პარიზში შიშვლად გარუჯვა აკრძალეს

საფრანგეთის დედაქალაქის მთავრობამ სპეციალური სანქციები მათთვის შემოიღო, ვინც პარკებში ან მდინარე სენას ნაპირებთან ნახევრად შიშველი ან სრულიად შიშველი გამოჩნდება. ჯარიმის ოდენობა 38 ევროდან 3 750 ევრომდე მერყეობს.

ერთი წლით თავისუფლების აღკვეთა კი მას ემუქრება, ვინც საცურაო კოსტიუმით ინტიმურ ადგილებს საერთოდ არ დაიფარავს.

ქალაქის პარკებსა და სკვერებში კი საცურაო კოსტიუმით გამოჩენა იკრძალება - სამოსი უნდა შეეფერებოდეს საზოგადოებრივ-მორალურ ნორმებს.

ყოველ ზაფხულს პარიზის ცენტრში ხელოვნური პლაჟი იხსნება - იყრება ქვიშა, ალაგებენ შეზლონგებსა და ქოლგებს. ქალაქური პლაჟები ივლისის შუა რიცხვებიდან აგვისტოს ბოლომდე ფუნქციონირებს.