრალოდ, მეტროში ჩადით. ტყუილად გიკვირთ, ვერც კი წარმოგიდგენიათ, ღამის თორმეტ საათზე რამდენი ადამიანი დაგხვდებათ იქ. ეს მითი სულაც არაა სტატისტიკაა. ასე რომ, სრულიად უცხო ადამიანებთან ერთად აბსოლუტურად უცხო გარემოში აღმოჩნდებით, ერთმანეთს გაუღიმებთ და ბევრ სითბოს აჩუქებთ.
ნუ მოიწყენთ! მარტოობა ისეთივე მავნე ჩვევაა, როგორც სიგარეტის მოწევა. მას, უბრალოდ, უნდა გადაეჩვიოთ. გილოცავთ, ჩემო კარგებო და გისურვებთ ბედნიერ, ბედნიერ ახალ წელს.
პატივისცემით, თქვენი მარტოობის მტერი ლულუ.
ინგა თარაშვილი
ჟურნალი "და ქალი"
