მაკოლეი კალკინი ნარკოტიკების მოხმარებას უარყოფს

ბევრს აინტერესებს, თუ რა ხდება დღეს ფილმის "მარტო სახლში" ვარსკვლავის ცხოვრებაში. ჟურნალმა "The National Enquirer"-მა რამდენიმე დღის წინ, სტატია გამოაქვეყნა, სადაც ნათქვამია, რომ მაკოლეი კალკინი ნარკოტიკებზე თვეში 6 ათას დოლარს ხარჯავს. კერძოდ, მსახიობი ჰეროინსა და ტკივილგამაყუჩებლებს იღებს. გამოცემას იმის აღნიშვნაც არ დავიწყებია, რომ კალკინის ნარკოდამოკიდებულება მილა კუნისთან განშორების შემდეგ, კიდევ უფრო გაიზარდა. მოგვიანებით, მაკოლეის წარმომადგენელმა განცხადება გააკეთა: "The National Enquirer-ის წერილის მიხედვით, კალკინის ჰეროინსა და ჰალუცინოგენებზე დამოკიდებულების დამამტკიცებელი საბუთი არ არსებობს და აღნიშნული ინფორმაცია სრული სიცრუეა". ქალბატონმა ასევე თქვა, რომ ეს სტატია მისი კლიენტისთვის "დამამცირებელი და გამანადგურებელია". თუმცა, კალკინმა გადაწყვიტა, რომ გამოცემისთვის არ ეჩივლა. დღეს მსახიობი ნიუ იორკის ერთ-ერთ კლუბში დიჯეად მუშაობს. მისი ბოლო კინონამუშევარი 2007 წელს გამოსული "სექსი და საუზმე" გახლავთ.