პომიდვრიანი ერბოკვერცხი (+ ფოტოგაკვეთილი)

ამ კერძის მომზადება შეგვიძლია ტკბილი წიწაკის გარეშეც. ზოგჯერ პომიდვრიან ერბოკვერცხს უფრო წვნიანს ამზადებენ.
იხილეთ ფოტოგაკვეთილი

საჭირო მასალა

2-3 ცალი დაჭყლეტილი პომიდორი
2 თავი ხახვი
1 ცალი ტკბილი წიწაკა
1 კბილი ნიორი
3 ს.კ. ზეთი
1 კონა რეჰანი, ქინძი და ოხრახუში
2 კვერცხი
მარილი, წიწაკა – გემოვნებით

მომზადება

1. ხახვი წვრილად დავჭრათ და ზეთში მოვშუშოთ.

2. როდესაც ხახვი დარბილდება, დავაყაროთ დაჭრილი წიწაკა და განვაგრძოთ შუშვა.

3. 3 წუთის შემდეგ დავასხათ დაჭყლეტილი პომიდორი და ცეცხლს დავუწიოთ.

4. როდესაც პომიდორი ოდნავ გამუქდება და შესქელდება, დავაყაროთ მარილი, წიწაკა, დაჭრილი მწვანილი და ნიორი.

5. 1-2 წუთში პომიდორს თანაბრად მოვასხათ გათქვეფილი კვერცხი და ამოვურიოთ.

6. ერბოკვერცხი 2-3 წუთში გადმოვდგათ ცეცხლიდან. შეგვიძლია მივირთვათ შეგრილებულიც.

იხილეთ ფოტოგაკვეთილი